Breaking News:ગીર સોમનાથ જિલ્લાના તાલાલા પંથકમાં ફરી એકવાર ધરતી ધ્રૂજી ઊઠી છે. મોડી રાત્રે 11:46 વાગ્યે આવેલા ભૂકંપના આંચકાની તીવ્રતા રિક્ટર સ્કેલ પર 2.5 નોંધાઈ છે. આ આંચકો સતત ત્રીજા દિવસે અનુભવાયો છે, જેના કારણે સ્થાનિક લોકોમાં ભયનો માહોલ છવાયો છે.ઇન્સ્ટિટ્યૂટ ઑફ સિસ્મોલોજિકલ રિસર્ચ (ISR) અનુસાર, આ ભૂકંપનું (Earthquake) કેન્દ્રબિંદુ તાલાલાથી આશરે 25 કિલોમીટર દૂર નોંધાયું છે. આંચકો હળવો હોવા છતાં તાલાલા અને આસપાસના ગામોમાં સ્પષ્ટપણે અનુભવાયો હતો. સદનસીબે, આ ઘટનામાં કોઈ જાનહાનિ કે મોટા નુકસાનના અહેવાલ નથી.

રિક્ટર સ્કેલ ભૂકંપની (Earthquake) તીવ્રતા 2.5 નોંધાઈ

આ વર્ષના ડિસેમ્બર મહિનામાં તાલાલા પંથકમાં 50થી વધુ ભૂકંપના (Earthquake) આંચકા નોંધાયા છે, જેમાંથી કેટલાકની તીવ્રતા 3.0થી ઉપરની હતી. તાજેતરમાં 29 ડિસેમ્બરે એક જ દિવસમાં 4 આંચકા અનુભવાયા હતા, જેના કારણે લોકોમાં ભારે ફફડાટ ફેલાયો હતો.નિષ્ણાતોના મતે, સૌરાષ્ટ્રનો આ વિસ્તાર ભૂકંપની દૃષ્ટિએ સંવેદનશીલ છે. અહીંની પથરાળ જમીન અને ભૂગર્ભીય હિલચાલને કારણે વારંવાર હળવા આંચકા આવતા રહે છે. ખાસ કરીને મોનસૂન પછી પાણીનું ભૂગર્ભમાં પ્રવેશવું આ પ્રકારની ગતિવિધિઓને વેગ આપે છે.

ગીર સોમનાથ જિલ્લાના તાલાલા વિસ્તારમાં છેલ્લા કેટલાક દિવસોથી ભૂકંપના (Earthquake) હળવા આંચકાઓની શ્રેણી ચાલુ છે.મંગળવારે (29 ડિસેમ્બર) એક જ દિવસમાં ચાર આંચકા અનુભવાયા હતા,જેમાં સવારે 6:07 વાગ્યે 3.2 તીવ્રતાનો સૌથી મોટો આંચકો  (Earthquake) નોંધાયો હતો. આ આંચકાઓનું કેન્દ્રબિંદુ તાલાલાથી 18 થી 24 કિલોમીટર દૂર ઉત્તર-પૂર્વ દિશામાં હતું. હજુ સુધી કોઈ જાનહાનિ કે મોટા નુકસાનના અહેવાલ નથી, પરંતુ સતત આવતા આંચકાઓથી સ્થાનિક વસ્તીમાં ચિંતા વધી છે.

આ પહેલાં ડિસેમ્બર મહિનામાં જ 12મી તારીખે 3.3 તીવ્રતાનો ભૂકંપ (Earthquake) અને ૫મી તારીખે 1.6 તથા 1.4 તીવ્રતાના આંચકા નોંધાયા હતા. છેલ્લા 15 કલાકમાં તો 9 જેટલા આંચકા અનુભવાયા હોવાના અહેવાલ છે.