બોલિવૂડમાં એક નવો સુંદર ચહેરો જોવા મળવાનો છે. એવું જાણવા મળ્યું છે કે મોડેલિંગના ક્ષેત્રમાં નામ કમાવ્યા બાદ હવે કેન્દ્રીય પ્રધાન રમેશ પોખરીયાલ નિશંકની પુત્રી આરુષિ નિશંક બોલિવૂડમાં એન્ટ્રી કરવા જઈ રહી છે. ગઈકાલે રાત્રે ફિલ્મ ‘તારીણી’ નું પોસ્ટર બહાર પાડવામાં આવ્યું છે.
કેન્દ્રીય શિક્ષણ પ્રધાન રમેશ પોખરીયાલ નિશંકની પુત્રી આરુષિ નિશંક ફિલ્મ કારકીર્દિ શરૂ કરવા જઈ રહી છે.
તે નૌસેનાની મહિલા અધિકારીઓની બહાદુરી પર આધારિત ફિલ્મ ‘તારીણી’ ફિલ્મથી ડેબ્યૂ કરશે. સોમવારે આંતરરાષ્ટ્રીય મહિલા દિવસ પર તેણે આ જાહેરાત કરી હતી.
અભિનેત્રી અથવા મોડેલ બનતા પહેલા આરુષિ નિશંક એક પ્રોફેશનલ કથક ડાન્સર છે.
હકીકતમાં, 19 સપ્ટેમ્બર 2017 ના રોજ, વર્તિકા જોશી, પ્રતિભા જામવાલ, પી.સ્વાતિ, એસ.કે. વિજયા, ઐશ્વર્યા અને પાયલ ગુપ્તાએ ગોવાથી ભારતીય નૌસેનાની નૌકા યાત્રા આઈએનએસ તારીણીથી યાત્રા શરૂ કરી હતી અને 21 મે, 2018 ના રોજ 21,600 નોટિકલ માઇલનું અંતર કાપતા પરત ફર્યા હતા. આ અભિયાનમાં લગભગ 254 દિવસ થયા. આ સાથે નેવીની આ 6 મહિલા અધિકારીઓએ પણ ઇતિહાસનાં પાનામાં પોતાનાં નામ નોંધ્યા. 21 મે 2018 ના રોજ, મહિલા અધિકારીઓ ઓસ્ટ્રેલિયા, ન્યુઝીલેન્ડ, પોલેન્ડ અને દક્ષિણ આફ્રિકા થઈને ગોવામાં પહોંચ્યા.
મેક ઇન ઇન્ડિયા હેઠળ બનેલી આ તારીણી હોડીમાં સવાર થઈને, આ છ મહિલા અધિકારીઓએ પણ આ સાહસ અભિયાનના ઇતિહાસનાં પાનામાં પોતાનાં નામ નોંધાવ્યાં હતાં.
વડા પ્રધાન મોદીએ પણ આ અભિયાનની ખૂબ પ્રશંસા કરી હતી. આ છ મહિલા નેવી અધિકારીઓ પર આધારીત ફિલ્મ ‘તારીણી’ ટૂંક સમયમાં બનાવવામાં આવી રહી છે.
તે મહિલા સશક્તિકરણ, સામાજિક અને પર્યાવરણીય સુરક્ષા ક્ષેત્રે પણ સક્રિય છે.