ચીનની સ્માર્ટફોન નિર્માતા કંપની શાઓમી સૌથી મોટી બ્લેક ફ્રાઇડે સેલ (Xiaomi Black Friday Sale 2019) શરૂ કરવા જઈ રહી છે. આ સેલ 29 નવેમ્બરથી 2 ડિસેમ્બર સુધી ચાલશે. ઇ-કોમર્સ સાઇટ ફ્લિપકાર્ટ અને એમેઝોન પર શાઓમીની ઓફિશિયલ વેબસાઇટ એમઆઇ.કોમ સાથે ગ્રાહકો ઓછી કિંમતે એક શાનદાર સ્માર્ટફોન ખરીદી શકશે. સુત્રોનાં જણાવ્યા મુજબ ગ્રાહકોને કંપનીનાં ઉપકરણોની ખરીદી પર આકર્ષક ડિસ્કાઉન્ટ અને ઓફર્સ મળશે. સામાન્ય રીતે બધી કંપનીઓ વર્ષનાં અંતમાં આ સેલ રજૂ કરે છે, પરંતુ શાઓમીએ એક મહિના અગાઉથી જ આ સેલ રજૂ કર્યો છે. તો ચાલો જાણીએ કે તમે આ સેલનો લાભ કેવી રીતે મેળવી શકશો.
શાઓમી પસંદ કરેલા ડિવાઇસીસ પર ડિસ્કાઉન્ટ આપશે:
સુત્રોનાં જણાવ્યા મુજબ, બ્લેક ફ્રાઇડે સેલમાં મળેલી ઓફર વિશે કંપનીએ હજી સુધી વધારે માહિતી શેર કરી નથી. લીક થયેલા અહેવાલ મુજબ, ગ્રાહકોને રેડમી નોટ 7 પ્રો, શાઓમી એમઆઈ એ3, રેડમી 7 એ અને રેડમી 5 જેવા સ્માર્ટફોન પર મોટી ઓફરો અને ડિસ્કાઉન્ટ મળશે. સોમવારે કંપનીએ ભારતીય બજારમાં રેડમી નોટ 8 પ્રો નું નવું કલર વેરિઅન્ટ લોન્ચ કર્યું હતું.
એમઆઈ નોટ 10 ને કર્યુ હતુ લોન્ચ:
કંપનીએ થોડા દિવસો પહેલા ચીનમાં નોટ 10ને લોન્ચ કર્યુ હતુ. ત્યારબાદ માનવામાં આવી રહ્યું છે કે કંપની ટૂંક સમયમાં આ ફોન ભારતમાં રજૂ કરી શકે છે. બીજી બાજુ, જો તમને લીક થયેલા અહેવાલની માનીએ તો શાઓમી આ સેલ દરમિયાન આ ફોનને પણ લોંચ કરી શકે છે. ભારતીય યુઝર્સને આ ફોનમાં 108 મેગાપિક્સલનો કેમેરો અને મજબૂત પ્રોસેસર સપોર્ટ મળશે. વળી આ ફોન વનપ્લસ અને ગેલેક્સી સીરીઝને સખત ટક્કર આપશે.
એમઆઈ નોટ 10 ની કિંમત:
કંપનીએ આ ફોનનાં 6 જીબી રેમ વેરિઅન્ટ માટે 2,799 ચાઇનીઝ યુઆન (આશરે 28,000 રૂપિયા) અને 8 જીબી રેમ વેરિઅન્ટની 3,099 ચાઇનીઝ યુઆન (લગભગ 31,000 રૂપિયા) ની કિંમત રાખી છે. આ સિવાય એમઆઈ નોટ 10 નું 8 જીબી રેમ અને 256 જીબી ઇન્ટરનલ સ્ટોરેજનું વેરિઅન્ટ 3,499 ચાઇનીઝ યુઆન (લગભગ 35,000 રૂપિયા) ની કિંમત સાથે ચીનમાં વેચાણ માટે ઉપલબ્ધ છે.
એમઆઈ નોટ 10 સ્પેસિફિકેશન:
કંપનીએ આ ફોનમાં 6.47 ઇંચનું કર્વ્ડ ફૂલ એચડી ડિસ્પ્લે આપ્યુ છે, જેનું રિઝોલ્યુશન 1080×2340 પિક્સેલ્સ છે. ઉપરાંત, સારા પ્રદર્શન માટે, આ શ્રેણીનાં ફોન્સને ઓક્ટા-કોર ક્વોલકોમ સ્નેપડ્રેગન 730 જી ચીપસેટ મળી છે. વળી આ ફોન એન્ડ્રોઇડ 9 પાઇ ઓપરેટિંગ સિસ્ટમ પર કામ કરશે.
એમઆઈ નોટ 10 નો કેમેરો:
કેમેરા વિશે વાત કરીએ તો કંપનીએ આ ફોનમાં પેન્ટા કેમેરા સેટઅપ આપ્યો છે, જેમાં 108 મેગાપિક્સલનો પ્રાઈમરી સેન્સર, 20 મેગાપિક્સલનો વાઇડ એંગલ લેન્સ, 12 મેગાપિક્સલનો શોર્ટ ટેલિફોટો લેન્સ, 5 મેગાપિક્સલનો ટેલિફોટો લેન્સ અને અહીં 2 મેગાપિક્સલનો મેક્રો કેમેરો છે. વળી યૂઝર્સ આ ફોનનાં 32 મેગાપિક્સલનાં ફ્રન્ટ કેમેરા સાથે એક શાનદાર સેલ્ફી ક્લિક કરી શકશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
