New Delhi News : સુપ્રીમ કોર્ટે રાજ્યો દ્વારા દાખલ કરાયેલી અરજીઓ પર બુધવારે સતત સાતમા દિવસે સુનાવણી કરી, જેમાં રાષ્ટ્રપતિ અને રાજ્યપાલને તેમના વિધાનસભાઓ દ્વારા પસાર કરાયેલા બિલોને મંજૂરી આપવા માટે સમય મર્યાદાની માંગ કરવામાં આવી હતી.
પશ્ચિમ બંગાળ, તેલંગાણા અને હિમાચલ પ્રદેશની સરકારોએ બિલોને રોકવાની વિવેકાધીન શક્તિનો વિરોધ કરતા કહ્યું કે કાયદો બનાવવો એ વિધાનસભાનું કામ છે અને રાજ્યપાલોની તેમાં કોઈ ભૂમિકા નથી. તેઓ ફક્ત ઔપચારિક વડા છે.
મુખ્ય ન્યાયાધીશ બી.આર. ગવઈ, ન્યાયાધીશ સૂર્યકાંત, ન્યાયાધીશ વિક્રમ નાથ, ન્યાયાધીશ પી.એસ. નરસિંહા અને ન્યાયાધીશ એ.એસ. ચાંદુરકરની બેન્ચે કેસની સુનાવણી કરી. રાજ્યપાલ બિલોને અનિશ્ચિત સમય માટે પેન્ડિંગ રાખી શકતા નથી, એમન્યાયાધીશોએ કહ્યું હતું.
પશ્ચિમ બંગાળના વકીલ કપિલ સિબ્બલે કહ્યું કે જો વિધાનસભા દ્વારા પસાર કરાયેલ બિલ રાજ્યપાલને મોકલવામાં આવે છે, તો તેમણે તેના પર સહી કરવી પડશે. સિબ્બલે દલીલ કરી હતી કે બંધારણની કલમ 200 માં રાજ્યપાલ માટે સંતોષની કોઈ શરત નથી. કાં તો તેમણે બિલ પર સહી કરવી જોઈએ, અથવા તેને રાષ્ટ્રપતિને મોકલવી જોઈએ. તેને સતત રોકવું એ બંધારણની ભાવના વિરુદ્ધ છે. તેમણે કહ્યું, “પોતાની મરજીથી જો રાજ્યપાલ બિલ રોકે છે, તો તે લોકશાહીને અશક્ય બનાવશે.”
હિમાચલ પ્રદેશના વકીલ આનંદ શર્માએ કહ્યું – કાયદો બનાવવામાં રાજ્યપાલની કોઈ ભૂમિકા નથી.કાયદો બનાવવામાં રાજ્યપાલની કોઈ ભૂમિકા નથી. સરકાર સંસદ કે વિધાનસભા બોલાવવાની પ્રક્રિયા શરૂ કરે છે. રાજ્યપાલ કે રાષ્ટ્રપતિ ફક્ત ઔપચારિકતાઓ કરે છે.
સંઘવાદ એ ભારતની તાકાત છે અને તે બંધારણના મૂળભૂત માળખાનો એક ભાગ છે. જો રાજ્યપાલ બિલ રોકે છે, તો તે કેન્દ્ર-રાજ્ય સંબંધોમાં સંઘર્ષ વધારશે અને તે લોકશાહી માટે ખતરનાક બનશે. રાજ્યપાલના પદનો ઉપયોગ લોકોની ઇચ્છાને નકારવા માટે કરી શકાતો નથી.
કર્ણાટકના વકીલ ગોપાલ સુબ્રમણ્યમે કહ્યું – રાજ્યમાં ‘દ્વિ સરકાર’ હોઈ શકે નહીં.
સુપ્રીમ કોર્ટે કહ્યું કે રાજ્યમાં બેવડી સરકારની વ્યવસ્થા હોઈ શકે નહીં. રાજ્યપાલે હંમેશા મંત્રી પરિષદની સલાહ પર કામ કરવું પડશે. તેમણે કહ્યું કે બંધારણ રાજ્યપાલને ફક્ત બે પરિસ્થિતિઓમાં જ વિવેકાધિકાર આપે છે. પ્રથમ, જ્યારે રાજ્યપાલ કલમ 356 હેઠળ રાષ્ટ્રપતિને રિપોર્ટ મોકલે છે અને બીજું, જ્યારે કોઈ બિલ હાઈકોર્ટની સત્તાઓને અસર કરે છે (કલમ 200 ની બીજી શરત). ,રાજ્યપાલ પાસે આ બે પરિસ્થિતિઓ સિવાય કોઈ સ્વતંત્ર સત્તા નથી.
સુપ્રીમ કોર્ટે અગાઉ કહ્યું હતું કે જો રાજ્યપાલ બિલને અનિશ્ચિત સમય માટે મુલતવી રાખે છે, તો ‘ટૂંક સમયમાં’ શબ્દ તેનો અર્થ ગુમાવશે. જોકે, કેન્દ્ર સરકારે દલીલ કરી હતી કે રાજ્ય સરકારો આ મામલે સુપ્રીમ કોર્ટમાં જઈ શકતી નથી, કારણ કે રાષ્ટ્રપતિ અને રાજ્યપાલના નિર્ણયો ન્યાયિક સમીક્ષાના કાર્યક્ષેત્રમાં આવતા નથી.
આ મામલો તમિલનાડુના રાજ્યપાલ અને રાજ્ય સરકાર વચ્ચેના વિવાદથી ઉદ્ભવ્યો હતો. જ્યાં રાજ્યપાલે રાજ્ય સરકારના બિલોને અટકાવી દીધા હતા. રાજ્યપાલ પાસે વીટો પાવર નથી,એવો સુપ્રીમ કોર્ટે 8 એપ્રિલે આદેશ આપ્યો હતો.
રાષ્ટ્રપતિએ રાજ્યપાલ દ્વારા મોકલવામાં આવેલા બિલ પર 3 મહિનાની અંદર નિર્ણય લેવો પડશે, એમ આ નિર્ણયમાં કહેવામાં આવ્યું હતું. આ આદેશ ૧૧ એપ્રિલે આવ્યો હતો. ત્યારબાદ આ મામલે રાષ્ટ્રપતિએ સુપ્રીમ કોર્ટનો અભિપ્રાય માંગ્યો અને ૧૪ પ્રશ્નો પૂછ્યા.
આ પણ વાંચો:ગુજરાતમાં સતત સાત દિવસ માટે રહેશે અનેક જિલ્લામાં વરસાદ, IMD દ્વારા કરાઇ આગાહી
આ પણ વાંચો:PM મોદી દ્વારા ₹5477 કરોડના વિકાસ પ્રોજેક્ટ્સનું ઉદ્ઘાટન થશે, રોડ શો અને મારુતિ EV લોન્ચિંગ
