આગામી વર્ષે ગુજરાતમાં યોજાનારી વાઈબ્રન્ટ ગુજરાત ગ્લોબલ સમિટ સંદર્ભે રાજ્યના મુખ્યમંત્રી ભૂપેન્દ્ર પટેલે આજે મુંબઈમાં રોડ શો યોજ્યો હતો. આ સમયગાળા દરમિયાન, મુખ્યમંત્રીએ રિલાયન્સ ઇન્ડસ્ટ્રીઝના ચેરમેન મુકેશ અંબાણી સહિત ઉદ્યોગના ઘણા નેતાઓ સાથે બેઠક યોજી હતી.ગુજરાતના મુખ્યમંત્રી ભૂપેન્દ્ર પટેલ એલએન્ડટીના ચેરમેન એસ સુબ્રમણ્યમ, એસ્સાર લિમિટેડના ગ્રુપ ડિરેક્ટર પ્રશાંત રુઈયા, પી એન્ડ જી એમડી વૈદ્યનાથન, બેન્ક ઓફ અમેરિકાના કન્ટ્રી હેડ કાકુ નખાતે, આઈટીસીના ચેરમેન સંજીવ પુરી, ટાટા સન્સના ચેરમેન એન ચંદ્રશેકરનને મળ્યા હતા.
આ ઉપરાંત ગુજરાતના મુખ્યમંત્રીએ જેમની સાથે બેઠક કરી તેમાં કોટક મહિન્દ્રા બેંકના પ્રમુખ રાકેશ સ્વામી, ટાટા કેમિકલ્સના એમડી મુકુંદન, આદિત્ય બિરલા ગ્રુપના ચેરમેન કુમાર મંગલમ બિરલાનો સમાવેશ થાય છે.સમિટની 10મી આવૃત્તિ 10 થી 12 જાન્યુઆરી 2024 દરમિયાન મહાત્મા મંદિર ગાંધીનગર ખાતે યોજાશે. સીએમ ભૂપેન્દ્ર પટેલે ઉદ્યોગોને વાઈબ્રન્ટ ગુજરાત ગ્લોબલ સમિટમાં આવવા આમંત્રણ આપ્યું હતું.ગુજરાતમાં કયા કયા ક્ષેત્રોમાં રોકાણની તકો છે અને નવી ઉદ્યોગ નીતિ વિશે પણ ઉદ્યોગોને વિગતવાર જણાવ્યું.
