કહેવાય છે કે માતાના પ્રેમ આગળ જગતના તમામ પ્રેમ ફીકા પડી જાય છે. માતાઓ પોતાના સંતાન માટે પોતાનો જીવ પણ દાવ પર લગાવી દેતા જરા પણ પાછી પાણી નથી કરતી તેવા અનેક દાખલા આપડે સમાજ જીવનમાં જોતા આવ્યા છીએ. જોકે આવીજ એક પરંપરા આજે પણ સજીવન છે કે જ્યાં માતા પોતાના બાળકોના સારા સ્વાસ્થ માટે દોડ મુકે છે. ઉઘાડા પગે દોડ મુકતી જનેતાઓને નિહાળવો પણ એક લહાવો છે.
- પાટણ જિલ્લાના ચણાસ્મા ગામે અનોખી પરંપરા
- સાતસો વર્ષથી હોળીના દિવસે ઝેમનો પ્રસંગ ઉજવવામાં આવે છે
- મહિલા દ્વારા બાળકોના સારા સ્વાસ્થ માટે મહિલાએ ઝેમનો પ્રસંગ ઉજવે છે
- મહિલાઓ દ્વારા ગોગા મહારાજના મંદિરથી વેરાઈ માતાના મંદિર સુધી દોડ લગાવે છે
પાટણ જિલ્લાના ચાણસ્મા તાલુકાના બ્રાહ્મણવાડા ગામે છેલ્લા સાતસો વર્ષથી હોળીના દિવસે એક વિશેષ પરંપરા ઉજવવામાં આવે છે. જેમાં ગામમાં ચૌધરી સમાજમાં જેને પણ પહેલુ સંતાન થાય તેનો ઝેમનો પ્રસંગ ઉજવવામાં આવે છે. અને આ પ્રસંગ સમગ્રમાં ગામની મહિલાઓ જોડાય છે જેમાં જેના ઘરે પ્રથમ પુત્રનો જન્મ થયો હોય તેની માતા હોળીની ઝેમ નિમિત્તે આ દિવસે આખો દિવસ ઉપવાસ રાખે છે બાદમાં પોતાના દીકરાને નવા કપડામાં તૈયાર કરવામાં આવે છે બાદમાં સમુહમાં ગામ વચ્ચે બધા બાળકો તેના પરિવાર સાથે ગામના ચોકમાં ભેગા થાય છે ત્યાર બાદ ગોગા બાપજીના મંદિરે જાય છે જ્યાં સુખડીનો પ્રસાદ અને પૂજા થાય છે.
સમગ્ર સમાજની બહેનો આ ઉત્સવમાં જોડાય છે ઘીની સુખડીનો પ્રસાદ કરવામાં આવે છે આ પ્રસાદ તમામ ઘરે આપવામાં આવે છે જે મહિલાને ઝેમ હોય છે તે મહિલાને ગોગાબાપજી ના મંદિરે દર્શન કરવાના હોય છે. ત્યાર બાદ તમામ ઉપવાસ ધારી મહિલાઓ મંદિરેથી ઉઘાડા પગે તેમના હાથમાં શ્રીફળ રાખે છે. જ્યાં તેમની પાંસલી ભરાવવામાં આવે છે. પુજારીઓ દ્વારા દોડમાં ભાગ લેનાર માતાઓના હાથ કપડાથી બાંધવામાં આવે છે તેમના બાળકના માથાના વાળની એક લટ માતા તેમની સાથે રાખે છે તેમજ ઉઘાડા પગે મહિલાઓ તેના વાળ પણ દોડતી વેળા છુટા રાખે છે. બાદમાં પુજારી દોડ માટેની આદેશ કરતાજ મહિલાઓ ધોમ ધમતા તડકામાં ઉઘાડા પગે માર્ગપર દોટ મુકે છે આ દોડ પાછળની એક લોક વાયકા મુજબ આમ કરવાથી પોતાના બાળકની સલામતી તેમજ સારૂ સ્વાસ્થ સારૂ રહે છે તેના માટે મહિલાઓ આ પરંપરાને પેઢી દર પેઢી આજે પણ જાળવી રાખી છે.
એટલેજ કહેવાય છે ને કે દુનિયા ભલે ટેકનોલોજી પર ચાલતી હોય પરંતુ આજે પણ આસ્થા સાથે ચાલનારા લોકોની કમી નથી આમતો વિજ્ઞાનના આ આધુનિક યુગમાં બાળકો માતાજીના આશીર્વાદથી તંદુરસ્ત રહે તે વાત ગળે ઉતારવી જરા મુશ્કેલ છે પરંતુ શ્રદ્ધા આગળ સાણપણ વામણા પુરવાર થાય છે તે ચોક્કસ છે.
