Gujarat News:આજે (11 જાન્યુઆરી 2026) દેશભરમાં યુનિયન પબ્લિક સર્વિસ કમિશન (UPSC) દ્વારા એક મહત્વપૂર્ણ કોમ્બાઇન્ડ રિક્રુટમેન્ટ ટેસ્ટ (CRT) યોજાઈ રહી છે. આ પરીક્ષા દ્વારા કુલ 77 જગ્યાઓ પર ભરતી કરવામાં આવશે, જેમાં સેન્ટ્રલ બ્યુરો ઓફ ઇન્વેસ્ટિગેશન (CBI), એન્ફોર્સમેન્ટ ડિરેક્ટોરેટ (ED) અને મિનિસ્ટ્રી ઓફ કોર્પોરેટ અફેર્સ જેવા પ્રતિષ્ઠિત વિભાગોમાં નોકરીની તકો ઉપલબ્ધ છે.
UPSCની પરીક્ષા
ભારતમાં 11 જાન્યુઆરી 2026 (રવિવાર)ના રોજ યુનિયન પબ્લિક સર્વિસ કમિશન (UPSC) દ્વારા યોજાઈ રહેલી Combined Recruitment Test (CRT) કાયદા અને ન્યાય ક્ષેત્રમાં કારકિર્દી બનાવવા ઈચ્છતા યુવાનો માટે એક મહત્ત્વપૂર્ણ તક છે. આ 2 કલાકની ઓફલાઈન પેન-પેપર પરીક્ષા 300 ગુણના MCQs પર આધારિત છે, જેમાં ખોટા જવાબ પર 1/3 ગુણ કપાશે અને પરીક્ષા અંગ્રેજી માધ્યમમાં લેવામાં આવશે.
CRT દેશના 15 મુખ્ય શહેરોમાં યોજાઈ રહી છે, જેમ કે અમદાવાદ, ભોપાલ, ચેન્નાઈ, દિલ્હી, દિસપુર (ગુવાહાટી), જયપુર, જમ્મુ, કોચી, કોલકાતા, લખનઉ, મુંબઈ, નાગપુર, પોર્ટ બ્લેર, રાંચી અને વિશાખાપટ્ટનમ. આ પરીક્ષામાં કુલ 77 કાનૂની પદો માટે ભરતી થશે, જેમાં એસિસ્ટન્ટ લીગલ એડ્વાઈઝર (ED) માટે 5, એસિસ્ટન્ટ ડિરેક્ટર (SFIO) માટે 3, કંપની પ્રોસિક્યુટર (MCA) માટે 25, એસિસ્ટન્ટ પબ્લિક પ્રોસિક્યુટર (CBI) માટે 19 અને પબ્લિક પ્રોસિક્યુટર (CBI) માટે 25 જગ્યાઓ શામેલ છે. યુપીએસસી CRT ન્યાય, કાયદા અને સરકારી સેવા માટેના સપનાના માર્ગ પર પગલું રાખવા ઈચ્છતા ઉમેદવાર માટે સર્વોપરી તક સાબિત થાય છે.
