આઇસીસી ટી -20 વર્લ્ડ કપ આ વર્ષે ભારતમાં યોજાવાનો હતો. પરંતુ કોરોના વાયરસના વધતા જતા કેસોને કારણે હવે આ ટુર્નામેન્ટ યુએઈમાં યોજાશે. હવે આ મોટી ટુર્નામેન્ટ કઇ તારીખથી યોજવામાં આવશે તે પણ સ્પષ્ટ થઈ ગયું છે.આઈસીસી ટી 20 વર્લ્ડ કપ 17 ઓક્ટોબરથી યુએઈમાં યોજાશે. આ ટુર્નામેન્ટમાં 16 ટીમો ભાગ લેશે. જ્યારે આ ટુર્નામેન્ટની અંતિમ મેચ એટલે ફાઇનલ 16 નવેમ્બરના રોજ રમાશે. જોકે બીસીસીઆઈએ આ અંગે સત્તાવાર રીતે ખુલાસો કર્યો નથી. ખરેખર આ ટૂર્નામેન્ટ આઈપીએલની ફાઇનલના થોડા દિવસ પછી શરૂ થશે. આઈપીએલની ફાઈનલ 15 ઓક્ટોબરે યોજાવાની સંભાવના છે.
પહેલા રાઉન્ડમાં 8 ટીમો વચ્ચે 12 મેચ થશે. આમાંથી ચાર (દરેક જૂથમાંથી ટોચના બે) સુપર 12 માટે ક્વોલિફાઇ થશે. આઠ ટીમોમાંથી ચાર (બાંગ્લાદેશ, શ્રીલંકા, આયર્લેન્ડ, નેધરલેન્ડ, સ્કોટલેન્ડ, નમિબીઆ, ઓમાન, પપુઆ ન્યુ ગિની) ટોચની આઠ ક્રમાંકિત ટી -20 ટીમોમાં જોડાવાથી સુપર 12 માટે ક્વોલિફાય થશે.
આ પછી સુપર 12 તબક્કામાં 30 મેચ રમાશે. જે 24 ઓક્ટોબરથી શરૂ થશે. સુપર 12 માં ટીમોને પ્રત્યેક છના બે જૂથોમાં વહેંચવામાં આવશે. આ મેચ યુએઈના ત્રણ સ્થળો – દુબઇ, અબુધાબી અને શારજાહ ખાતે રમાશે. આ પછી ત્રણ નોકઆઉટ મેચ – બે સેમિફાઇનલ અને એક ફાઇનલ થશે.અગાઉ આ મેગા ટુર્નામેન્ટનું આયોજન ભારત કરવાનું હતું પરંતુ કોરોના વાયરસના વધતા જતા કેસોને કારણે હવે યુએઈમાં તેનું આયોજન કરવામાં આવશે.
