Ajab Gajab News: વિશ્વની સૌથી મુશ્કેલ વસ્તુઓમાંની એક માનવ શરીરની સિસ્ટમ છે. આ જ કારણ છે કે ઘણી વખત આપણને કેટલીક એવી બીમારીઓ થાય છે, જેના વિશે પહેલાથી કોઈ ખ્યાલ નથી હોતો. નાની સમસ્યા મોટા જોખમ તરફ ઈશારો કરી શકે છે. આવું એટલા માટે કહી રહ્યા છીએ કારણ કે એક બ્રિટિશ મહિલા સાથે આવું જ કંઈક થયું હતું. રમતા-રમતા અને હસતા-હસતા તેણીને એક મોટી બીમારી થઈ ગઈ હતી જેનો તેને ખ્યાલ જ નહતો.
એરિન શો નામની 30 વર્ષની મહિલાને ખ્યાલ નહોતો કે તે જે ખંજવાળ માની રહી છે તે ખરેખર એક જીવલેણ રોગ છે. જો સમયસર તેની જાણ ન થઈ હોત, તો થોડા મહિનામાં મહિલાનું મૃત્યુ થઈ શકે છે. સ્કોટલેન્ડની એરિનને સપ્ટેમ્બરમાં ખબર પડી કે તેના શરીરમાં ખંજવાળ સામાન્ય નથી, પરંતુ એક દુર્લભ બીમારીને કારણે છે. સ્કોટલેન્ડના રેનફ્રુશાયરમાં રહેતી એરિન શો તેના પરિવાર સાથે ગ્લાસગોમાં એક ફેસ્ટિવલમાં ગઈ હતી. તેને તે જ સમયે તીવ્ર પીડાનો અનુભવ થયો, જાણે કોઈએ તેને છરી વડે હુમલો કર્યો હોય. જ્યારે તેને હોસ્પિટલમાં લઈ જવામાં આવી ત્યારે જાણવા મળ્યું કે આ ખંજવાળ આવી રહી છે કારણ કે લિમ્ફોમા નામની દુર્લભ બીમારીને કારણે તેની રોગપ્રતિકારક શક્તિ મરી રહી છે. ડૉક્ટરોએ કહ્યું કે તે લાંબો સમય જીવી શકશે નહીં.
એરિનને આ બીમારીને કારણે કીમોથેરાપી લેવી પડી હતી, જેના કારણે તે 5 દિવસ સુધી સતત 24 કલાક બેગ લઈને જતી હતી. તેણે સતત 8 મહિના સુધી બીટસન કેન્સર સેન્ટરમાં રહેવું પડ્યું. 606 કલાકની ખાસ કીમોથેરાપી પર રહેવું પડ્યું. ઘણી મુશ્કેલીઓ બાદ આખરે તેણે આ બીમારીને હરાવીને જીવનની લડાઈ જીતી લીધી. આ પછી, તેણે કેન્સર પીડિત લોકો માટે ચેરિટી કરવાનું શરૂ કર્યું અને તેની સાથે ક્રિસમસનો તહેવાર પણ ઉજવ્યો.
આ પણ વાંચો: Supreme Court/ કેન્દ્રનો વળતો જવાબઃ મુખ્ય ચૂંટણી કમિશ્નરોની નિમણૂક સુપ્રીમનું કાર્યક્ષેત્ર નથી
