US News: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ભારત-અમેરિકા વેપાર સંબંધોને લઈને ફરી એકવાર કડક નિવેદન આપ્યું છે. અમેરિકાની સુપ્રીમ કોર્ટે તેના દ્વારા લાગુ કરાયેલા કેટલાક આકસ્મિક ટેરિફ (Tariff Statement)ને ગેરકાયદેસર ગણાવ્યા બાદ ટ્રમ્પે સ્પષ્ટ કર્યું કે ભારત સાથેના વેપાર કરારમાં કોઈ ફેરફાર થવાનો નથી.

કોર્ટ (Tariff Statement)ના નિર્ણય બાદ ટ્રમ્પનું નિવેદન

અમેરિકાની સુપ્રીમ કોર્ટ દ્વારા ટેરિફ અંગે (Tariff Statement)નો નિર્ણય આવ્યા પછી ટ્રમ્પે પ્રેસ કોન્ફરન્સ યોજી હતી. તેમાં તેણે જણાવ્યું કે ભારત સાથેનો વેપાર કરાર યથાવત રહેશે અને ભારતે ટેરિફ ચૂકવવાનું ચાલુ રાખવું પડશે.

તેમણે કહ્યું, “ભારત સાથેનો કરાર એવો છે કે તેઓ ટેરિફ ચૂકવશે. હવે પરિસ્થિતિ પહેલાં જેવી નથી રહી. હાલમાં અમને વધુ વાજબી અને સંતુલિત સોદો મળ્યો છે.”

“પીએમ મોદી મહાન છે, પરંતુ…”

ટ્રમ્પે ભારતના વડાપ્રધાન નરેન્દ્ર મોદી વિશે પણ ટિપ્પણી કરી. તેમણે કહ્યું કે મોદી એક મજબૂત અને પ્રભાવશાળી નેતા છે, પરંતુ અગાઉના સમયમાં ભારતે અમેરિકાની સામે કડક વેપાર નીતિઓ અપનાવી હતી.

ટ્રમ્પના શબ્દોમાં, “મારા ભારત સાથે સારા સંબંધો છે, પરંતુ અગાઉ ભારતે અમેરિકાને વેપારમાં નુકસાન પહોંચાડ્યું હતું. હવે પરિસ્થિતિ બદલાઈ ગઈ છે અને અમે વધુ ન્યાયસંગત વ્યવસ્થા બનાવી છે.”

ભારત-રશિયા સંબંધો પર ઉલ્લેખ

પ્રેસ કોન્ફરન્સ દરમિયાન ટ્રમ્પે એવો પણ દાવો કર્યો કે ભારતે રશિયા પાસેથી તેલ ખરીદવાની બાબતમાં તેમની વિનંતીને ધ્યાનમાં લીધી હતી. તેમના કહેવા મુજબ, અમેરિકા વૈશ્વિક સંઘર્ષને સમાપ્ત કરવા પ્રયત્નશીલ છે અને આ દિશામાં કેટલાક દેશોએ સહકાર આપ્યો છે.

તેમણે યુદ્ધની ગંભીરતા દર્શાવતા કહ્યું કે દર મહિને હજારો લોકો જાન ગુમાવી રહ્યા છે અને આ પરિસ્થિતિને રોકવી જરૂરી છે.

ભારત-પાકિસ્તાન મુદ્દે ફરી દાવો

ટ્રમ્પે ફરી એકવાર દાવો કર્યો કે તેમણે ટેરિફ (Tariff Statement)ની ચેતવણી આપી ભારત અને પાકિસ્તાન વચ્ચે વધતા તણાવને શમાવ્યો હતો. તેમના જણાવ્યા અનુસાર, બંને દેશો વચ્ચેની પરિસ્થિતિ ખૂબ ગંભીર બની ગઈ હતી અને સંઘર્ષ વધે તો પરમાણુ યુદ્ધ સુધી પહોંચી શકે તેમ હતું.

તેમણે કહ્યું, “મેં ભારત અને પાકિસ્તાનને સ્પષ્ટ કહ્યું હતું કે જો યુદ્ધ યથવાત રહેશે તો અમેરિકાની સાથેનો વેપાર બંધ થશે અને ભારે ટેરિફ લાગુ કરવામાં આવશે.”

ટ્રમ્પના મતે, આ આર્થિક દબાણના કારણે બંને દેશોએ સંયમ દાખવ્યો હતો.

વેપાર સોદા પર કોઈ ફેરફાર નહીં

ટ્રમ્પે સ્પષ્ટ શબ્દોમાં જણાવ્યું કે ભારત-અમેરિકા વેપાર કરારમાં હાલ કોઈ ફેરફાર થવાનો નથી. તેમનું માનવું છે કે અમેરિકા હવે વધુ મજબૂત સ્થિતિમાં છે અને નવા કરાર હેઠળ અમેરિકાને લાભ થશે.

તેમણે ઉમેર્યું કે, “વેપાર સંબંધો હવે વધુ સંતુલિત છે. ભારત ટેરિફ ચૂકવશે અને અમેરિકા માટે પરિસ્થિતિ અગાઉ કરતાં વધુ અનુકૂળ રહેશે.”

આ પણ વાંચો:અમેરિકન સુપ્રીમ કોર્ટે ટ્રમ્પના ગ્લોબલ ટેરિફ કર્યા રદ, ભારત પર લાદેલો 18% ટેક્સ પણ ગેરકાયદેસર

આ પણ વાંચો:કોર્ટના નિર્ણયથી નારાજ ટ્રમ્પે તમામ દેશો પર 10% વૈશ્વિક ટેરિફ લાદવાની જાહેરાત

આ પણ વાંચો:ટ્રમ્પ માટે નવી મુસીબત! શું ટ્રમ્પ ટેરિફના અબજો ડોલર પાછા આપશે? કેલિફોર્નિયાના ગવર્નરની આક્રમક માંગ