છેલ્લા કેટલાક દિવસોથી દિલ્હી-NCRમાંથી આકરી ગરમીના સમાચાર આવી રહ્યા છે. આ દરમિયાન દિલ્હીના રોહિણી વિસ્તારમાં વરસાદ અને કરા પડવાના સમાચારે અચાનક હવામાનનો મૂડ બદલી નાખ્યો. રોહિણીમાં રહેતા લોકોએ ટ્વિટર પર કેટલાક વીડિયો અને તસવીરો શેર કરી છે, જેમાં જોવા મળી રહ્યું છે કે વરસાદ અને કરાથી સમગ્ર વિસ્તારમાં ઠંડક પ્રસરી ગઈ છે.
જણાવી દઈએ કે ભારતીય હવામાન વિભાગ (IMD) એ બુધવારે રાષ્ટ્રીય રાજધાનીમાં ધૂળની ડમરીઓ અથવા ગાજવીજ સાથે વરસાદની આગાહી કરી હતી અને એ પણ કહ્યું હતું કે આ સમયગાળા દરમિયાન 50 કિમી પ્રતિ કલાકની ઝડપે પવન ફૂંકાવાની શક્યતા છે. IMDએ આ સંદર્ભમાં ‘યલો એલર્ટ’ જાહેર કર્યું છે. આ દરમિયાન શહેરના કેટલાક વિસ્તારોમાં હળવા વરસાદની સંભાવના છે.