સમલૈગિક યુવક સાથે મિત્રતા કેળવી અઢી લાખ પડાવી લેવાની કોશિષ

Gujarat News : સુરતના વરાછામાં એક સમલૈંગિક યુવકને ચેટ એપના નાધ્યમથી મિત્રતા કેળવીને તેને સંબંધ બાંધવા મજબુર કરીને અઢી લાખની છેતરપિંડી કરનારા ચાર શખ્સોની પોલીસે ધરપકડ કરી છે.

આ બનાવની વિગત મુજબ વરાછા વિસ્તારમાં રહેતા સમલૈંગિક યુવક સાથે કેટલાક શખ્સોએ ચેટ એપના માધ્યમથી મિત્રતા કેળવી હતી. 4 એપ્રિલના રોજ બ્લુડ એન્ડ ડેટીંગ એપથી સમલૈંગિક યુવકને આ અજાણ્યા શખ્સો સાથે દોસ્તી થઈ હતી. આ અજાણ્યા શખ્સોએ પોતે સુરતના અમરોલીના રહેવાસી હોવાનું તથા કોલેજમાં ભણતા હોવાનું જણાવ્યું હતું. એટલું જ નહી પોતે સમલૈંગિક હોવાની વાત પણ કરી હતી.

આ શખ્સોએ યુવકને અમરોલી ખાતે સંબંધ બાંધવા માટે બોલાવીને તેનો વિડીયો ઉતારી લીધો હતો. બાદમાં આ વિડીયોને આધારે ધમકી આપીને યુવકને બ્લેકમેઈલ કરવાનું શરૂ કર્યું હતું.

તેમણે યુવકને બ્લેકમેઈલ કરીને અઢી લાખ રૂપિયા પડવવાની કોશિષ પણ કરી હતી. વરાછા વિસ્તારમાં રહેતો અને ભોગ બનેલો 36 વર્ષીય આ યુવક આંગડીયા પેઢીમાં કામ કરે છે. તેના પરિવારમાં પત્ની અને બે માસના સંતાનનો સમાવેસ થાય છે.

આ અંગે અમરોલી પોલીસ સ્ટેશનમાં ફરિયાદ નોંધાવવામાં આવી હતી. જેને પગલે અમરોલી પોલીસે સુરેશ સખીયા, મનોજ ચૌહાણ, અંકિત ત્યાગી અને કિશોરની ધરપકડ કરી હતી. આ અંગે પોલીસ વધુ તપાસ કરી રહી છે. આરોપીઓ આ પ્રકારે અનેક લોકોને પોતાની જાળમાં ફસાવીને છેતરપિંડી કરી હોવાની શક્યતાને આધારે પોલીસ વધુ તપાસ કરી રહી છે.