3 એપ્રિલ, 2021 ના રોજ સુકમામાં નક્સલવાદીઓ દ્વારા કરવામાં આવેલા હુમલા બાદ છત્તીસગઢમાં સુરક્ષા દળોના નવ વધુ કેમ્પ બનાવવામાં આવ્યા છે. જ્યારે ઓડિશા અને તેલંગાણામાં એક-એક કેમ્પ સ્થાપવામાં આવ્યો છે. આ સિવાય ઝારખંડમાં સુરક્ષાદળોના ત્રણ કેમ્પ અને મધ્ય પ્રદેશના નક્સલ પ્રભાવિત વિસ્તારોમાં ચાર કેમ્પ ખોલવામાં આવ્યા છે. એક અધિકારીએ જણાવ્યું કે, આ કેમ્પો વિસ્તારમાં સુરક્ષા દળોના વર્ચસ્વમાં મદદ કરે છે. જેના કારણે મુખ્ય વિસ્તારોમાં પેટ્રોલિંગ સઘન બનાવાયું છે અને વિકાસના કામો પણ અવિરતપણે ચાલી રહ્યા છે. અંતરિયાળ વિસ્તારોમાં પણ રોડ અને પુલ બનાવવાની કામગીરી તેજ બની છે.
આ પણ વાંચો:ઝાંસીમાં આજે યોગીની રેલી, રાહુલ-પ્રિયંકા જશે વારાણસી
ઉલ્લેખનિય છે કે, ગયા વર્ષે છત્તીસગઢના સુકમામાં નક્સલી હુમલા બાદ તરત જ કેન્દ્રીય ગૃહમંત્રી અમિત શાહ અને છત્તીસગઢના મુખ્યમંત્રી ભૂપેશ બઘેલે કહ્યું હતું કે, નક્સલ પ્રભાવિત વિસ્તારોમાં ઝડપથી સુરક્ષા શિબિર બનાવવામાં આવશે. છત્તીસગઢના 27માંથી 14 જિલ્લા નક્સલવાદથી પ્રભાવિત છે અને તે સૌથી વધુ અસરગ્રસ્ત રાજ્યોમાંનું એક છે. અગાઉ સીઆરપીએફએ એકલા દક્ષિણ બસ્તરમાં 18 નવા સુરક્ષા શિબિરોની સ્થાપના કરી હતી. વ્યૂહરચનાના ભાગરૂપે તમામ નક્સલ પ્રભાવિત રાજ્યોમાં સુરક્ષા દળોના કેમ્પની સંખ્યામાં વધારો કરવામાં આવ્યો છે.
નક્સલવાદીઓ નવા વિસ્તારોમાં ઘૂસણખોરી કરવાનો પ્રયાસ કરી રહ્યા છે
દેશમાં નક્સલવાદી હિંસાના ભૌગોલિક પ્રસારમાં ઘટાડો થયો છે, પરંતુ નક્સલવાદીઓ નવા વિસ્તારોમાં ઘૂસણખોરી કરવાનો પ્રયાસ કરતા રહે છે. વર્ષ 2010માં 96 જિલ્લાઓની સામે 2021માં માત્ર 46 જિલ્લાઓમાં જ નક્સલવાદી પ્રવૃત્તિઓ જોવા મળી હતી. વર્ષ 2021માં સૌથી વધુ નક્સલ પ્રભાવિત જિલ્લાઓની સંખ્યા પણ ઘટીને 25 થઈ ગઈ છે
નક્સલવાદી હુમલાની ઘટનાઓમાં 77 ટકાનો ઘટાડો થયો છે
સરકારી આંકડાઓ અનુસાર, વર્ષ 2021માં નક્સલવાદી હુમલાની ઘટનાઓમાં 77 ટકાનો ઘટાડો થયો છે. વર્ષ 2009માં આવી 2,258 ઘટનાઓ બની હતી જ્યારે વર્ષ 2021માં તે ઘટીને 509 થઈ ગઈ હતી. 2009 અને 2014 વચ્ચેના નક્સલવાદી હુમલાઓની સરખામણી દર્શાવે છે કે, આવી ઘટનાઓની સંખ્યામાં 51 ટકાનો ઘટાડો થયો છે.
આ પણ વાંચો:દેશમાં કોરોનાના કેસમાં વધઘટ વચ્ચે આજે નવા 30 હજારથી વધુ કેસ, 514ના મોત
આ પણ વાંચો: શેરબજારમાં તેજી સાથે સેન્સેકસ 58300ની ઉપર ખુલ્યો,નિફટી 17,400ને પાર
