જેમ ભારતમાં ઈન્ડિયન પ્રીમિયર લીગ (IPL) છે, તેવી જ રીતે ઓસ્ટ્રેલિયામાં બિગ બેશ લીગ (BBL) છે. IPLની જેમ, BBL 2021-22માં પણ ચોક્કા અને છક્કાની સંખ્યા ઘણી વધારે છે. ઓસ્ટ્રેલિયામાં હોબાર્ટ હરિકેન્સ અને પર્થ સ્કોર્ચર્સ વચ્ચેની મેચ ચાલી રહી હતી, તે દરમિયાન બેન મેકડર્મોટે એવી સિક્સ મારી કે સ્ટેડિયમમાં મેચ જોઈ રહેલો એક પ્રશંસક ઘાયલ થઈ ગયો.
આ પણ વાંચો – Shocking / રવિન્દ્ર જાડેજા લેશે આ ફોર્મેટમાંથી Retirement? જાણો કોણે કર્યો ખુલાસો
હોબાર્ટ હરિકેન્સનાં મેકડર્મોટે એન્ડ્રુ ટાયની બોલ પર સિક્સ ફટકારી હતી. તેના બેટમાંથી નીકળતો બોલ ડીપ મિડવિકેટની ઉપરથી સીધો બાઉન્ડ્રી પર બેઠેલા ચાહકનાં માથા પર ઝડપથી વાગ્યો. બોલ વાગતા જ ફેન જમીન પર પડી ગયો હતો. બોલ વાગ્યા પછી જ્યારે ચાહક ઊભો થયો તો તેણે જોયું કે તેના માથામાંથી લોહી નીકળી રહ્યું હતું. BBL એ તેના સત્તાવાર ટ્વિટર હેન્ડલ પરથી આ વીડિયો શેર કર્યો છે. ટાય પર્થ સ્કોર્ચર્સ તરફથી 7મી ઓવર નાખવા આવ્યો હતો. બેન મેકડર્મોટે આ સિક્સ ટાઈનાં છેલ્લા બોલ પર ફટકારી હતી.
જણાવી દઈએ કે, મંગળવારે બિગ બેશ લીગમાં પર્થ સ્કોર્ચર્સ અને હોબાર્ટ હરિકેન્સ વચ્ચે મેચ રમાઈ હતી. આ મેચમાં પર્થ સ્કોર્ચર્સે હોબાર્ટ હરિકેન્સ સામે શાનદાર જીત નોંધાવી હતી. પ્રથમ બેટિંગ કરતા પર્થ સ્કોર્ચર્સે 20 ઓવરમાં 5 વિકેટ ગુમાવીને 182 રન બનાવ્યા હતા. માર્શ 60 બોલમાં 100 રન બનાવીને નોટઆઉટ પરત ફર્યો હતો. આ દરમિયાન તેણે 6 ફોર અને 5 સિક્સર ફટકારી હતી. ડાર્સી શોર્ટ અને મેકડર્મોટ આઉટ થતા જ હોબાર્ટ હરિકેન્સનાં અન્ય બેટ્સમેનોમાંથી કોઈ રમી શક્યું ન હતું. ડાર્સી શોર્ટે 29 બોલમાં 31 રન બનાવ્યા હતા જ્યારે મેકડર્મોટે 29 બોલમાં 41 રનની શાનદાર ઇનિંગ રમી હતી. આ લક્ષ્યનો પીછો કરવા ઉતરેલી હોબાર્ટ હરિકેન્સની ટીમની હાલત ખરાબ હતી અને આખી ટીમ માત્ર 129 રનમાં જ ઓલઆઉટ થઈ ગઈ હતી. પર્થે મેચ 53 રને જીતી લીધી હતી અને સદી ફટકારનાર મિશેલ માર્શને પ્લેયર ઓફ ધ મેચ જાહેર કરવામાં આવ્યો હતો. આ મેચમાં બેટ્સમેનો દ્વારા હિટિંગ પણ જોવા મળી હતી અને આ દરમિયાન અકસ્માત પણ થયો હતો.