ચીનમાં આજેપણ કોરોનાના 30 હજારથી વધુ કેસો પ્રતિદિન નોંધાઇ રહ્યા છે. ચીનમાં કડક લોકડાઉન પગલે પ્રજાએ સરકરા સામે વિરોધ નોંધાવ્યો છે તેનો એક વીડિયો સામે આવ્યો છે.બેઇજિંગની કડક COVID-19 નીતિ સામે શનિવારે (26 નવેમ્બર) રાત્રે ચીનના શાંઘાઈમાં વિરોધ ફાટી નીકળ્યો હતો. સોશિયલ મીડિયા પર ઘણા વીડિયો સામે આવ્યા છે, જેમાં લોકોને કોવિડ પર ચીન સરકારના પ્રતિબંધો વિરુદ્ધ સૂત્રોચ્ચાર કરી રહ્યા હતા. ઉરુમકીમાં એક એપાર્ટમેન્ટમાં આગમાં 10 લોકો માર્યા ગયા અને નવ ઘાયલ થયા પછી વિરોધ શરૂ થયો. મોટી સંખ્યામાં ચીની નાગરિકો કોવિડ નીતિ સામે ગુસ્સો વ્યક્ત કરીને રસ્તા પર ઉતરી આવ્યા હતા.
Incredible footage from #China’s #Shanghai, where countless people gathered at a road called “#Urumqi road,” chanting a slogan “Step down, the Communist Party” very loudly. https://t.co/6YBpfbxsox
— William Yang (@WilliamYang120) November 26, 2022
ડીડબ્લ્યુ ન્યૂઝના પૂર્વ એશિયાના સંવાદદાતા વિલિયમ યાંગે ટ્વિટર પર એક વિડિયો પોસ્ટ કર્યો છે જેમાં લોકો ‘ઉરુમકી રોડ’ પર શી જિનપિંગની આગેવાની હેઠળની ચીની કમ્યુનિસ્ટ પાર્ટી (સીસીપી) સામે વિરોધ કરી રહ્યાં છે. નાગરિકોએ “કમ્યુનિસ્ટ પાર્ટીને દૂર કરો”, “કોમ્યુનિસ્ટ પાર્ટીને દૂર કરો” અને “શી જિનપિંગને દૂર કરો” જેવા સૂત્રોચ્ચાર કર્યા હતા.
શાંઘાઈમાં વિરોધ પ્રદર્શનો અંગેની શ્રેણીબદ્ધ ટ્વીટ્સમાં વિલિયમ યાંગે કહ્યું કે અસંખ્ય લોકો ઉરુમકી રોડ પર એકઠા થયા અને સૂત્રોચ્ચાર કર્યા, “મારે પીસીઆર ટેસ્ટ નથી જોઈતો, મારે આઝાદી જોઈએ છે.” અન્ય એક ટ્વિટમાં વિલિયમ યાંગે કહ્યું કે, ‘ઉરુમકી રોડ’ના લોકોએ શિનજિયાંગમાં પણ લોકડાઉન ખતમ કરવાની હાકલ કરી.
અન્ય એક ટ્વીટમાં તેણે કહ્યું કે શાંઘાઈમાં વિરોધ સ્થળ પર લોકો અને પોલીસ વચ્ચે ઝપાઝપી થઈ હતી. ટ્વીટ થ્રેડમાં, વિલિયમ યાંગે ચાલુ રાખ્યું, “પોલીસે શાંઘાઈમાં ઘટનાસ્થળે છેલ્લા કેટલાક ડઝન વિરોધીઓને ઘેરી લીધા હતા અને કેટલીક મહિલાઓને લઈ જવામાં આવી હતી.” લોકોએ “સ્ટેપ ડાઉન સીસીપી” ના નારા પણ લગાવ્યા.
IND vs NZ 2nd ODI/ભારત-ન્યુઝીલેન્ડની મેચ વરસાદને લીધે બંધ,ભારે વરસાદ હોવાથી મેચ રદ
