Business News: IPOમાં રોકાણ Investment કરનારા લોકો માટે એક મોટા સમાચાર આવ્યા છે. જો તમે પણ IPO માં રોકાણ કરવાનું પસંદ કરો છો તો આ સમાચાર ફક્ત તમારા માટે છે. બ્લેકસ્ટોનની Blackstone પેટાકંપની ઈન્ટરનેશનલ જેમોલોજીકલ ઈન્સ્ટીટ્યુટ (ઈન્ડિયા) લિમિટેડ તેનો આઈપીઓ લોન્ચ કરવાની તૈયારી કરી રહી છે. ઈન્ટરનેશનલ જેમોલોજીકલ ઈન્સ્ટીટ્યુટ International Gemological Institute તેના આઈપીઓમાંથી રૂ. 4000 કરોડ એકત્ર કરવા માંગે છે. કંપનીએ આ IPO માટે જરૂરી કાગળો મૂડી બજાર નિયામક સેબી પાસે સબમિટ કર્યા છે.
સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી)માં ફાઈલ કરાયેલા પેપર્સ અનુસાર, આઈપીઓ હેઠળ ઈશ્યૂ કરવામાં આવનાર શેરની ફેસ વેલ્યુ 2 રૂપિયા હશે. રૂ. 4,000 કરોડના આ IPOમાં, કંપની રૂ. 1,250 કરોડના મૂલ્યના તાજા શેર ઇશ્યૂ કરશે અને રૂ. 2,750 કરોડના શેર પ્રમોટરો દ્વારા OFS દ્વારા જારી કરવામાં આવશે.
IPO દ્વારા એકત્ર કરાયેલા નાણાંનો ઉપયોગ IGI બેલ્જિયમ ગ્રૂપ અને IGI નેધરલેન્ડ ગ્રૂપના એક્વિઝિશન માટે કરવામાં આવશે. વધુમાં, કેટલાક નાણાંનો ઉપયોગ સામાન્ય કોર્પોરેટ હેતુઓ માટે કરવામાં આવશે. તમને જણાવી દઈએ કે અગ્રણી ઇન્વેસ્ટમેન્ટ ફર્મ બ્લેકસ્ટોને મે 2023માં IGIનો સંપૂર્ણ 100 ટકા હિસ્સો ખરીદ્યો હતો. હીરા, સ્ટડેડ જ્વેલરી અને રંગીન પત્થરોના પ્રમાણપત્રોની સંખ્યાના આધારે આ જ્વેલરી સર્ટિફિકેશન કંપનીનો બજાર હિસ્સો આશરે 33 ટકા છે.
ઇન્ટરનેશનલ જેમોલોજિકલ ઇન્સ્ટિટ્યૂટ (IGI) એ લેબ-ઉગાડવામાં આવેલા હીરા માટેનું સૌથી મોટું વૈશ્વિક પ્રમાણપત્ર પ્રદાતા છે અને કુદરતી હીરા માટે બીજા ક્રમનું સૌથી મોટું વૈશ્વિક પ્રમાણપત્ર પ્રદાતા છે. એક્સિસ કેપિટલ, કોટક મહિન્દ્રા કેપિટલ કંપની, મોર્ગન સ્ટેનલી ઈન્ડિયા પ્રાઈવેટ લિમિટેડ અને એસબીઆઈ કેપિટલ માર્કેટ્સ આ આઈપીઓના બુક-રનિંગ મેનેજર છે. ફાઇલિંગ અનુસાર, KFin Technologies ઑફર માટે રજિસ્ટ્રાર છે.
આ પણ વાંચો:ભારતીયો પાસે છે 25000 ટન સોનું! 5 વર્ષમાં બમણું થઈ જશે ગોલ્ડ લોન માર્કેટ
આ પણ વાંચો:FSSAI ગુજરાતે 55 ખાદ્યતેલ ઉત્પાદકોને નોટિસ ફટકારી
આ પણ વાંચો:100 ટકા ફ્રૂટ જ્યુસના દાવા કરનારી કંપની સામે FSSAI નું કડક વલણ
