બોમ્બે હાઇકોર્ટે ગુરુવારે મહારાષ્ટ્રના ડિરેક્ટોરેટ જનરલ ઓફ ઇન્ફર્મેશન એન્ડ પબ્લિક રિલેશન્સ ના ઇઝરાયેલના અધિકારીઓની મુલાકાત સંદર્ભે દાખલ કરેલી પીઆઇએલ પર રાજ્ય સરકારને નોટિસ જારી કરી છે. અરજદારના વકીલે દાવો કર્યો છે કે આ સફર પેગાસસ જેવા સ્પાયવેર ખરીદવા માટે કરવામાં આવી હતી.લક્ષ્મણ બુરા અને દિગંબર દ્વારા દાખલ કરવામાં આવેલી પીઆઈએલમાં કહેવામાં આવ્યું છે કે, હવે જાણીતા ફોન ટેપિંગ કેસો અને અધિકારીઓની ઈઝરાયેલ મુલાકાત વચ્ચે સંભવિત જોડાણ છે. પીઆઈએલે આરોપ લગાવ્યો છે કે આ પ્રકારની વિદેશ યાત્રાને મંજૂરી આપતા અનેક નિયમોનું ઉલ્લંઘન કરવામાં આવ્યું છે.
અરજદારોના વકીલ તેજેશ દાંડેએ કોર્ટને જણાવ્યું હતું કે, “ઇઝરાયેલ પાસે વેબ મીડિયા (અભ્યાસ મુલાકાતનો વિષય) પર આવી કોઈ વિશેષતા નથી કે રાજ્ય સરકારના અધિકારીઓને તેનો ફાયદો થયો હોય અરજદારો માને છે કે તેમને ઇઝરાયેલ મોકલવાનો મુખ્ય હેતુ પેગાસસ જેવા જાસૂસ સોફ્ટવેર મેળવવાનો હતો,મુખ્ય જજ દીપાંકર દત્તા અને જજ જીએસ કુલકર્ણીની ખંડપીઠે રાજ્ય સરકાર ,ડીજીઆઇપીઆર અને પાંચ અધિકારીઓને ચાર સપ્તાહમાં જવાબ આપવાનો નિર્દેશ આપ્યો છે ,આ તમામને પક્ષકાર બનાવવામાં આ્યા છે.
અરજીમાં જણાવવામાં આવ્યું છે કે 15 નવેમ્બર, 2019 ના રોજ મહારાષ્ટ્રમાં વિધાનસભાની ચૂંટણીઓ બાદ, અદ્યતન વેબ મીડિયાનો અભ્યાસ કરવા માટે DGIPR ના પાંચ પસંદ કરેલા વરિષ્ઠ અધિકારીઓનું પ્રતિનિધિમંડળ ઇઝરાયલની 10 દિવસની મુલાકાતે મોકલવામાં આવ્યું હતું. પીઆઈએલનો આરોપ છે કે તે સમયગાળા દરમિયાન રાજ્યમાં સરકારની રચના માટે ભારે ચર્ચાઓ થઈ હતી
