સારા રસ્તા એ કોઈપણ દેશના વિકાસની નિશાની છે. જો રોડ ન હોત તો એક દિવસનું કામ મહિનાઓ સુધી ન થઇ શક્યું હોત. પરંતુ છેલ્લા કેટલાક વર્ષોમાં, ભારતમાં ઘણા બધા રસ્તાઓ બનાવવામાં આવ્યા છે. જો આપણે ભારતના સૌથી લાંબા રસ્તાની વાત કરીએ તો NH 44 એવો નેશનલ હાઈવે છે, જે 37454 કિલોમીટર લાંબો છે. આ હાઈવે કન્યાકુમારીથી શરૂ થઈને સીધો શ્રીનગર સુધી જાય છે. પરંતુ વિશ્વમાં આવો એક જ હાઇવે છે, જે માત્ર શહેરો કે રાજ્યો જ નહીં પરંતુ 14 દેશોને આવરી લે છે. જો તમે આ હાઈવે પર ચાલતા રહો તો તમે 14 દેશોને પાર કરી જશો અને તમને ખબર પણ નહીં પડે. ઉત્તર અમેરિકાથી શરૂ થઈને આ હાઈવે ઘણા દેશોને પાર કરીને દક્ષિણ અમેરિકાના આર્જેન્ટીમાં જાય છે. તેની લંબાઈને કારણે તેનું નામ ગિનિસ બુક ઓફ વર્લ્ડ રેકોર્ડમાં પણ નોંધાયેલું છે. તો ચાલો જાણીએ વિશ્વના આ પ્રખ્યાત હાઇવે વિશે.
1923 માં શરૂ થયું બાંધકામ
પૈન અમેરિકન હાઇવે એ વિશ્વનો સૌથી પ્રખ્યાત અને સૌથી લાંબો રસ્તો છે. આ રોડ બે ખંડોને જોડીને બનાવવામાં આવ્યો છે. તેને પ્રથમ વખત બનાવવાનો વિચાર વર્ષ 1923માં આવ્યો હતો. રસપ્રદ વાત એ છે કે આ હાઇવે બનાવવામાં માત્ર એક દેશ જ નહીં પરંતુ 14 દેશોએ સહયોગ આપ્યો છે. આ દેશોના નામ છે કોસ્ટા રિકા પેરુ, પનામા, નિકારાગુઆ, મેક્સિકો, યુએસ, હોન્ડુરાસ, ગ્વાટેમાલા, બોલિવિયા, અલ સાલ્વાડોર, કોલંબિયા, ચિલી, કેનેડા અને આર્જેન્ટિના.
હજુ અધૂરો છે એક ભાગ
આ હાઈવે સીધો અને કોઈપણ અવરોધ વગરનો છે. અહીં 30,000 કિલોમીટર સુધી કોઈ વળાંક, કોઈ કટ નથી. તો પણ તેના પર ચાલવું એટલું સરળ નથી. તમને એ પણ જણાવી દઈએ કે આજે પણ તેનો એક ભાગ અધૂરો છે. 110 કિમીના આ ભાગને ડેરિયન ગેપ કહેવામાં આવે છે. વાસ્તવમાં, આ વિસ્તારમાં અપહરણ, ડ્રગની હેરાફેરી અને દાણચોરી જેવી ઘણી વસ્તુઓ થાય છે.
હાઇવે પર મુસાફરી કરવી સરળ નથી
સાંભળવામાં ભલે સારું લાગે પણ આ હાઇવે પર ચાલવું બિલકુલ સરળ નથી. તેનું મુખ્ય કારણ તેની લંબાઈ છે. આ હાઇવે પર તમને ગાઢ જંગલો, બરફીલા વિસ્તારો અને રણ વિસ્તારો જોવા મળશે. તેને પાર કરવું દરેકના હાથમાં નથી. તેની સફર પૂરી કરવામાં મહિનાઓ લાગે છે.
કેટલા સમયમાં પૂર્ણ થાય છે પ્રવાસ
આમ તો આ વાત તમારા વાહનની ગતિ કેટલી છે તેના પર નિર્ભર છે. પરંતુ એક અનુમાન મુજબ,જોવા જઈએ તો જો દરરોજ 500 કિમીની મુસાફરી કરવામાં આવે તો તેને પૂર્ણ કરવામાં 60 દિવસનો સમય લાગશે. કાલોરસ સાંતામારિયા નામના સાઇકલિસ્ટે 117 દિવસમાં આ રસ્તો પૂરો કર્યો હતો. તેનું નામ ગિનિસ બુક ઓફ વર્લ્ડ રેકોર્ડમાં પણ નોધાયું છે.
કેટલો લાંબો છે રૂટ
સૌથી રસપ્રદ વાત તો એ છે કે આ માર્ગ સૌથી લાંબો છે. અને આ હાઇવેનો માત્ર એક જ રસ્તો નથી પરંતુ તેના ઘણા માર્ગો છે. જો આના તમામ રસ્તાઓને ભેગા કરવામાં આવે તો તેની લંબાઈ 48,000 કિમી સુધીની થાય છે. એવું કહેવાય છે કે જો તમે ઉત્તર અને દક્ષિણ અમેરિકાની બે રાજધાની વચ્ચે મુસાફરી કરી રહ્યા છો, તો તમે પૈન અમેરિકન હાઇવે પર આવી જશો.
રોમાંચક રહેશે સફર
મુસાફરીનો શોખ ધરાવતા લોકોએ તો આ હાઈવેની મુલાકાત અવશ્ય લેવી જોઈએ.કેમ કે આ હાઈવે પર મુસાફરી કરવી ખૂબ જ રોમાંચક રહેશે. આ વચ્ચે બની શકે છે કે વાહન ચાલકોને અનેક પરિસ્થિતિમાંથી પસાર પણ થવું પડે. ખાસ વાત એ છે કે આ રસ્તા પર ડ્રાઇવિંગ કરનારા લોકો ખૂબ જ એક્સપર્ટ હોવા જોઈએ.
લોંગ ડ્રાઈવ પર ફરવા જાય છે લોકો
આ હાઈવે એટલો સુંદર છે કે દર વર્ષે હજારો લોકો આ હાઈવે પર લોંગ ડ્રાઈવ માટે નીકળે છે. આ માટે તેઓ મહિનાઓ સુધી તૈયારી કરે છે. એવા ઘણા લોકો છે જેઓ આ મુશ્કેલ માર્ગ પર બાઇક દ્વારા મુસાફરી કરવાનું પસંદ કરે છે. ખાસ એ છે કે ભલે તમે કાર અથવા બાઇક દ્વારા મુસાફરી કરો, તમારા વાહનમાં તમામ પ્રકારના સાધનો હોવા જરૂરી છે. જેથી તમે વાહનને પંચર અથવા નુકસાન થાય તો તેને ઠીક કરી શકો છો કારણ કે અહીં દૂર દૂર સુધી મિકેનિક પણ ઉપલબ્ધ નથી. તેથી જ તમારામાં રહેલી કુશળતા અહીં કામમાં આવી શકે છે.
આ પણ વાંચોઃ Rahul Gandhi-Khalistani/ રાહુલ ગાંધીના કાર્યક્રમમાં લહેરાયા ખાલિસ્તાની ઝંડા, ભાજપે કહ્યું- નફરતની આગ હજુ પણ પ્રબળ
આ પણ વાંચોઃ Wrestlers Protests/ જો મારા પર એક પણ આરોપ સાબિત થશે તો હું મારી જાતને ફાંસી આપીશઃ બ્રિજ ભૂષણ
આ પણ વાંચોઃ લવ જેહાદ/ મોડલનો દાવોઃ તનવીર ખાને યશ નામ બતાવીને ફસાવી
