WPL 2023 : મહિલા પ્રીમિયર લીગ 2023ની આઠમી મેચમાં રોયલ ચેલેન્જર્સ બેંગ્લોર અને UP વોરિયર્સ સામસામે આવી હતી. આ મેચમાં યુપી વોરિયર્સે RCBને 10 વિકેટથી હરાવીને બીજી જીત મેળવી હતી.RCB ટીમને સતત ચોથી હારનો સામનો કરવો પડ્યો હતો. સ્મૃતિ મંધાનાએ ટોસ જીતીને પ્રથમ બેટિંગ કરવાનો નિર્ણય કર્યો, પરંતુ તેનો નિર્ણય તેના માટે કામ ન કરી શક્યો. પ્રથમ બેટિંગ કરતા RCBની ટીમ 19.3 ઓવરમાં 138 રન પર ઓલઆઉટ થઈ ગઈ હતી. જવાબમાં ઓપનિંગ જોડીના વિસ્ફોટક પ્રદર્શનને કારણે યુપીએ 13 ઓવરમાં કોઈ પણ નુકશાન વિના 139 રન બનાવીને મેચ જીતી લીધી હતી.
યુપી વોરિયર્સ સામેની (WPL 2023) મેચમાં પણ આરસીબી ટીમના બેટ્સમેનોનું ખરાબ પ્રદર્શન ચાલુ રહ્યું હતું. મેચમાં ટોસ જીત્યા બાદ ટીમ 19.3 ઓવરમાં 138 રન પર સમેટાઈ ગઈ હતી. આરસીબી ટીમના માત્ર ચાર બેટ્સમેન ડબલ ફિગરને સ્પર્શી શક્યા હતા. એલિસ પેરીએ 39 બોલમાં 52 રન બનાવ્યા હતા. તે જ સમયે, સોફી ડિવાઇન 24 બોલમાં 36, શ્રેયંકા પાટીલે 10 બોલમાં 15 અને એરિન બર્ન્સ નવ બોલમાં 12 રન બનાવીને આઉટ થયા હતાઆટલું જ નહીં કેપ્ટન સ્મૃતિ મંધાના માત્ર 4 રન બનાવીને પેવેલિયન પરત ફરી હતી. આ સિવાય યુપી વોરિયર્સ તરફથી સોફી એક્લેસ્ટોને 4-4, દીપ્તિ શર્માએ 3 અને રાજેશ્વરી ગાયકવાડે એક વિકેટ લીધી હતી.
આ પછી લક્ષ્યનો પીછો (WPL 2023)કરતા યુપી વોરિયર્સની ટીમે 13 ઓવરમાં 139 રન બનાવ્યા હતા. ટૂર્નામેન્ટમાં યુપીની ટીમની આ બીજી જીત હતી. આ જીત બાદ યુપીની ટીમના મહિલા પ્રીમિયર લીગના પોઈન્ટ ટેબલમાં ત્રણ મેચમાં ચાર પોઈન્ટ થઈ ગયા છે. તે ત્રીજા સ્થાન પર છે.કેપ્ટન એલિસા હીલી અને દેવિકા વૈદ્યએ આરસીબી સામે યુપી માટે પ્રથમ વિકેટ માટે 139 રનની ભાગીદારી કરી હતી. જોકે, એલિસા હીલી તેની સદી ચૂકી ગઈ હતી. તે 47 બોલમાં 96 રન બનાવીને અણનમ રહી હતી. જ્યારે દેવિકાએ 31 બોલમાં પાંચ ચોગ્ગાની મદદથી અણનમ 36 રન બનાવ્યા હતા.
