Khan Sir Patna Case Relief 2026: પટનાના ચર્ચિત કોચિંગ વિવાદ અને ફાયરિંગ કેસમાં મુખ્ય આરોપી બનાવવામાં આવેલા ખાન સરને (ફેઝલ ખાન) અદાલત તરફથી મોટી રાહત મળી છે. મંગળવાર, 9 June 2026 ના રોજ પટનાની જિલ્લા અને સત્ર ન્યાયાધીશ (District and Sessions Judge) ની અદાલતમાં ખાન સરની આગોતરા જામીન અરજી પર સુનાવણી હાથ ધરવામાં આવી હતી. સુનાવણી દરમિયાન કોર્ટે ખાન સરને વચગાળાનું સંરક્ષણ (Interim Protection) આપતાં તેમની સામે કોઈપણ પ્રકારની કડક કે દંડાત્મક કાર્યવાહી કરવા પર હાલ પૂરતી રોક લગાવી દીધી છે. આ આદેશ બાદ હવે પોલીસ આગામી સુનાવણી સુધી ખાન સરની ધરપકડ કરી શકશે નહીં.
બંને પક્ષોની દલીલો સાંભળ્યા બાદ કોર્ટે આપ્યો ચુકાદો
અદાલતમાં સુનાવણી દરમિયાન બચાવ પક્ષના વકીલે દલીલ કરી હતી કે, આ સમગ્ર ફાયરિંગ કેસમાં ફેઝલ ખાન (Khan Sir) નું પ્રત્યક્ષ રીતે કોઈ ગુનાહિત કૃત્ય નથી અને તેમને ખોટી રીતે આ કેસમાં આરોપી બનાવવામાં આવ્યા છે. બીજી તરફ, સરકારી વકીલ અને પોલીસે તપાસ સાથે જોડાયેલી વિગતો તેમજ એફઆઈઆર (FIR) ની નકલ કોર્ટ સમક્ષ રજૂ કરી હતી.
જિલ્લા જજે બંને પક્ષોની કાનૂની દલીલો સાંભળ્યા બાદ ખાન સરને વચગાળાની રાહત આપી હતી. કોર્ટે સ્પષ્ટ કર્યું છે કે કેસની આગામી સુનાવણી સુધી ખાન સર વિરૂદ્ધ કોઈ કડક પગલાં ભરી શકાશે નહીં. આગામી સુનાવણીમાં પોલીસની સત્તાવાર કેસ ડાયરી અને અન્ય પુરાવાઓ પર વિગતવાર વિચાર કરવામાં આવશે.
પટનાથી ફરાર હતા , પોલીસ સતત કરતી હતી દરોડા
નોંધનીય છે કે, કદમકુઆં પોલીસ સ્ટેશનમાં નોંધાયેલી એફઆઈઆર અને ધરપકડની તલવાર વચ્ચે ખાન સર(Khan Sir) પટનાથી ફરાર થઈ ગયા હતા. પોલીસની ટીમ તેમના સંભવિત ઠેકાણાઓ પર સતત દરોડા પાડી રહી હતી. પટનાના એસએસપી (SSP) કાર્તિક શર્માએ પોતે માહિતી આપી હતી કે ખાન સરને પકડવા માટે પટનાની આસપાસના અનેક જિલ્લાઓમાં પોલીસની ટીમો સતત દરોડા પાડી રહી હતી. પરંતુ કોર્ટના આ સ્ટે ઓર્ડર બાદ હવે પોલીસ એક્શન પર બ્રેક લાગી ગઈ છે.
કેસની ટાઈમલાઈન:
6 June 2026: ખાન સરના (Khan Sir) વકીલ દ્વારા પટના કોર્ટમાં આગોતરા જામીન માટેની અરજી (Anticipatory Bail Petition) દાખલ કરાઈ.
8 June 2026: કોર્ટના રેકોર્ડ પર જામીન અરજી સત્તાવાર રીતે રજીસ્ટર્ડ થઈ.
9 June 2026: કોર્ટે તાત્કાલિક સુનાવણી હાથ ધરીને ખાન સરની ધરપકડ પર વચગાળાની રોક લગાવી.
આ વિવાદ કદમકુઆં પોલીસ સ્ટેશન વિસ્તારમાં એક કોચિંગ સંસ્થા બહાર થયેલી તોડફોડ અને ગાર્ડ્સ દ્વારા કરાયેલા ફાયરિંગના વાયરલ વીડિયો બાદ શરૂ થયો હતો. આ કેસમાં ખાન સરના(Khan Sir) બે સિક્યોરિટી ગાર્ડ્સ હાલમાં ન્યાયિક કસ્ટડીમાં જેલમાં બંધ છે.
