US Israel Iran Conflict 2026: અમેરિકાના પ્રમુખ ડોનાલ્ડ ટ્રમ્પ (Trump) અને ઈઝરાયલના વડાપ્રધાન બેન્જામિન નેતાન્યાહૂ વચ્ચેના સંબંધોમાં ભારે તણાવ જોવા મળી રહ્યો છે. ઈઝરાયલ અને ઇરાન વચ્ચે છેલ્લા 24 કલાકમાં વધતા જતા સૈન્ય સંઘર્ષ વચ્ચે, ડોનાલ્ડ ટ્રમ્પે નેતાન્યાહૂને સ્પષ્ટ શબ્દોમાં ચેતવણી આપી છે કે જો ઈઝરાયલે ઇરાન પર ફરીથી મોટા પાયે હુમલા શરૂ કર્યા, તો વૈશ્વિક સ્તરે તે એકલું પડી શકે છે અને અમેરિકા પણ તેનો સાથ આપશે નહીં.
નેતાન્યાહૂને Trumpની ચેતવણી: ‘બીબી હવે ચેતી જજો’
ડોનાલ્ડ ટ્રમ્પ(Trump) ઇરાન સાથે રાજદ્વારી સમજૂતી (Diplomatic Agreement) કરવા માટે મહિનાઓથી પ્રયાસ કરી રહ્યા છે. તેમને ડર છે કે જો આ યુદ્ધ વધશે તો અમેરિકાએ પણ આ પ્રાદેશિક સંઘર્ષમાં સીધા કૂદવું પડશે. ટ્રમ્પે મીડિયાને જણાવ્યું હતું કે, મેં વડાપ્રધાન નેતાન્યાહૂને કહી દીધું છે કે, “બીબી હવે ચેતી જજો, નહીંતર ટૂંક સમયમાં તમે દુનિયામાં એકલા પડી જશો.”
ઈરાન અને ઈઝરાયલ ફરી યુદ્ધના દરવાજે
આ નવો તણાવ ત્યારે શરૂ થયો જ્યારે ઈઝરાયલે રવિવારે બેરૂતમાં હિઝબુલ્લાહના ઠેકાણાઓ પર હુમલા કર્યા, જેના જવાબમાં ઇરાને ઈઝરાયલ પર સીધો મિસાઇલ મારો કરી દીધો. ટ્રમ્પે નેતાન્યાહૂને વધુ જવાબી કાર્યવાહી ન કરવા વિનંતી કરી હતી અને દાવો કર્યો હતો કે આગામી થોડા દિવસોમાં જ ઇરાન સાથેની વાટાઘાટોમાં મોટી સફળતા મળી શકે તેમ છે.
અમેરિકી અધિકારીઓના જણાવ્યા અનુસાર, ટ્રમ્પ (Trump) અત્યારે મુશ્કેલ સંતુલન જાળવી રહ્યા છે. તેઓ ઇરાનના હુમલા સામે ઈઝરાયલના સ્વરક્ષણના અધિકારને સ્વીકારે છે, પરંતુ સાથે જ સામસામે થતા હુમલાઓ સંપૂર્ણ પ્રાદેશિક યુદ્ધ (Regional War) માં ન બદલાય તે માટે ચિંતિત છે.
ટ્રમ્પની વિનંતી ઠુકરાવી ઈઝરાયલે ઈરાન પર કર્યો હતો હુમલો
ટ્રમ્પના વિરોધ છતાં, નેતાન્યાહૂએ વ્હાઇટ હાઉસને (Trump) સ્પષ્ટ કરી દીધું હતું કે ઈઝરાયલ મર્યાદિત હુમલાઓ ચાલુ રાખશે. ત્યારબાદ ઈઝરાયલે ઇરાનની સૈન્ય સુવિધાઓને નિશાન બનાવી, જેના કારણે તેહરાને ફરીથી ઈઝરાયલ તરફ મિસાઇલો છોડી. જો કે આ હુમલામાં અમેરિકી સેનાએ સીધો ભાગ લીધો ન હતો, પરંતુ અમેરિકાએ ઇરાનની મિસાઇલોને હવામાં જ તોડી પાડવામાં ઈઝરાયલને મોટી સૈન્ય મદદ કરી હતી.
ઈરાન અને ઈઝરાયલ હુમલા રોકવા સંમત
વધતા તણાવ વચ્ચે ટ્રમ્પે(Trump) ફરી નેતાન્યાહૂ સાથે ફોન પર વાત કરી અને ઇરાન પર મોટા પાયે હુમલો કરવાની યોજના અટકાવવા દબાણ કર્યું હતું. ઈઝરાયલી અધિકારીઓએ જણાવ્યું કે, નેતાન્યાહૂ આખરે એ શરતે પાછા હટવા સંમત થયા કે જો ઇરાન હવે પછી કોઈ નવો હુમલો નહીં કરે તો ઈઝરાયલ પણ શાંત રહેશે. ઇરાને પણ મધ્યસ્થીઓ દ્વારા સંકેત આપ્યો છે કે જો ઈઝરાયલ હુમલા રોકશે તો તેઓ પણ જવાબી હુમલા બંધ કરવા તૈયાર છે.
નેતાન્યાહૂનો રાષ્ટ્રજોગ સંદેશ: ‘અમે ઇરાનને ક્યારેય પરમાણુ બોમ્બ બનાવવા દઇશું નહીં’
બીજી તરફ, ઈઝરાયલના વડાપ્રધાન બેન્જામિન નેતાન્યાહૂએ સોમવારે ટેલિવિઝન પર રાષ્ટ્રને સંબોધન કરતી વખતે પોતાની સૈન્ય કાર્યવાહીનો જોરદાર બચાવ કર્યો હતો. તેમણે દાવો કર્યો હતો કે ઈઝરાયલે ઇરાનના પરમાણુ જોખમને સફળતાપૂર્વક નિષ્ફળ બનાવ્યું છે.
સંબોધનના મુખ્ય મુદ્દાઓ:
ઈઝરાયલ ક્યારેય ઇરાનને પરમાણુ હથિયારો બનાવવા નહીં દે.
ઉત્તરી ઈઝરાયલ પર હિઝબુલ્લાહ મોટા પાયે મિસાઇલ હુમલાની તૈયારી કરી રહ્યું હતું, જેને અમે નિષ્ફળ બનાવ્યું છે.
અમે હિઝબુલ્લાહના વડા હસન નસરાલ્લાહને ખતમ કર્યો છે અને દક્ષિણ લેબનોનમાં તેમની અંડરગ્રાઉન્ડ સૈન્ય સિસ્ટમને તોડી પાડી છે.
હાલ પૂરતું ઈઝરાયલે ફાયરિંગ રોક્યું છે કારણ કે ઇરાનના હુમલા બંધ થયા છે, પરંતુ જો તેહરાન ફરીથી આક્રમકતા બતાવશે તો તેનો જવાબ “અતિશય પ્રચંડ બળ” સાથે આપવામાં આવશે.
