લોકો મંદિરોમાં જઈને ભગવાનની પૂજા કરે છે અને તેમના આશીર્વાદ પ્રાપ્ત કરે છે. પરંતુ દરેક જગ્યાએ પૂજાના કેટલાક અલગ-અલગ નિયમો છે. ઉદાહરણ તરીકે, કેટલીક જગ્યાએ માથું ઢાંકીને પ્રવેશે છે અને કેટલાક સ્થળોએ પૂજા ફક્ત ધોતી-કુર્તામાં જ કરવામાં આવે છે. પરંતુ એક એવું મંદિર પણ દેશમાં આવેલું છે જ્યાં પુરુષોના પ્રવેશ પર પ્રતિબંધ છે. આ મંદિરમાં પૂજા કરવા માટે મહિલાઓ અને કિન્નરો પર કોઈ પ્રતિબંધ નથી, પરંતુ જો પુરુષોએ આ મંદિરમાં પૂજા કરવી હોય તો તેમને મહિલાઓની જેમ સોળ શણગાર કરવા પડે છે. આવો જાણીએ આ મંદિર ક્યાં આવેલું છે અને શા માટે પુરુષોના પ્રવેશ પર પ્રતિબંધ છે.
અહીં આવેલું છે આ અનોખું મંદિર
કેરળના કોલ્લમ જિલ્લામાં શ્રી કોત્તાનકુલાંગરા દેવી મંદિર છે જ્યાં દર વર્ષે ચામ્યાવિલાક્કુઈ તહેવાર ઉજવવામાં આવે છે. આ ઉત્સવમાં દર વર્ષે હજારો પુરૂષ ભક્તો આવે છે. પરંતુ તે એક યુરુષ તરીકે મંદિરમાં પ્રવેશી શકતા નથી. એટલા માટે મંદિરમાં તેમના માટે અલગ મેક-અપ રૂમ બનાવવામાં આવ્યો છે. જ્યાં પુરૂષો મહિલાઓની જેમ સાડીઓ અને ઘરેણાં પહેરે છે. મેક-અપ કરવાની સાથે વાળમાં ગજરા પણ લગાવવામાં આવે છે. આ ઉત્સવમાં ભાગ લેવા માટે કોઈ વય મર્યાદા નથી.
મંદિર ઉપર છત નથી
આ મંદિરમાં મહિલાઓ અને પુરૂષો ઉપરાંત ટ્રાન્સજેન્ડરો પણ પૂજા કરવા આવે છે. એવું માનવામાં આવે છે કે આ મંદિરમાં સ્થાપિત દેવીની મૂર્તિ પોતે જ પ્રગટ થઈ હતી. પોતાની વિશેષ પરંપરા અને માન્યતાઓ માટે વિશ્વભરમાં પ્રખ્યાત આ મંદિર પર કોઈ છત નથી. આ રાજ્યનું આ એકમાત્ર મંદિર છે જે ગર્ભગૃહની ઉપર છત કે કલશ ધરાવતું નથી.
મંદિરની સ્થાપનાની કથા
એવું માનવામાં આવે છે કે સ્ત્રીઓના કપડાં પહેરેલા કેટલાક ભરવાડોએ પથ્થર પર ફૂલ ચઢાવ્યા હતા, ત્યારબાદ તે પથ્થરમાંથી દૈવી શક્તિનો ઉદય થવા લાગ્યો હતો. આ પછી તેને મંદિરનું સ્વરૂપ આપવામાં આવ્યું. ત્યારથી આજ સુધી તેની પૂજા કરવામાં આવે છે. આ સિવાય એવું પણ માનવામાં આવે છે કે કેટલાક લોકો પથ્થર પર નારિયેળ ફોડી રહ્યા હતા અને આ દરમિયાન પથ્થરમાંથી લોહી નીકળવા લાગ્યું અને ત્યાર બાદ અહીં દેવીની પૂજા કરવામાં આવી.
નોંધ: અહીં આપવામાં આવેલી તમામ માહિતી સામાજિક અને ધાર્મિક માન્યતાઓ પર આધારિત છે. મંતવ્ય ન્યૂઝ આની પુષ્ટિ કરતું નથી. આ માટે નિષ્ણાતની સલાહ લો.
આ પણ વાંચો:આ દિશામાં ઉભા રહીને સ્નાન કરવાથી સૂર્યની જેમ ચમકી શકે છે કિસ્મત, જાણો સ્નાન કરવાનો સાચો નિયમ
આ પણ વાંચો:તુલસીનો છોડ સુકાઈ જાય તો તરત કરો આ કામ, નહીં તો થઈ જશો કંગાળ!
આ પણ વાંચો:લક્ષ્મી નારાયણ યોગ! આ રાશિના લોકોનું બદલાશે ભાગ્ય, તેમને અપાર ધન અને સફળતા મળશે
આ પણ વાંચો:23 જુલાઈ 2023નું રાશિ ભવિષ્ય, જાણો કેવો રહેશે તમારો આજનો દિવસ…
