Telangana News : તેલંગાણાના યાદદ્રી ભુવનગિરી જિલ્લામાં આવેલી એક ફાર્મા કંપનીમાં કેમિકલ રિએક્ટર ફાટતાં (Telangana Pharma Plant Blast)મોટો અકસ્માત સર્જાયો છે. પોચમપલ્લી મંડલમાં શુક્રવારે મોડી રાત્રે બનેલી આ ઘટનામાં બે કામદારોનાં ઘટનાસ્થળે જ મોત (2 Workers Killed)થયા, જ્યારે અન્ય નવ કર્મચારીઓ ઘાયલ (9 Workers Injured)થયા છે.
તેલંગાણામાં ફાર્મા કંપનીમાં કેમિકલ રિએક્ટર ફાટતાં (Telangana Pharma Plant Blast) અચાનક વિસ્ફોટ
મળતી માહિતી મુજબ, કર્મચારીઓ રાત્રિ શિફ્ટ દરમિયાન કામની જવાબદારી બદલી રહ્યા હતા ત્યારે ફાર્મા યુનિટના કેમિકલ રિએક્ટરમાં અચાનક જોરદાર વિસ્ફોટ (Chemical Reactor Explosion)થયો હતો. વિસ્ફોટ બાદ પ્લાન્ટના એક ભાગમાં આગ લાગી જતાં અફરાતફરીનો માહોલ સર્જાયો હતો.
વિસ્ફોટની જાણ થતાં જ ફાયર બ્રિગેડની ટીમો ઘટનાસ્થળે પહોંચી હતી અને આગ પર કાબૂ મેળવવાની કામગીરી હાથ ધરી હતી.
બે કામદારોનાં મોત
આ દુર્ઘટનામાં બે કર્મચારીઓએ જીવ ગુમાવ્યો છે. જ્યારે નવ અન્ય કર્મચારીઓ દાઝી જવાથી ઘાયલ (9 Workers Injured)થયા છે. ઘાયલ તમામ કર્મચારીઓને સારવાર માટે નજીકની હોસ્પિટલોમાં ખસેડવામાં આવ્યા છે.
અધિકારીઓના જણાવ્યા અનુસાર, ઘાયલોમાંથી બે કર્મચારીઓની સ્થિતિ ગંભીર છે અને તેઓના શરીર પર 50 ટકાથી વધુ દાઝવાના નિશાન હોવાનું જણાવવામાં આવ્યું છે.
પોલીસ તપાસ શરૂ
ઘટનાની માહિતી મળ્યા બાદ પોલીસ અધિકારીઓ પણ સ્થળ પર પહોંચ્યા હતા. પોલીસે કેસ નોંધીને વિસ્ફોટનું ચોક્કસ કારણ જાણવા માટે તપાસ શરૂ કરી છે. રિએક્ટરમાં વિસ્ફોટ કયા કારણોસર થયો અને સુરક્ષાની કોઈ ખામી હતી કે નહીં તે અંગે પણ તપાસ કરવામાં આવી રહી છે.
અકસ્માતનું ચોક્કસ કારણ અને મૃતકો તથા ઘાયલોની સંપૂર્ણ વિગતો અંગે સત્તાવાર માહિતીની રાહ જોવાઈ રહી છે.
