પશ્ચિમ બંગાળની તૃણમૂલ કોંગ્રેસની આગેવાનીવાળી મમતા બેનર્જી સરકારે ગુરુવારે વિધાનસભામાં ત્રણ કૃષિ કાયદાને રદ કરવાની માંગણી કરી ઠરાવ રજૂ કર્યો હતો. આ સાથે જ ગૃહમાં ભારે હોબાળો થયા બાદ ભાજપના ધારાસભ્યએ ‘જય શ્રી રામ’ ના નારા લગાવ્યા હતા. મુખ્ય પ્રધાન મમતા બેનર્જીએ કહ્યું કે કેન્દ્રએ આ ત્રણ કાયદા પાછા ખેંચવા જોઈએ અથવા સત્તા છોડવી જોઈએ.

સંસદીય બાબતોના પ્રધાન પાર્થ ચેટર્જીએ કરેલા પ્રસ્તાવને પગલે ભાજપના ધારાસભ્યો દ્વારા હોબાળો વચ્ચે, બેનર્જીએ કહ્યું કે વડા પ્રધાન નરેન્દ્ર મોદીએ આ કાયદાઓને રદ કરવા માટે સર્વપક્ષીય બેઠક બોલાવવી જોઈએ. ચેટર્જીએ આ પ્રસ્તાવ પસાર કર્યા બાદ એસેમ્બલીમાં ભારે હોબાળો મચી ગયો હતો. ભાજપના ધારાસભ્ય અને વિપક્ષના નેતા મનોજ તિગ્ગાની આગેવાની હેઠળ ભાજપનાં ધારાસભ્યો ગૃહની બેઠકની નજીક આવ્યા, અને દાવો કર્યો કે તૃણમૂલ કોંગ્રેસ સરકાર ‘કાયદાઓ વિરુદ્ધ ભ્રામક અભિયાન ચલાવી રહી છે’. બાદમાં, ટિગ્ગાની સાથે પાર્ટીના ધારાસભ્ય ‘જય શ્રી રામ’ નાં નારાનો ઉઘોષ કરીને ગૃહની બહાર નીકળી ગયા હતા.

મુખ્યમંત્રીએ કહ્યું કે, અમે ખેડૂત વિરોધી કાયદાઓનો વિરોધ કરીએ છીએ. અમે તેને તાત્કાલિક પાછી ખેંચવાની માંગ કરીએ છીએ. કેન્દ્રએ કાં તો ત્રણેય કાયદા પાછી ખેંચી લેવી જોઈએ અથવા સત્તામાંથી પીછેહઠ કરી રાજીનામું આવપી દેવું જોઈએ. ”તેમણે દાવો કર્યો હતો કે દિલ્હી પોલીસ ખેડૂતોની ટ્રેક્ટર પરેડને યોગ્ય રીતે નિયંત્રિત કરી શકતી નથી, જેના કારણે પ્રજાસત્તાક દિનની પરિસ્થિતિ હાથમાંથી નીકળી ગઈ હતી.

બેનર્જીએ કહ્યું, ‘આ માટે દિલ્હી પોલીસને દોષી ઠેરવી જોઈએ. દિલ્હી પોલીસ શું કરી રહી હતી? આ ગુપ્તચર તંત્રની નિષ્ફળતા છે. અમે ખેડૂતોને દેશદ્રોહી કહેવામાં આવે તેવુ સહન નહીં કરીએ. તે આ દેશની સંપત્તિ છે. ”

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…