“ભારત તમારો દેશ નથી. આ હિંદુઓનો દેશ છે. તમારે પાકિસ્તાન જવું જોઈએ. એક મહિલા શિક્ષકે કથિત રીતે પાંચમા ધોરણના વિદ્યાર્થીઓને આ વાત કહી છે. મામલો કર્ણાટકના શિવમોગ્ગાનો છે, જ્યાં આ નિવેદન બાદ કર્ણાટક શાળા શિક્ષણ વિભાગે શિક્ષકની બદલી કરી દીધી છે. તેમની સામે ડિપાર્ટમેન્ટલ તપાસના આદેશ આપવામાં આવ્યા છે. તેણે કથિત રીતે બે મુસ્લિમ વિદ્યાર્થીઓને ગાળો આપી હતી અને કહ્યું હતું કે, ‘તમે પાકિસ્તાન જાઓ, ભારત હિંદુઓનું છે.’ જોકો, મહિલા શિક્ષકે આ આરોપોને નકારી કાઢ્યા છે.
એક મીડિયા રિપોર્ટ અનુસાર, ટીપુ નગર સ્થિત સરકારી શાળાની શિક્ષિકા મંજુલા દેવી પર આ ગંભીર આરોપો લગાવવામાં આવ્યા છે. શિવમોગ્ગામાં જેડીએસ નેતા એ. નઝરુલ્લાએ શિક્ષક વિરુદ્ધ ફરિયાદ કરી હતી. શિવમોગ્ગા પબ્લિક ઇન્સ્ટ્રક્શનના ડેપ્યુટી ડિરેક્ટર પરમેશ્વરપ્પા સીઆરએ જણાવ્યું હતું કે શિક્ષકની બદલી કરવામાં આવી છે અને વિભાગીય તપાસ હજુ બાકી છે. તેમણે કહ્યું કે,બ્લોક એજ્યુકેશન ઓફિસર દ્વારા પ્રાથમિક તપાસના આધારે શિક્ષક સામે કાર્યવાહી કરવામાં આવી છે.
બાળકોએ પરિવારને જાણ કર્યા બાદ મામલો સામે આવ્યો
રિપોર્ટમાં અધિકારીને ટાંકીને કહેવામાં આવ્યું છે કે મહિલા શિક્ષક બાળકોને સમજાવી રહી હતી. બાળકો ગેરવર્તન કરી રહ્યા હતા અને શિક્ષકની વાત માનતા ન હતા. જેડીએસ નેતાએ પોતાની ફરિયાદમાં કહ્યું કે, મંજુલા દેવીએ બે મુસ્લિમ વિદ્યાર્થીઓને ગાળો આપી અને કહ્યું, ‘તમારો દેશ ભારત નથી. આ હિંદુઓનો દેશ છે. તમે પાકિસ્તાન જાવ.’ શાળાએથી પાછા ફર્યા બાદ બાળકોએ આ વાત તેમના પરિવારજનોને જણાવી, જેમણે સ્થાનિક નેતાને આ અંગે ચેતવણી આપી. ફરિયાદ મળતાં સ્થાનિક શિક્ષણાધિકારીએ તપાસ કરીને રિપોર્ટ સોંપ્યો હતો. આ પછી શિક્ષક સામે કાર્યવાહી કરવામાં આવી હતી.
મુઝફ્ફરનગરના શિક્ષકનો નફરતનો વીડિયો
મુસ્લિમ વિદ્યાર્થી સાથે મહિલા શિક્ષકની આ પ્રકારની અભદ્રતા ઉત્તર પ્રદેશના મુઝફ્ફરનગરમાંથી પણ સામે આવી હતી. અહીં એક પ્રાઈવેટ સ્કૂલની શિક્ષિકા તૃપ્તા ત્યાગી એક મુસ્લિમ વિદ્યાર્થીને વર્ગમાં અન્ય વિદ્યાર્થીને થપ્પડ મારવાનું કહી રહી હતી. મુસ્લિમ બાળકો વિરુદ્ધ નફરત ભાષણને કારણે સોશિયલ મીડિયા પર ભારે હોબાળો થયો હતો. મુઝફ્ફરનગર પોલીસે મહિલા શિક્ષક વિરુદ્ધ આઈપીસીની કલમ 323 અને 504 હેઠળ કેસ નોંધ્યો હતો. આ કલમો જામીનપાત્ર છે, તેથી તેની ધરપકડ કરવામાં આવી નથી.
આ પણ વાંચો: Rahul Gandhi/ ‘એક દેશ, એક ચૂંટણી’ પર “રાહુલ ગાંધી”એ આપી પ્રતિક્રિયા: જાણો શું કહ્યું….
આ પણ વાંચો: G20 Summit/ ‘કાશ્મીર હોય કે અરુણાચલ, દેશમાં ગમે ત્યાં મીટીંગ કરી શકે છે’ પીએમ મોદીનો ચીન અને પાકિસ્તાનને જવાબ
આ પણ વાંચો: Lightning Strikes/ ઓડિશામાં બે કલાકમાં 61 હજાર વખત વીજળી પડી, 10 લોકોના મોત થયા
