વિતેલા જમાનાના અને બોલિવૂડના પ્રથમ સુપરસ્ટાર રાજેશ ખન્નાની 29 ડિસેમ્બરે જન્મજયંતિ છે. આ દરમિયાન સમાચાર આવી રહ્યા છે કે તેમની બાયોપિક પર ટૂંક સમયમાં કામ શરૂ થવાનું છે. ETimes ના અહેવાલો અનુસાર, નિર્માતા નિખિલ દ્વિવેદીએ તેમની બાયોપિકના રાઇટ્સ ખરીદી લીધા છે. નિખિલે લેખક ગૌતમ ચિંતામણીના પુસ્તક ડાર્ક સ્ટારઃ ધ લોનીનેસ ઓફ બીઈંગ રાજેશ ખન્નાના અધિકારો પોતાની પાસે આરક્ષિત રાખ્યા છે. આટલું જ નહીં, તેમણે કોરિયોગ્રાફર ફરાહ ખાનનો પણ આ ફિલ્મના નિર્દેશન માટે સંપર્ક કર્યો છે. એક ઈન્ટરવ્યુમાં આ વાતની પુષ્ટિ કરતા ફરાહે કહ્યું- હા, મેં ગૌતમનું પુસ્તક વાંચ્યું છે અને તે એક શાનદાર પુસ્તક છે. અત્યારે અમે તેની ચર્ચા કરી રહ્યા છીએ અને હું તેનાથી વધુ કંઈ કહી શકું તેમ નથી.
આ પણ વાંચો :છૂટાછેડા પછી પહેલીવાર સાથે સ્પોટ થયા સામંથા અને નાગા ચૈતન્ય, જુઓ આ ફોટો
બોલિવૂડના પ્રથમ સુપરસ્ટાર
નિખિલ દ્વિવેદીએ કહ્યું- મેં પુસ્તક વાંચ્યું અને તે ખૂબ જ રસપ્રદ છે. તેને ફિલ્મમાં ફેરવવાનો વિચાર છે. આ પુસ્તક આપણા દેશના પહેલા સુપરસ્ટાર પાછળના માણસને સંપૂર્ણ રીતે સમાવે છે. તેમની સાથે અનેક ષડયંત્રો થયા છે. તેઓ એક રાજવી વ્યક્તિ હતા. જ્યારે તેમને પૂછવામાં આવ્યું કે શું સુપરસ્ટારનો પરિવાર પણ આ ફિલ્મનો ભાગ હશે, તો નિખિલે કહ્યું, “આમાં એવું કંઈ નથી જે આપણે તેમના પરિવારના સભ્યોની પીઠ પાછળ કરીએ.” અમે ચોક્કસપણે એવું કંઈ કરીશું નહીં જે વિવાદાસ્પદ અને સનસનાટીભર્યું હોય. આ પ્રથમ બોલિવૂડ સુપરસ્ટારની વાર્તા છે અને અમે તેમના વ્યક્તિત્વ અને સિદ્ધિઓને ફિલ્મમાં દર્શાવવાનો પ્રયાસ કરીશું. જોકે, તેમણે એ વાતનો ખુલાસો કર્યો નથી કે આ ફિલ્મમાં રાજેશ ખન્નાની ભૂમિકા કોણ ભજવશે.
‘કાકા’ તરીકે જાણીતા રાજેશ ખન્નાનો જન્મ પંજાબના અમૃતસરમાં થયો હતો. તેમણે 60ના દાયકામાં ફિલ્મ ‘આખરી ખત’થી પોતાના કરિયરની શરૂઆત કરી હતી. જોકે, તેમને 1969માં આવેલી ફિલ્મ ‘આરાધના’થી સફળતા મળી હતી. આ ફિલ્મમાં તેમની સાથે શર્મિલા ટાગોર હતી. આ પછી રાજેશ ખન્નાએ બોલિવૂડમાં જે ઊંચાઈને સ્પર્શી તે ભાગ્યે જ કોઈ પહોંચી શક્યું. રાજેશ ખન્નામાં સુપરસ્ટાર બનવાની પોતાની પ્રતિભા હતી, પરંતુ આ સિવાય તેમના નસીબ ચમકવા પાછળ પણ એક ફની સ્ટોરી છે. તે સમયે બી-ટાઉનમાં આ અફવા ઝડપથી ફેલાઈ રહી હતી કે રાજેશ ખન્નાના આ સ્ટારડમ પાછળ ભૂતનો બંગલો છે.
આ પણ વાંચો :સલમાન ખાનની જૂની એડ ફિલ્મ થઈ રહી છે વાયરલ, આ ફેમસ સિંગર સાથે મળ્યો જોવા
રિપોર્ટ્સ અનુસાર, રાજેશ ખન્નાએ પોતાના કરિયરમાં બેક ટુ બેક 15 સુપરહિટ ફિલ્મો આપી હતી, જેનો રેકોર્ડ હજુ સુધી તૂટ્યો નથી. જો કે, અમિતાભ બચ્ચન સ્ક્રીન પર દેખાયા પછી, તેમનું સ્ટારડમ ડગમગવા લાગ્યું. સફળતાના નશામાં તેમનું માથું એટલું બધું ચડી ગયું હતું કે તેમણે બિગ બીને કંઈક એવું કહ્યું હતું જે જયા ભાદુરી સહન ન કરી શક્યા અને તેમણે રાજેશ ખન્ના પર પ્રહારો કર્યા હતા.
આ પણ વાંચો : સલમાન ખાનના બર્થ-ડે પર જેનેલિયા ડિસોઝાએ કર્યો જબરદસ્ત ડાન્સ, ‘દબંગ’ ખાને પણ મચાવી ધૂમ, જુઓ
આ પણ વાંચો :આલિયા ભટ્ટની ‘PETA 2021 પર્સન-ઓફ-ધ-યર તરીકે પસંદગી કરવામાં આવી
આ પણ વાંચો : વર્ષ 2021માં આ કારણોસર ચર્ચામાં રહ્યો સલમાન ખાન, કેટના લગ્નથી લઈને સાપના ડંખ સુધીની સફર
