ઈન્ડિયન પ્રીમિયર લીગ 2022 (IPL 2022)ની તારીખ અને શેડ્યૂલને લઈને એક મોટો ખુલાસો થયો છે. IPL ની 15મી સીઝન એપ્રિલમાં શરૂ થશે. ભારતીય ક્રિકેટ કંટ્રોલ બોર્ડ (BCCI)નાં સચિવ જય શાહે ગયા અઠવાડિયે જ જાહેરાત કરી હતી કે IPL 2022 ભારતમાં રમાશે. ચાલો જાણીએ કે IPL 2022 ક્યારે શરૂ થશે, ભારતમાં IPL ક્યાં થશે અને IPL શેડ્યૂલ શું હશે.
આ પણ વાંચો – IND Vs NZ / Team India ને લાગ્યો મોટો ઝટકો, આ ખેલાડી પ્રથમ ટેસ્ટમાંથી થયો બહાર
IPL 2022માં 10 ટીમો મેચમાં ભાગ લેશે. આગામી સીઝનમાં, અમદાવાદની બે નવી ટીમો (અમદાવાદ IPL ટીમ) અને લખનઉ (લખનઉ IPL ટીમ) મેદાનમાં ઉતરશે. માહિતી અનુસાર, સમગ્ર સીઝન 60 દિવસમાં આવરી લેવામાં આવશે અને ફાઈનલ (IPL 2022ની અંતિમ તારીખ) જૂનની શરૂઆતમાં રમાશે. અત્યાર સુધી IPL માં 8 ટીમો 60 મેચ રમતી હતી પરંતુ હવે આગામી સીઝનથી 10 ટીમો 74 મેચો રમતી જોવા મળશે અને BCCI એ આંતરિક રીતે ચર્ચા કરી છે કે સીઝન 60 દિવસથી વધુ ચાલશે. સીઝનની ફાઈનલ 4 અથવા 5 જૂને રમાઈ શકે છે. દરેક ટીમ પાસે 14 લીગ મેચો હશે, જે સાત હોમ અને બહાર રમતનાં વર્તમાન ફોર્મેટને જાળવી રાખશે. મળી રહેલી માહિતી અનુસાર, IPL 2022 ની 15મી સીઝન 2 એપ્રિલ 2022નાં રોજથી શરૂ થશે. અગાઉ, ભારતીય ક્રિકેટ કંટ્રોલ બોર્ડ (BCCI)નાં સચિવ જય શાહે શનિવારે પુષ્ટિ કરી હતી કે ઈન્ડિયન પ્રીમિયર લીગ (IPL) 2022 ભારતમાં રમાશે. તેમણે કહ્યું, “હું જાણું છું કે તમે બધા ચેપોકમાં ચેન્નાઈ સુપર કિંગ્સને રમવાની આતુરતાથી રાહ જોઈ રહ્યા છો. તે ક્ષણ બહુ દૂર નથી, IPL ની 15મી સીઝન ભારતમાં યોજાશે અને તે નવી ટીમોનાં ઉમેરા સાથે વધુ રોમાંચક બનશે. ક્રિકબઝનાં જણાવ્યા અનુસાર, બોર્ડે હજુ ફિક્સ્ચરને અંતિમ રૂપ આપવાનું બાકી છે, પરંતુ તમામ ફ્રેન્ચાઇઝી સહિત શેરહોલ્ડરોને જાણ કરવામાં આવી છે કે IPL 2022 એપ્રિલમાં ચેન્નાઈમાં શરૂ થવાની સંભાવના છે. વળી, રિપોર્ટમાં એવું પણ કહેવામાં આવ્યું છે કે IPL 2022ની ફાઈનલ 4 અથવા 5 જૂને રમાશે.
આ પણ વાંચો – Cricket / પાકિસ્તાનને 2025 ચેમ્પિયન્સ ટ્રોફીની યજમાની સોંપ્યા બાદ ભારત ચિંતિત, ICC એ આપ્યો આ જવાબ
IPL 2022 વિગતો
IPL 2022 ચેન્નાઈમાં 2જી એપ્રિલથી શરૂ થઈ રહી છે.
IPL 2022 લખનઉ અને અમદાવાદ ફ્રેન્ચાઈઝી સાથે 10 ટીમની લીગ હશે.
60 રમતો રમાશે – લીગની 15મી આવૃત્તિમાં 10 ટીમો અને 74 મેચો હશે. દરેક ટીમ 14 લીગ મેચ રમશે.
ચેન્નાઈમાં એક કાર્યક્રમમાં બોલતા શાહે કહ્યું કે, ટૂંક સમયમાં એક મેગા ઓક્શન થશે જે જણાવશે કે ટીમ કોમ્બિનેશન કેવું રહેશે. IPL 2022 માં ચેન્નાઈ સુપર કિંગ્સની સફળતા વિશે વાત કરતા, જય શાહે કહ્યું, “CSK ની સફળતાનો ઘણો શ્રેય એન શ્રીનિવાસનને જાય છે કારણ કે તેઓ મુશ્કેલ સમયમાં તેમની ટીમની સાથે હતા.
