સંરક્ષણ પ્રધાન રાજનાથસિંહે કહ્યું કે, પડોશી દેશોના આતંકવાદીઓ દરિયાઈ માર્ગે હુમલો કરી શકે છે, તેમકોઈ બે મત નથી. જો કે ભારતની દરિયાઇ સુરક્ષા સંપૂર્ણ રીતે મજબૂત છે. સરકાર દરિયાઇ સુરક્ષા માટે સંપૂર્ણ પ્રતિબદ્ધ છે.
સંરક્ષણ પ્રધાન રાજનાથસિંહે શુક્રવારે કહ્યું હતું કે દરિયાકાંઠા દ્વારા આતંકવાદી હુમલો થવાની સંભાવનાને અવગણી શકાય નહીં. તેમણે કહ્યું કે અમે કેરળની દરિયા કિનારા અને દરિયાઇ સુરક્ષા માટે સંપૂર્ણ પ્રતિબદ્ધ છીએ. દેશની નૌકાદળ સમુદ્ર માર્ગ દ્વારા થતા કોઈપણ હુમલાનો સામનો કરવા માટે તૈયાર છે. રાજનાથસિંહે કેરળના કોલ્લામમાં આયોજિત એક કાર્યક્રમમાં આ વાત કહી હતી.
આધ્યાત્મિક નેતા માતા અમૃતાનંદમયીના જન્મદિવસની ઉજવણી અને સીઆરપીએફના જવાનોના પરિવારને સમર્થન આપવા માટે સમારોહનું આયોજન કરવામાં આવ્યું હતું. ફેબ્રુઆરીમાં પુલવામા આતંકી હુમલામાં આ સીઆરપીએફના જવાન શહીદ થયા હતા. પુલવામા આતંકી હુમલાની જવાબદારી પાકિસ્તાની આતંકી સંગઠન જૈશ-એ-મોહમ્મદે લીધી હતી. પુલવામા હુમલા પછી ભારતીય વાયુ સેનાએ પાકિસ્તાનના બાલાકોટમાં પ્રવેશ કર્યો હતો અને હવાઈ હુમલો કર્યો હતો અને જૈશ-એ-મોહમ્મદના આતંકવાદી મથકોનો નાશ કર્યો હતો.
રાજનાથસિંહે સુરક્ષાની ખાતરી આપી હતી
શુક્રવારે કોલ્લામમાં સંરક્ષણ પ્રધાન રાજનાથસિંહે કહ્યું કે, ‘અમે આ વાતનો ઇનકાર કરી શકતા નથી કે પડોશી દેશોના આતંકવાદીઓ કચ્છથી કેરળ સુધીના દરિયા કાંઠાના વિસ્તારોમાં આતંકવાદી હુમલો કરી શકે છે. જો કે, હું દરેકને ખાતરી આપવા માંગું છું કે આપણી દરિયાઇ સુરક્ષા એકદમ મજબૂત છે. અમે દરિયાકાંઠાની સુરક્ષા માટે સંપૂર્ણ પ્રતિબદ્ધ છીએ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
