Fake Face of USA: રશિયા અને યુક્રેન વચ્ચેના યુદ્ધે વિશ્વને બે જૂથોમાં વહેંચી દીધું હતું. આ યુદ્ધમાં પશ્ચિમી દેશો યુક્રેનની સાથે જોવા મળી રહ્યા છે જ્યારે ચીન અને બેલારુસ જેવા દેશો રશિયાની સાથે છે. જો કે આ સમગ્ર યુદ્ધ દરમિયાન ભારત એક એવો દેશ છે જેનું સ્ટેન્ડ કોઈ એક પક્ષમાં નથી અને આ કારણે પશ્ચિમી દેશોમાં ભારત સામે ભારે નારાજગી છે.
પશ્ચિમી દેશોની માંગ છે કે ભારતે રશિયન હુમલાનો વિરોધ કરવો જોઈએ. પરંતુ આ દરમિયાન એ જાણવું પણ રસપ્રદ છે કે ભારતને સલાહ આપનાર અમેરિકા ખુદ પાકિસ્તાનની સાથે છે. તમને જણાવી દઈએ કે પાકિસ્તાનને આખી દુનિયામાં આતંકવાદનો સમર્થક કહેવામાં આવે છે. ટેરર ફંડિંગના કારણે તે દેશ FATFની ગ્રે લિસ્ટમાં સામેલ છે.
ઉલ્લેખનીય છે કે, યુએસ સ્ટેટ ડિપાર્ટમેન્ટે ગયા ગુરુવારે કહ્યું હતું કે, ‘પાકિસ્તાન અમારું ભાગીદાર છે અને અમે ભાગીદારીને મજબૂત કરવાના પ્રયાસો કરતા રહીશું.’ વાસ્તવમાં યુએસ સ્ટેટ ડિપાર્ટમેન્ટને પૂછવામાં આવ્યું હતું કે શું પાકિસ્તાનમાં નવી સરકાર આવ્યા બાદ અમેરિકા-પાકિસ્તાનના સંબંધોમાં સુધારો થયો છે? જવાબમાં પ્રવક્તા નેડ પ્રાઈસે કહ્યું, “અમે પાકિસ્તાન સાથેની અમારી ભાગીદારીને મજબૂત કરવા માટે પગલાં લેવાનું ચાલુ રાખીશું જે અમારા પોતાના અને સહિયારા હિતોની સેવા કરશે.”
ઉલ્લેખનીય છે કે આ સવાલ અમેરિકી વિદેશ વિભાગને એટલા માટે પૂછવામાં આવ્યો હતો કારણ કે પાકિસ્તાનના પૂર્વ પીએમ ઈમરાન ખાનના કાર્યકાળ દરમિયાન બંને દેશો વચ્ચેના સંબંધો બહુ સારા નહોતા. ઈમરાન ખાને સત્તાની બહાર હતા ત્યારે પણ અમેરિકા પર ગંભીર આરોપો લગાવ્યા હતા. ઈમરાને આરોપ લગાવ્યો કે વર્તમાન યુએસ સરકાર તેમને સત્તા પરથી હટાવવા માંગે છે. આની તરફેણમાં તેણે કથિત વિદેશી ષડયંત્ર ધરાવતા કેટલાક પત્રો પણ જાહેર કર્યા હતા.
આ પણ વાંચો: Naxalite Attack/ છત્તીસગઢ-ઓરિસ્સા બોર્ડર પર નક્સલી હુમલો, 3 જવાન શહીદ
આ પણ વાંચો: International/ યોગ એ શારીરિક, માનસિક અને આધ્યાત્મિક કલ્યાણ પ્રાપ્ત કરવાનું એક સાધન : વિદેશ રાજ્યમંત્રી