Travel Tips : આપણે સૌ જાણીએ છીએ કે પૃથ્વી પર અનેક સુંદર સ્થળો આવેલા છે જ્યાં પ્રવાસીઓની ભીડ જામેલી હોય છે. પરંતુ શું તમને ખબર છે કે આ જ પૃથ્વી પર અમુક એવી જગ્યાઓ પણ છે જ્યાં સામાન્ય માણસના પ્રવેશ પર સરકારોએ સખત પ્રતિબંધ મૂકેલો છે?
આ જગ્યાઓ પર ‘નો-એન્ટ્રી’ હોવા પાછળના કારણો ચોંકાવનારા છે. ક્યાંક જીવલેણ સાપનું સામ્રાજ્ય છે, તો ક્યાંક સરકારના ગુપ્ત રહસ્યો છુપાયેલા છે, અને ક્યાંક વાતાવરણ જ એટલું ઝેરી છે કે શ્વાસ લેવો પણ મુશ્કેલ છે. ચાલો જાણીએ દુનિયાના આવા જ 5 રહસ્યમય અને પ્રતિબંધિત સ્થળો વિશે.
1.સાપ ટાપુ (Islands)- બ્રાઝિલ
બ્રાઝિલના સાઓ પાઉલો નજીક આવેલો આ ટાપુ (Islands) દેખાવમાં ખૂબ સુંદર છે, પણ હકીકતમાં તે મોતનો કુવો છે.
કેમ પ્રતિબંધ છે?: આ ટાપુ (Islands) પર દુનિયાના સૌથી ઝેરી સાપ ‘ગોલ્ડન લેન્સ હેડ વાઈપર’ નું રાજ છે. કહેવાય છે કે અહીં દર એક ચોરસ મીટરમાં તમને એક જીવલેણ સાપ જોવા મળે છે.
જોખમ: આ સાપનું ઝેર એટલું ખતરનાક હોય છે કે તે માનવ માંસને ઓગાળી શકે છે. લોકોની સુરક્ષા અને સાપોની દુર્લભ પ્રજાતિને બચાવવા માટે બ્રાઝિલ સરકારે અહીં કોઈપણ વ્યક્તિના પ્રવેશ પર રોક લગાવી છે. માત્ર અમુક વૈજ્ઞાનિકોને જ ખાસ પરવાનગી સાથે અહીં જવાની છૂટ મળે છે.
2.એરિયા 51 – અમેરિકા (Area 51)
નેવાડાના રણમાં આવેલી આ જગ્યા દુનિયાની સૌથી રહસ્યમય જગ્યાઓમાંથી એક છે.
કેમ પ્રતિબંધ છે?: આ અમેરિકાનું એક અત્યંત ગુપ્ત મિલિટરી બેઝ છે. અહીં શું કામ ચાલે છે તે કોઈને ખબર નથી. માનવામાં આવે છે કે અહીં નવા ફાઈટર જેટ્સ અને એલિયન્સ (પરગ્રહવાસી) પર રિસર્ચ થાય છે.
સુરક્ષા: અહીં ચારેબાજુ સેન્સર લાગેલા છે. જો કોઈ સામાન્ય વ્યક્તિ અહીં ઘૂસવાનો પ્રયાસ કરે તો તેને ગંભીર પરિણામો ભોગવવા પડી શકે છે. અહીં પરિંદું પણ પર મારી શકતું નથી.
3.સુરત્સી ટાપુ – આઈસલેન્ડ (Surtsey Island)
આ ટાપુ (Islands) કુદરતની એક જીવતી-જાગતી લેબોરેટરી છે.
ઈતિહાસ: 1963 થી 1967 ની વચ્ચે એટલાન્ટિક મહાસાગરમાં જ્વાળામુખી ફાટવાને કારણે આ ટાપુ (Islands) અચાનક દરિયામાંથી બહાર આવ્યો હતો.
કેમ પ્રતિબંધ છે?: વૈજ્ઞાનિકો એ જોવા માંગે છે કે કોઈ નિર્જન જગ્યાએ કુદરતી રીતે જીવન (Life) કેવી રીતે પાંગરે છે. જો માણસો ત્યાં જાય તો બહારના બેક્ટેરિયા કે બીજ ત્યાં પહોંચી જાય અને કુદરતી પ્રક્રિયામાં ખલેલ પહોંચે. તેથી જ યુનેસ્કોએ આને વર્લ્ડ હેરિટેજ જાહેર કરીને સામાન્ય લોકો માટે બંધ કરી દીધો છે.
4.લાસ્કો ગુફા – ફ્રાન્સ (Lascaux Caves)
આ ગુફા ઇતિહાસનો ખજાનો છે, જેમાં 17,000 વર્ષ જૂના ચિત્રો છે.
સમસ્યા શું થઈ?: શરૂઆતમાં આ ગુફા પ્રવાસીઓ માટે ખુલ્લી હતી. પણ હજારો લોકોના શ્વાસમાંથી નીકળતા કાર્બન ડાયોક્સાઇડ, પરસેવો અને ભેજને કારણે આ અમૂલ્ય ચિત્રો પર ફૂગ વળવા લાગી અને તે બગડવા લાગ્યા.
ઉકેલ: 1963 માં ફ્રાન્સ સરકારે આ વારસાને બચાવવા માટે ગુફાને કાયમ માટે બંધ કરી દીધી. હવે પ્રવાસીઓ માટે બાજુમાં જ ડુપ્લિકેટ ગુફા (Lascaux II) બનાવવામાં આવી છે, પણ અસલી ગુફામાં કોઈ જઈ શકતું નથી.
5.પોવેગ્લિયા ટાપુ – ઈટાલી (Poveglia Island)
આ ટાપુ (Islands) ને ઈટાલીનો સૌથી ડરામણો કે ‘ભૂતિયો ટાપુ’ (Islands)માનવામાં આવે છે.
ડરામણો ઈતિહાસ: ભૂતકાળમાં અહીં પ્લેગના દર્દીઓને લાવીને છોડી દેવામાં આવતા હતા, જ્યાં તેઓ તડપીને મરી જતા. પાછળથી અહીં એક મેન્ટલ હોસ્પિટલ પણ ચાલી હતી.
કેમ પ્રતિબંધ છે?: આજે અહીંની ઈમારતો એટલી જર્જરિત અને ખંડેર થઈ ગઈ છે કે તે ગમે ત્યારે પડી શકે છે. લોકોની સુરક્ષાને ધ્યાનમાં રાખીને સરકારે અહીં જવા પર પ્રતિબંધ મૂક્યો છે. સ્થાનિક લોકો પણ અહીં જવાથી ડરે છે.
નિષ્કર્ષ: આ સ્થળો સાબિત કરે છે કે કુદરત અને વિજ્ઞાનના અમુક રહસ્યો માણસથી દૂર રહેવામાં જ ભલાઈ છે. સુરક્ષા અને પર્યાવરણ માટે આ ‘નો-એન્ટ્રી’ બોર્ડનું સન્માન કરવું જરૂરી છે.
આ પણ વાંચો: ગોવા જઈને બીચ પર નથી બેસવું? તો આ 4 ‘છુપા સ્થળો’ની મુલાકાત લો, ભીડભાડથી દૂર મળશે ગજબની શાંતિ
