આઈપીએલની મેગા હરાજી 12 અને 13 ફેબ્રુઆરીએ બેંગલુરુમાં યોજાવાની છે. વિશ્વના 1200 થી વધુ ખેલાડીઓએ પોતાના નામ નોંધાવ્યા છે. આ આઈપીએલમાં બે નવી ટીમો પણ જોડાઈ રહી છે. હવે આ ટુર્નામેન્ટ 10 ટીમો વચ્ચે રમાશે. ટૂર્નામેન્ટની હરાજી પહેલા ભારતના પૂર્વ ક્રિકેટર આકાશ ચોપરાએ પાંચ બોલરો વિશે જણાવ્યું હતું કે તેઓ આ હરાજીમાં ખૂબ જ મોંઘા વેચાશે.
આકાશ ચોપરાએ મેગા ઓક્શન માટે પોતાના પાંચ બોલરોની પસંદગી કરી છે, જેમને ભારે કિંમત મળી શકે છે. આકાશે ગત સિઝનના પર્પલ કેપ વિજેતાને પાંચ બોલરોની યાદીમાં સામેલ કર્યા નથી. હર્ષલ પટેલે છેલ્લી સિઝનમાં 32 વિકેટ ઝડપી હતી. આકાશ ચોપરાની આ યાદીમાં બે ઝડપી બોલર, એક બોલર ઓલરાઉન્ડર અને બે લેગ સ્પિનરોનો પણ સમાવેશ થાય છે.
આ પણ વાંચો::Viral Video / આ કેવુ મોંઢુ કરી રહ્યો છે Yuvi? ભજ્જીએ ખરાબ શકલ પર કરી કોમેન્ટ
આકાશ ચોપરાએ પોતાની યાદીમાં પ્રખ્યાત કૃષ્ણા, અવેશ ખાન, દીપક ચહર, રાહુલ ચહર અને યુઝવેન્દ્ર ચહલને પસંદ કર્યા છે. ચોપરાએ પ્રખ્યાત કૃષ્ણાની તેમની ઊંચાઈ તેમજ તેમની ઉત્કૃષ્ટ રજૂઆત માટે પ્રશંસા કરી હતી. જેના માટે તેણે તેના વિશ્લેષણમાં તેને પાંચમા સ્થાને રાખ્યો છે. આ પછી તેણે કહ્યું કે અવેશે બે સિઝનમાં શાનદાર પ્રદર્શન કર્યું છે. ચોપરા દ્વારા અવેશ ખાનને ચોથા નંબર પર રાખવામાં આવ્યો છે. રાહુલ ચહરને ત્રીજા નંબરે રાખવામાં આવ્યો હતો. રાહુલ ચહરે પણ છેલ્લી કેટલીક સીઝનમાં સારો દેખાવ કર્યો છે.
યુઝવેન્દ્ર ચહલ બીજા નંબર પર છે. યુઝવેન્દ્ર ચહલે આઈપીએલમાં શાનદાર પ્રદર્શન કર્યું છે. આ સાથે જ દીપક ચહરને વન પર રાખવામાં આવ્યો છે. દીપક વિશે આકાશ ચોપરાએ કહ્યું કે તે નવા બોલ સાથે ઉપયોગી સાબિત થઈ શકે છે. સાથે જ તેની પાસે મોટો ફટકો મારવાની ક્ષમતા પણ છે.
આ પણ વાંચો :IND VS WI / ભારત વિરુદ્ધ T20 સીરીઝ માટે વેસ્ટ ઈન્ડિઝ ટીમની જાહેરાત, આ ખેલાડીઓને મળી જગ્યા
