સોશિયલ નેટવર્કિંગ સાઈટ ટ્વિટરએ અમિત શાહના ઓફિશિયલ ટ્વિટર એકાઉન્ટ સાથે એવું કંઇક કર્યું કે જેને જોઈને દરેક આશ્ચર્યચકિત થઇ ગયા છે. કેન્દ્રીય ગૃહ પ્રધાન અમિત શાહના ટ્વિટર એકાઉન્ટના ડીપી ચિત્ર (પ્રોફાઇલ ફોટો) ગુરુવારે રાત્રે થોડા સમય માટે ગુમ થયો હતો. અહેવાલ છે કે, કોઈએ અમિત શાહના ડીપીના ફોટો પર કોપિરાઇટનો દાવો કર્યો હતો, ત્યારબાદ ટ્વિટર દ્વારા આ કાર્યવાહી કરવામાં આવી હતી અને અમિત શાહના ડીપીનો ફોટો કાઢી નાખ્યો હતો. આ ઘટના થોડા જ સમયમાં સોશિયલ મીડિયામાં એકદમ વાયરલ થઈ ગઈ.
જ્યારે અમિત શાહનાં ચકાસેલા ટ્વિટર એકાઉન્ટના ડીપી પર ક્લિક કર્યું ત્યારે તે ચિત્ર દેખાઈ શક્યું ન હતું. ડિપેઇલ પિક્ચર (પ્રોફાઇલ ફોટો) ની જગ્યાએ એક ખાલી પેજ આવી રહ્યું હતું અને તેના પર મેસેજ પણ લખાયો હતો, જેમાં કોપિરાઇટ કેસના ભાગ રૂપે ડીપી ફોટો કાઢી નાખવાની માંગણી કરતો હતો.
Twitter restores profile photo of Union Home Minister Amit Shah's account, earlier it had removed the photo over claims in “response to a report from a copyright holder”. pic.twitter.com/uhW3kNtpgn
— ANI (@ANI) November 12, 2020
તેના પર સંદેશ લખ્યો હતો – ‘ફોટો કોપિરાઇટ રિપોર્ટને કારણે દૂર કરવામાં આવ્યો છે’. જો કે, પાછળથી ડિસ્પ્લે પિક્ચર ફરીથી દેખાવાનું શરૂ થયું. પરંતુ ટ્વિટર દ્વારા આ અંગેની વધુ વિગતો આપવામાં આવી નથી.
જણાવી દઈએ કે તાજેતરમાં જ ટ્વિટર દ્વારા ભારતના ક્રિકેટ બોર્ડ અથવા બીસીસીઆઈના ઓફિશિયલ ટ્વિટર હેન્ડલના ડીપી પણ હટાવાયા હતા અને કંપનીએ કોપિરાઇટના ઉલ્લંઘનને પણ ટાંક્યું હતું. મહત્વનું છે કે, અમિત શાહના ટ્વિટર પર 23 કરોડથી વધુ ફોલોઅર્સ છે.
