આ મહીને મોટાભાગની કંપનીઓ એસયુવી કાર અથવા તેના નાના વર્ઝન લોન્ચ કરી રહી છે. પરંતુ તેમ છતાં, હેચબેક કારના મોટાભાગના વિકલ્પો ઓછા બજેટમાં કાર માર્કેટમાં ઉપલબ્ધ છે. આ કાર ન માત્ર સારી સ્પીડ આપે છે પરંતુ સારી માઈલેજ પણ આપે છે. આજે અમે તમને એવી 5 કાર વિશે જણાવવા જઈ રહ્યા છીએ, જેની કિંમત 5 લાખ રૂપિયાથી ઓછી છે. તમે દિવાળી પછી પણ તમારા ઘરે નવી કાર લાવી શકો છો, જેમાં ઓછા ડાઉન પેમેન્ટ અને ઓછા હપ્તાનો વિકલ્પ હશે.
મારુતિ સુઝુકી અલ્ટો 800
ભારતમાં રૂ. 5 લાખથી ઓછી કિંમતની કાર વિશે વાત કરીએ તો, મારુતિ સુઝુકી અલ્ટો 800 એક સારો વિકલ્પ છે, જે આ સેગમેન્ટમાં સૌથી વધુ વેચાતી કાર પણ રહી છે. મારુતિ અલ્ટોની એક્સ-શોરૂમ કિંમત રૂ. 3.15 લાખથી રૂ. 4.82 લાખની વચ્ચે છે. તે 5 સીટર કાર છે અને તેમાં 796 સીસી એન્જીન છે, જે 22.05 kmplની માઈલેજ આપે છે. તેને 177 લિટરની બૂટ સ્પેસ મળે છે.
મારુતિ સુઝુકી Eeco
આ 5 STR વર્ઝનની પ્રારંભિક કિંમત 4.81 લાખ રૂપિયા છે. તેમાં 1196 ccનું એન્જિન છે, જે પેટ્રોલ અને CNG વેરિએન્ટમાં આવે છે. તેમાં 5 અને 7 સીટર વિકલ્પો છે. આમાં યુઝર્સને 2,350mmનો વ્હીલબેસ મળશે.
મારુતિ સેલેરિયો
રૂ. 4.65 લાખ થી શરૂ થતી કિંમતો સાથે તમે રૂ. 5 લાખથી ઓછી કિંમતમાં મારુતિ સેલેરિયો કાર પણ ખરીદી શકો છો. આ કારમાં 998 સીસીનું એન્જિન આપવામાં આવ્યું છે અને તેમાં 5 લોકો બેસી શકે છે. તેમાં પેટ્રોલ અને સીએનજી બંનેનો વિકલ્પ છે, જે લોકો માટે ઉપયોગી સાબિત થશે. તેની બૂટ સ્પેસ 235 લિટર છે.
ટાટા ટિયાગો
ટાટા મોટર્સની હેચબેક કાર ટાટા ટિયાગોનું બેઝ મોડલ પણ રૂ. 4.99 લાખ ની પ્રારંભિક કિંમત સાથે રૂ. 5 લાખથી ઓછી કિંમતમાં ઉપલબ્ધ થશે. તેમાં 1199ccનું એન્જિન આપવામાં આવ્યું છે અને તે એક લિટર પેટ્રોલમાં 23kmplની માઈલેજ આપે છે. આ કાર 84.48 એચપીનો પાવર જનરેટ કરવામાં સક્ષમ છે. તેમાં 5 સીટર ક્ષમતા છે.
રેનો કવિડ
Renault KWID ની પ્રારંભિક કિંમત 4.06 લાખ રૂપિયા છે. કંપનીએ તેમાં 799 ccનું એન્જિન આપ્યું છે, જે 67hp પાવર જનરેટ કરી શકે છે. 5 બેઠક ક્ષમતા ધરાવતી આ કારનું માઈલેજ 22.3 કિમી છે, જેની માહિતી CarDekho વેબસાઈટ પરથી ઉપલબ્ધ છે. આ કારમાં 279 લીટરની બૂટ સ્પેસ આપવામાં આવી છે.
