પીએમસીએચમાં ડેન્ગ્યુ પીડિતોની મુલાકાત લેતા કેન્દ્રીય આરોગ્ય રાજ્યમંત્રી અશ્વિની ચૌબે પર શાહી ફેંકવાનો મામલો પ્રકાશમાં આવ્યો છે. કેન્દ્રીય મંત્રી મંગળવારે પીએમસીએચ ડેન્ગ્યુ પીડિતોને મળવા ગયા હતા. આ ઘટના બાદ હોસ્પિટલના પરિસરમાં અંધાધૂંધી ફેલાઇ હતી. દરમિયાન શાહી ફેંકનાર યુવક નાસી છૂટયો હતો. જ્યારે આ મામલે કેન્દ્રીય મંત્રી અશ્વિની ચૌબેને પૂછવામાં આવ્યું ત્યારે તેમણે કહ્યું કે, શાહી આખા મીડિયામાં ફેંકી દેવામાં આવી હતી જેની છાંટ મારી ઉપર પડી હતી.
આ મામલો રાજધાની પટના સાથે સંબંધિત છે, જ્યાં કેન્દ્રીય મંત્રી ડેંગ્યુનાં દર્દીઓને જોવા અને વોર્ડનું નિરીક્ષણ કરવા મંગળવારે પીએમસીએચ પહોંચ્યા હતા. મળતી માહિતી મુજબ તપાસ દરમિયાન જ બે યુવકોએ તેમની ઉપર શાહી ફેંકી હતી અને નાસી છૂટયા હતા. એવું કહેવામાં આવ્યું હતું કે અશ્વિની ચૌબે જે સમયે વોર્ડનાં નિરીક્ષણ પછી કારમાં સવાર થવા જઇ રહ્યા હતા, ત્યારે તેમના ઉપર શાહી ફેંકવામાં આવી હતી.
#WATCH Bihar: A man threw ink on Union Minister of State for Health & Family Welfare Ashwini Choubey while he was visiting dengue patients at Patna Medical College & Hospital. The man managed to escape. Minister says "Ink thrown on public, democracy and the pillar of democracy." pic.twitter.com/gVxsfdLz8d
— ANI (@ANI) October 15, 2019
શાહી ફેંકી દીધા બાદ ચૌબેની સુરક્ષામાં રોકાયેલા સૈનિકોએ બંનેને પકડવાનો પ્રયાસ કર્યો પરંતુ તેઓ સફળ થઈ શક્યા નહીં. અશ્વિની ચૌબેએ શાહી ફેંકવાની આ ઘટના અંગે પ્રતિક્રિયા આપતા કહ્યું કે, આ તે જ લોકો છે જેનો ગુનાખોરીની દુનિયા સાથે સંબંધ છે અને એક સમયમાં તેઓ ગુનાનાં ક્ષેત્રમાં ખૂબ આગળ હતા.
નીચે આપેલી લીંક પર ક્લિક કરીને જોડાવો મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
