US Green Card : કોઈ સમયમાં, અમેરિકન નાગરિક સાથે લગ્ન કરવું US Green Card મેળવવાનો સૌથી સરળ અને વિશ્વસનીય માર્ગ માનવામાં આવતો હતો. વિદેશીઓ માટે આ રીતને “શોર્ટકટ” તરીકે પણ જોવામાં આવતું, જે તેમને અમેરિકામાં કાયદેસર રહેવાનો અને કામ કરવાનો અધિકાર આપે છે. પરંતુ તાજેતરમાં, ખાસ કરીને ડોનાલ્ડ ટ્રમ્પના શાસન દરમિયાન, US Green Card માટેની અરજી પ્રક્રિયામાં ઘણો ફેરફાર થયો છે. હવે માત્ર લગ્ન કરવાથી પરમેનન્ટ રેસીડન્સી મળવાનો વિશ્વાસ યથાવત નથી.
US Green Card અને તેના ફાયદા
US Green Card, જેને પર્મેનન્ટ રેસીડન્સી તરીકે ઓળખાય છે, વિદેશીઓને અમેરિકામાં કાયદેસર રહીને કામ કરવાનો અધિકાર આપે છે. ગ્રીન કાર્ડ ધરાવનાર વ્યક્તિને નાગરિકત્વના કેટલાક અધિકારો તો નહીં મળે, પરંતુ ઘણા મહત્વના લાભ મળી રહે છે, જેમ કે લાંબા સમય સુધી સ્થાયી રહેવાની મંજૂરી, નોકરીના વિકલ્પ, શિક્ષણ અને આરોગ્ય સેવાઓ પર સરળતા. આ લાભોને કારણે ગ્રીન કાર્ડ માટે વિદેશીઓમાં ખૂબ જ માંગ છે.
અમેરિકાનો કાયદો શું કહે છે?
અમેરિકાના કાયદા અનુસાર, કોઈ અમેરિકન નાગરિકનો પતિ કે પત્ની તેના નજીકના કુટુંબિક સગા તરીકે ગણાય છે, જે તેમને ગ્રીન કાર્ડ માટે અરજી કરવાની લાયકાત આપે છે. પરંતુ ઈમિગ્રેશન કાયદા મુજબ લાયકાત એટલે મંજૂરી નહીં. તાજેતરના વર્ષોમાં, ઈમિગ્રેશન વકીલો ખાસ કરીને આવી બાબતો પર ધ્યાન આપે છે કે લગ્ન સચોટ અને સત્ય છે કે નહીં. માત્ર કાગળ પર લગ્ન નોંધાવવાથી ગ્રીન કાર્ડ મળવું શક્ય નથી.
દંપતિએ સાથે રહેવું ગ્રીન કાર્ડ માટે જરૂરી
એક જાણીતા ઈમિગ્રેશન વકીલ અનુસાર, ગ્રીન કાર્ડ મેળવવા માટે હવે પતિ-પત્ની સાથે રહેવું મહત્વપૂર્ણ ઘટક બની ગયું છે. જો બંને અલગ રહે છે, તો તેમની અરજી પર સવાલ ઉઠાવવામાં આવે છે. અલગ રહેવાના કારણો જેમ કે કામ, અભ્યાસ રૂપિયાની અગવડ વગેરેને કાને ધરતા નથી વકીલનું કહેવું છે કે કેટલીકવાર વાસ્તવિકતા અને દસ્તાવેજો વચ્ચેનું તફાવત તપાસ દરમિયાન સામે આવે છે, જેના કારણે અરજી રદ થવાની સંભાવના વધી જાય છે.
સઘન તપાસ અને કડક વલણ
ડોનાલ્ડ ટ્રમ્પના શાસનમાં ઈમિગ્રેશન અધિકારીઓએ પતિ-પત્નીના સંબંધોની તપાસ વધુ કડક બનાવી છે. હવે તેઓ માત્ર કાયદેસર દસ્તાવેજોને નહીં પરંતુ સંબંધની મજબૂતી, સાથે રહેવું અને વૈવાહિક જીવનના પુરાવાઓ પર વધારે ધ્યાન આપે છે. બંને સાથે રહેતા કપલ્સની અરજી ઝડપથી મંજૂર થઈ શકે છે, જ્યારે અલગ રહેતા કપલ્સને વધુ ઇન્ટરવ્યૂ, કડક પ્રશ્નો અને કેટલીકવાર અરજીની રદકીયાની સ્થિતિનો સામનો કરવો પડે છે.
ભૂલ કરવી ભારે પડી શકે
ઈમિગ્રેશન વકીલો કહે છે કે જો કપલ એક સાથે રહેતા નથી, તો ગ્રીન કાર્ડ અરજીને નકારાત્મક પરિણામ મળે છે. થોડા કપલ્સનો માનવું છે કે કામ, અભ્યાસ અથવા વ્યવસાય માટે અલગ રહેવું સ્વાભાવિક છે, પરંતુ ઈમિગ્રેશન અધિકારીઓ આ કારણોને ઓછા મહત્વનું માનતા હોય છે.
પરિણામ અને ચેતવણી
આ બદલાવ વિદેશી કપલ્સ માટે મહત્ત્વપૂર્ણ છે. હવે ફક્ત કાગળ પરના લગ્નનો આધાર રાખીને ગ્રીન કાર્ડ મેળવવાની અપેક્ષા રાખવી યોગ્ય નથી. ઈમિગ્રેશનમાં વાસ્તવિકતા, સાથે રહેવું અને સંબંધની પ્રામાણિકતા પર વધારે ધ્યાન આપવામાં આવે છે. વકીલો અહિંયાં ખાસ ચેતવણી આપે છે કે જો તમે આ બાબતોમાં છૂટ આપશો, તો US Green Card મેળવવાની શક્યતા ઘટી શકે છે.
વિદેશી કપલ્સ માટે શ્રેષ્ઠ માર્ગ એ છે કે તેઓ વિવાહ પછી સાથે રહે અને સંબંધની સત્યતાની દસ્તાવેજીકરણ પૂરતી રીતે તૈયાર રાખે. ઈમિગ્રેશન અધિકારીઓના સવાલોનો યોગ્ય જવાબ આપવો અને સંબંધના પુરાવા રજૂ કરવું મહત્વપૂર્ણ છે. આ રીતે, ગ્રીન કાર્ડ મેળવવાની તમારી પ્રક્રિયા સરળ અને સલામત બની શકે છે.
ગ્રીન કાર્ડ મેળવાનો માર્ગ હવે ફક્ત લગ્ન પર આધારિત નથી. સાથે રહેવું અને સંબંધની સાચી સ્થિતિ રજૂ કરવી હવે કાયદેસર જરૂરી છે. વિદેશી કપલ્સને સમજવું જોઈએ કે કડક તપાસના સમયમાં સંબંધની વાસ્તવિકતા તેમની સૌથી મોટી સહાય બની શકે છે.
આ પણ વાંચો: ટ્રમ્પ વહીવટીતંત્રે 19 દેશોના ગ્રીન કાર્ડ અને અમેરિકી નાગરિકત્વ અરજીઓ પર પ્રતિબંધ મૂક્યો
આ પણ વાંચો: ‘કાયદામાં રહેજો નહીં તો ગ્રીન કાર્ડ કરાશે રદ’ USએ ગ્રીન કાર્ડ હોલ્ડર્સને આપી ચેતવણી
