રાજ્યભરમાં ફરી એકવાર ઠંડીનો ચમકારો અનુભવાશે તેવી સંભાવનાઓ લાગવામાં આવી રહી છે. સામાન્ય રીતે આજે પણ રાજ્યમાં હજુ પણ ઠંડીનો માહોલ છે પરંતુ શહેરોમાં 10 વાગ્યાથી ગરમીની અસર અનુભવાય છે. જોકે, આગામી દિવસોમાં ફરી એકવાર ઠંડી અનુભવાશે તેવી આગાહી કરવામાં આવી છે. આમ થવા પાછળનું કારણ દેશના પર્વતીય પ્રદેશોમાં વરસાદના લીધે ઠંડી જામવાની આગાહી છે. રાજ્યના કેટલાક ભાગોમાંથી વેસ્ટર્ન ડિસ્ટર્બન્સ દૂર થતા ઠંડીનો ચમકારો અનુભવાશે.
આ પણ વાંચો:Statue of Equality / કોઈ સંતની આટલી ઉંચી પ્રતિમા આજ સુધી બની નથી, 5 ફેબ્રુઆરીએ PM મોદી કરશે અનાવરણ
આ સિવાય રાજ્યના અન્ય કેટલાક ભાગોમાં લઘુત્તમ તાપમાનનો પારો 10 ડિગ્રીએ પહોંચી શકે છે.10 ફેબ્રુઆરીથી હવામાનમાં પલ્ટો આવવાથી અમદાવાદ અને ગાંધીનગર સહિત સૌરાષ્ટ્ર અને પંચમહાલમાં પણ ઠંડીની અસર વરતાશે. ઠંડીની સાથે ધૂમ્મસવાળું વાતાવરણ રહેવાની પણ સંભાવના છે.ફેબ્રુઆરી મહિનાની મધ્યમાં વાતાવરણમાં પલ્ટો આવતા ઠંડીની સાથે વરસાદ થવાની પણ સંભાવના વ્યક્ત કરાઈ રહી છે. આ સાથે રાજ્યના ઉત્તરભાગોમાં હિમવર્ષા થતા તેની અસર પણ રાજ્યના તાપમાન પર પડશે. ગઈકાલે તથા આજે ઉત્તર પર્વતીય પ્રદેશોમાં થયેલી હિમવર્ષાના લીધે આજે રાજ્યમાં ઠંડીકનો અનુભવ થઈ રહ્યો છે. સ્થાનિક હવામાન વિભાગે પણ આગામી 48 કલાકમાં રાજ્યના લઘુત્તમ તાપમાનમાં 3-5 ડિગ્રીનો ઘટાડો થવાની સંભાવના વ્યક્ત કરવામાં આવી છે.
આ પાનવંચો;જેતપુર / વ્યાજે લીધેલા રૂપિયા ચૂકવ્યા બાદ પણ મિલકત પચાવી પાડવાની મળી ધમકીઓ, કંટાળી પ્રૌઢે પીધી ઝેરી દવા
આ સિવાય રાજ્યના હવામાન વિભાગે કોઈમોટી વધઘટ અંગેની સંભાવના વ્યક્ત કરી નથી. કોલ્ડ વેવ જેવી પણ કોઈ ગંભીર ચેતવણી આપવામાં આવી નથી. એક તરફ શહેરોમાં બપોરના સમયે ગરમીનો અનુભવ થઈ રહ્યો છે ત્યારે ફરી એકવાર ઠંડીનો ચમકારો થવાની સંભાવના વ્યક્ત કરવામાં આવી રહી છે. એટલે કે લોકોએ ધોઈને મૂકી દીધેલા પોતાના સ્વેટર્સ અને ગરમ કપડાનો ફરી જલદી ઉપયોગ કરવો પડી શકે છે.
