માવઠાની અસર: રાજ્યમાં હજુ બે દિવસ ઠંડીમાં થશે વધારો

હવામાન વિભાગ/ માવઠાની અસર: રાજ્યમાં હજુ બે દિવસ ઠંડીમાં થશે વધારો

રાજ્યમાં આગામી બે દિવસ સુધી હજુ પણ કતલ ઠંડી પડી શકે છે. આગામી 48 કલાક પવનની ગતિ પણ તેજ રહેશે. મહત્તમ તાપમાન નીચું હોવાના કારણે ઠંડીનો અહેસાસ થઈ રહ્યો છે.

રાજ્યમાં હજુ બે દિવસ ઠંડીમાં થશે વધારો
ઠંડીને લઈને હવામાન વિભાગની આગાહી
રાજ્યમાં પડેલા માવઠાની અસર વર્તાશે
ઠંડી સાથે ભારે પવન ફૂંકાવવાની શક્યતા
રાજ્યમાં હજુ બે દિવસ ઠંડીમાં થશે વધારો

રાજ્યમાં માવઠા બાદ ઠંડીની અસર વર્તાઇ રહી છે. રાજ્યમાં હાલમાં કાતિલ ઠંડી પડી રહી છે. હવામાન વિભાગ દ્વારા આગાહી કરવામાં આવી છે કે, રાજ્યમાં આગામી બે દિવસ સુધી હજુ પણ કતલ ઠંડી પડી શકે છે. આગામી 48 કલાક પવનની ગતિ પણ તેજ રહેશે. મહત્તમ તાપમાન નીચું હોવાના કારણે ઠંડીનો અહેસાસ થઈ રહ્યો છે. તેની સાથે બે દિવસ બાદ ઠંડીનું જોર ઘટી શકે છે.

ઉત્તર ભારતમાં હિમવર્ષા ને કારણે પણ રાજ્યમાં ઠંડીનું જોર વધ્યું છે. ઠંડા પવનો સાથે રાજ્યમાં કાતિલ ઠંડીનો ચમકારો જોવા મળી રહ્યો છે. અમદાવાદમાં લઘુતમ તાપમાન 12.4 ડિગ્રી સાથે ઠંડી વધી ગઈ છે. ગાંધીનગર લઘુતામ તાપમાન 10 ડિગ્રી સાથે ઠંડુગાર થયું છે. વડોદરામાં લઘુતમ તાપમાન 13.6 ડિગ્રી નોંધાયું છે. રાજકોટ લઘુતમ તાપમાન 14.7 ડિગ્રી સાથે ઠંડુંગાર રહ્યું છે. નલિયા 9 ડિગ્રી સાથે ઠંડુંગાર રહ્યું છે.

ઉલ્લેખનીય છે કે, તેની રાજ્યમાં થોડા દિવસ પહેલા કમોસમી વરસાદ વરસ્યો હતો. જેના લીધે પણ ઠંડીનું જોર વધ્યું છે. જ્યારે આ અગાઉ ચોમાસું પત્યા પછી ચાલુ વર્ષમાં ઓક્ટોબર મહિનામાં નવરાત્રી વખતે અને તે પછી નવેમ્બર મહિનામાં કમોસમી વરસાદ નોંધાયો હતો. આ કમોસમી વરસાદને કારણે રાજ્યના ખેડૂતને ભારે હાલાકી ભોગવવાનો વારો આવી રહ્યો છે. પાકને મોટી માત્રામાં નુકસાન થયાની ફરિયાદો અનેક ભાગોમાંથી સામે આવી રહી છે.