Una News: ઉના (Una) તાલુકાના ભાચા ગામે ખોડિયાર મંદિર પાસે રહેતા દેવીપૂજક સમાજની વસાહતમાં એક હૃદયદ્રાવક ઘટના સામે આવી છે, જેમાં બે વર્ષીય બાળક (child) રાજવીર ભુપત સોલંકી દીપડા (leopard) ના હુમલાનો શિકાર બન્યું છે. આ ઘટના ગત રાત્રે લગભગ 1 વાગ્યાની આસપાસ બની, જ્યારે દીપડો ઝૂંપડામાં સૂતેલા બાળકને તેના માતા-પિતા પાસેથી ખેંચીને જંગલ તરફ લઈ ગયો. બાળકને ગંભીર ઈજાઓ થવાને કારણે તેનું દર્દનાક મોત નીપજ્યું.
ભાચા ગામે ખોડિયાર મંદિરની નજીક આવેલી દેવીપૂજક સમાજની વસાહતમાં છેલ્લા 35 વર્ષથી લોકો ઝૂંપડામાં રહે છે. રાજવીર તેના માતા-પિતા સાથે ઝૂંપડામાં સૂતો હતો, ત્યારે મધ્યરાત્રિએ દીપડાએ અચાનક હુમલો કર્યો. દીપડો બાળકને ખેંચીને લગભગ 500 મીટર દૂર આંબાના બાગમાં લઈ ગયો. બાળકના પિતા અન્ચનભાઈ જાગી ગયા અને તેમણે દીપડાનો પીછો કર્યો, પરંતુ દીપડાની ઝડપ આગળ તેઓ બાળકને બચાવી શક્યા નહીં. દીપડાના હુમલામાં રાજવીરને ગંભીર ઈજાઓ થઈ, જેના કારણે તેનું ઘટનાસ્થળે જ મોત નીપજ્યું.
ઘટનાની જાણ થતાં જ જશાધાર વન વિભાગની ટીમ ઘટનાસ્થળે પહોંચી. દીપડાને પકડવા માટે વન વિભાગે તાત્કાલિક બે સ્થળોએ પાંજરા ગોઠવ્યા છે. આ ઉપરાંત, બાળકના મૃતદેહને પોસ્ટમોર્ટમ માટે ઉના સરકારી હોસ્પિટલ ખસેડવામાં આવ્યો છે.
આ પણ વાંચો:ઉના-ભાવનગર રોડ પર ગમખ્વાર અકસ્માત,બાઇક ચાલક યુવકનું નીપજયું મોત
આ પણ વાંચો:જૂનાગઢનાં ઉનામાં દીપડાંએ ખેડૂત પર હુમલો કરતા ગંભીર રીતે ઈજાગ્રસ્ત, લોકોમાં ભયનો માહોલ
આ પણ વાંચો:ઉનાળામાં સોમનાથ દાદાના 15 લાખથી વધુ ભક્તોએ કર્યા દર્શન
