મહારાષ્ટ્રના થાણેના બાલકુમ વિસ્તારમાં મોટી દુર્ઘટના ઘટી છે. લિફટ જોરદાર રીતે નીચે પટકાતા ગમખ્વાર અકસ્માત સર્જાયો છે. રૂનવાલ નામની બહુમાળી ઈમારતની લિફ્ટ જોરદાર અવાજ સાથે નીચે પડી ગઈ. આ દુર્ઘટના ત્યારે થઈ જ્યારે કામદારો કામ કરીને 40 માળની ઈમારતમાંથી નીચે આવી રહ્યા હતા. આ અકસ્માતમાં 7 લોકોના કરૂણ મોત થયા હતા. અકસ્માતમાં મૃત્યુઆંક વધી શકે છે.
થાણેની આ બહુમાળી ઈમારતની છત પર વોટર પ્રૂફિંગનું કામ ચાલી રહ્યું હતું. માહિતી મળ્યા બાદ સ્થાનિક પ્રશાસનની ટીમ ઘટનાસ્થળે પહોંચી અને રાહત અને બચાવ કાર્ય શરૂ કર્યું. આ અકસ્માતમાં મૃત્યુ પામેલા તમામ મજૂરો હતા જેઓ બિલ્ડિંગમાં કામ કરીને નીચે જઈ રહ્યા હતા.