Budget Electric Cars India 2026: પેટ્રોલ અને ડીઝલના સતત વધતા ભાવે સામાન્ય માણસનું બજેટ ખોરવી નાખ્યું છે. ખાસ કરીને દરરોજ ઓફિસ જનારા લોકો માટે ઈંધણનો ખર્ચ એક મોટો માથાનો દુખાવો બની રહ્યો છે. આ જ કારણ છે કે હવે લોકો ઝડપથી ઈલેક્ટ્રિક વ્હીકલ્સ (EV-Electric Cars) તરફ વળી રહ્યા છે. ઓછી રનિંગ કોસ્ટ, સરળ ડ્રાઈવિંગ અને સરકારી સબસિડી જેવા કારણોસર ઈલેક્ટ્રિક કારો હવે પહેલા કરતા વધુ આકર્ષક બની છે. જો તમે પણ શહેરની અંદર કે ઓફિસ જવા માટે સસ્તી અને સારી રેન્જ ધરાવતી ઈલેક્ટ્રિક કાર શોધતા હોવ, તો આ 4 મોડલ્સ તમારા માટે શ્રેષ્ઠ સાબિત થઈ શકે છે.
ટાટા ટિયાગો EV અને MG કોમેટ EV
ટાટા ટિયાગો EV દેશની સૌથી વધુ વેચાતી અને કિફાયતી ઈલેક્ટ્રિક કારોમાંની એક છે. તેમાં 19.2 kWh અને 24 kWh ના બે બેટરી પેક મળે છે, જે ફૂલ ચાર્જ પર 250 થી 315 કિમીની રેન્જ આપે છે. તેની શરૂઆતી કિંમત ₹7.99 લાખ (એક્સ-શોરૂમ) છે. બીજી તરફ, MG કોમેટ EV ખાસ કરીને શહેરની સાંકડી ગલીઓ અને પાર્કિંગની સમસ્યાને ધ્યાનમાં રાખીને બનાવવામાં આવી છે. 17.3 kWh ની બેટરી ધરાવતી આ કાર 230 કિમીની રેન્જ આપે છે. BaaS મોડલ હેઠળ તેને માત્ર ₹4.99 લાખ + ₹3.2 પ્રતિ કિમીના ખર્ચે પણ ખરીદી શકાય છે.
સિટ્રોએન eC3: પ્રીમિયમ અનુભવ અને વધુ સ્પેસ
જો તમે ઈલેક્ટ્રિક કારમાં (Electric Cars) થોડી વધુ જગ્યા અને પ્રીમિયમ ફીલ શોધી રહ્યા હોવ, તો સિટ્રોએન eC3 એક ઉત્તમ પસંદગી છે. તેમાં 29.2 kWh ની બેટરી આપવામાં આવી છે, જે અંદાજે 246 કિમીની રેન્જ ઓફર કરે છે. આ કારનું કેબિન ઘણું આરામદાયક છે, જે તેને લાંબા સમય સુધી ડ્રાઈવ કરવા માટે યોગ્ય બનાવે છે. ઓફિસ ટ્રાવેલ માટે આ એક શ્રેષ્ઠ વિકલ્પ છે અને તેની શરૂઆતી કિંમત ₹11.99 લાખ છે.
ટાટા પંચ EV: SUV લુક અને પાવરફુલ રેન્જ
જેમને ઈલેક્ટ્રિક કારમાં (Electric Cars) મજબૂત SUV લુક અને વધુ ગ્રાઉન્ડ ક્લીયરન્સ જોઈએ છે, તેમના માટે ટાટા પંચ EV શ્રેષ્ઠ છે. આ સેગમેન્ટમાં તે સૌથી દમદાર માનવામાં આવે છે, કારણ કે તેમાં 30 kWh અને 40 kWh ના બેટરી પેક વિકલ્પો મળે છે જે 375 કિમીથી લઈને 468 કિમી સુધીની શાનદાર રેન્જ આપે છે. તેની શરૂઆતી કિંમત ₹9.69 લાખ છે, જ્યારે BaaS મોડલ હેઠળ તેને ₹6.49 લાખ + ₹2.6 પ્રતિ કિમીના ખર્ચે વસાવી શકાય છે.
