પાકિસ્તાનના પેોશાવર પાસે એરક્રાફટ ક્રેશ થઇ જતાં બે પાયલોટના મોત થયા હોવાના સમાચાર સામે આવી રહ્યા છે, આ મામલે PAFના પ્રવક્તા દ્વારા જારી કરાયેલા નિવેદન અનુસાર, મંગળવારે નિયમિત તાલીમ મિશન દરમિયાન પેશાવર નજીક એક ટ્રેનર એરક્રાફ્ટ ક્રેશ થતાં પાકિસ્તાન એરફોર્સ (PAF)ના બે પાઇલટના મોત થયા છે
પ્રવક્તાએ જણાવ્યું હતું કે બંને પાયલટો ગંભીર રીતે ઘાયલ થયા હતા જેના લીધે તેમનું મોત નિપજ્યું છે ,આ ઘટના ની તપાસ માટે એર હેડકવાર્ચ દ્વારા તપાસ બોર્ડની રચના કરવામાં આવી છે.
ઉલ્લેખનીય છે કે ડિસેમ્બરમાં, ગિલગિટ-બાલ્ટિસ્તાન (GB) ના ઘાંચે જિલ્લાના સિયાચીનમાં પાકિસ્તાની આર્મી એવિએશન હેલિકોપ્ટર ક્રેશ થતાં બે પાઇલોટના મોત થયા હતા. ISPRએ દુર્ઘટનાનું કારણ સ્પષ્ટ કર્યું નથી.ઓગસ્ટમાં પણ આવા જ બે એરક્રાફ્ટ ક્રેશ થયાની જાણ થઈ હતી. જો કે, બંને ઘટનાઓમાં કોઈ જાનહાનિ થઈ નથી.
પહેલી ઘટના 6 ઓગસ્ટના રોજ એટોક નજીક બની હતી જ્યારે પાકિસ્તાન એરફોર્સ (PAF)નું ફાઇટર ટ્રેનર એરક્રાફ્ટ નિયમિત તાલીમ મિશન દરમિયાન ક્રેશ થયું હતું. તે સમયે PAFના પ્રવક્તાએ જારી કરેલા નિવેદન અનુસાર, બંને પાઇલોટ્સ જેટમાંથી સફળતાપૂર્વક બહાર નીકળી ગયા હતા.
