કર્ણાટકના ધારાસભ્ય ના મતે પેટ્રોલ અને ડીઝલના વધતા ભાવ માટે તાલિબાન જવાબદાર છે . ત્યારે ભાજપના નેતાઓ હાસ્યાસ્પદ અને બફાટ કરતાં નજરે પડે છે . ભારતીય જનતા પાર્ટીના એક ધારાસભ્ય નું માનવું છે કે અફઘાનિસ્તાનમાં તાલિબાનોનો ફરી કબજો થવાના કારણે પેટ્રોલ અને ડીઝલની કિંમત વધી રહી છે. કર્ણાટકના ભાજપના ધારાસભ્ય અરવિંદ બેલાદે અફઘાનિસ્તાનમાં તાલિબાનના કબજાને વૈશ્વિક બળતણ પુરવઠાની સમસ્યાઓ અને ભારતમાં ગેસ, પેટ્રોલ અને ડીઝલના વધતા ભાવને જવાબદાર ગણાવ્યા છે.
સમાચાર એજન્સી એએનઆઈ અનુસાર, હુબલી-ધારવાડ પશ્ચિમના ભાજપના ધારાસભ્ય અરવિંદ બેલાડે કહ્યું કે અફઘાનિસ્તાનમાં સત્તા માટે તાલિબાનની લડાઈની શરૂઆતથી સમગ્ર વિશ્વમાં ઈંધણ પુરવઠો પ્રભાવિત થયો છે. તેમણે કહ્યું કે આના કારણે ભારતમાં ગેસ, ડીઝલ અને પેટ્રોલના ભાવમાં વધારો થયો છે.
Karnataka | Since the beginning of the Taliban issue in Afghanistan, there have been problems regarding fuel supply across the world. This has led to an increase in the price of gas, diesel & petrol in India: BJP MLA from Hubli-Dharwad West Arvind Bellad (03.09) pic.twitter.com/KL5gLuGor6
— ANI (@ANI) September 5, 2021
દેશભરના મોટાભાગના રાજ્યોમાં પેટ્રોલની કિંમત સો રૂપિયા પાર કરી ગઈ છે. જુલાઈમાં જ દેશભરના ઘણા રાજ્યોમાં પેટ્રોલના ભાવ 100 ના આંકને પાર કરી ગયા હતા. અત્યારે દિલ્હીમાં પેટ્રોલ 101.34 રૂપિયા અને ડીઝલ 88.77 રૂપિયામાં મળી રહ્યું છે. જ્યારે મુંબઈમાં આજે પેટ્રોલ 107.39 રૂપિયા અને ડીઝલ 96.33 રૂપિયામાં વેચાઈ રહ્યું છે.
નોંધનીય છે કે આજે એટલે કે રવિવારે પેટ્રોલ અને ડીઝલના ભાવમાં ઘટાડો થયો છે. ઇન્ડિયન ઓઇલ કોર્પોરેશન લિમિટેડની વેબસાઇટ અનુસાર, આજે રાષ્ટ્રીય રાજધાની દિલ્હીમાં પેટ્રોલ અને ડીઝલના ભાવમાં 15-15 પૈસાનો ઘટાડો કરવામાં આવ્યો છે. જો કે, આ હોવા છતાં, દિલ્હીમાં પેટ્રોલની કિંમત હજુ પણ પ્રતિ લિટર 100 થી ઉપર છે. આ પહેલા બુધવારે ઓઇલ કંપનીઓએ પેટ્રોલ અને ડીઝલના ભાવમાં ઘટાડો કર્યો હતો.
મહાપંચાયત / કિસાન મોર્ચાએ આ દિવસે ભારત બંધનું એલાન આપ્યું છે જાણો, ખેડૂતો સામે કોઇપણ સત્તાનો અહંકાર ચાલતો નથી : પ્રિયંકા ગાંધી
