ડિજિટલ વિશ્વમાં સાયબર ફ્રોડ ઝડપી ગતિએ વધી રહ્યું છે. એકવાર ફ્રોડ કરનાર કોઈના નિશાન પર નજર મૂકે, તો તેમને પકડવું ઘણીવાર મુશ્કેલ બની જાય છે. નિષ્ણાતો જણાવે છે કે સાયબર ફ્રોડ પછી “ગોલ્ડન અવર્સ” હોય છે. આ સમયગાળામાં જો તમે તરત ફરિયાદ નોંધાવો, તો તમારા પૈસા પાછા મેળવવાની શક્યતા વધુ હોય છે. ઘણીવાર લોકો એ દિવસો પછી જ સમજતા કે તેઓ છેતરપિંડીનો શિકાર બન્યા છે. ચાલો જાણીએ કે ગોલ્ડન અવર્સ શું છે અને ફરિયાદ નોંધાવવામાં કેટલી મિનિટોમાં તમારા પૈસા પાછા મળવાની શક્યતા વધી જાય.
ગોલ્ડન અવર્સ એ તે સમયગાળો છે જ્યારે ફ્રોડ પછી તરત પગલાં લેવાથી નુકસાન અટકાવી શકાય છે. આ સામાન્ય રીતે ફ્રોડ થયા પછીના પહેલા થોડા કલાકો સુધીનું સમયગાળો હોય છે. જેમ કે, મુંબઈની એક મહિલા ઓનલાઈન હોટેલ બુક કરાવી રહી હતી. છેતરપિંડી કરનારાઓએ તેની સાથે છેતરપિંડી કરી અને 93,૦૦૦ રૂપિયા પડાવી લીધા. પોતાની સાથે છેતરપિંડી થઈ રહી છે તે જાણીને, મહિલા અને તેના પતિએ બેંક અને પોલીસને ફોન કર્યો. તેમણે ગોલ્ડન અવર્સમાં એટલે કે થોડા જ કલાકોમાં ફરિયાદ નોંધાવી. પોલીસે છેતરપિંડી કરનારાઓનું એકાઉન્ટ ફ્રીઝ કરી દીધું. પૈસા આગળ ટ્રાન્સફર કરવામાં આવ્યા નહીં, અને આખી રકમ પાછી મેળવવામાં આવી.
સાયબર ફ્રોડ મા 60 મિનિટની અંદર ફરિયાદ નોંધાવો
નિષ્ણાતો જણાવે છે કે, પહેલાં પૈસા ટ્રાન્સફર કરવાની પ્રક્રિયા ધીમી હતી, જેમાં બે થી ત્રણ દિવસનો સમય લાગતો હતો. હવે, બધું તરત જ થઈ જાય છે. જો ફરિયાદ પહેલા કલાક અથવા 60 મિનિટમાં મળે તો પણ પૈસા પહેલા કે બીજા ખાતામાં જ હોય છે. બેંકો અને પોલીસ તેને સરળતાથી અટકાવી શકે છે.
જો છેતરપિંડી થાય તો શું કરવું?
પ્રથમ 1930 ડાયલ કરો (દેશભરમાં કાર્ય કરે છે). ઉપરાંત, cybercrime.gov.in ની મુલાકાત લો અને ઓનલાઈન ફરિયાદ નોંધાવો. તેમજ તાત્કાલિક તમારી બેંકને ફોન કરો અને તેમને ટ્રાજેંશન કરવા માટે કહો. જેટલી જલ્દી તમે તે કરશો, તેટલી જ તમારા પૈસા બચાવવાની શક્યતા વધુ રહેશે.
આ પણ વાંચો: ગુજરાતમાં સાયબર ફ્રોડ કરનારાઓ સામે કાર્યવાહી… પીડિતોને 5.51 કરોડ રૂપિયા પરત
