તાજેતરમાં મળી રહેલી માહિતી અનુસાર, તાલિબાનીઓનાં હાથમાં અમેરિકન હેલિકોપ્ટર આવી ગયુ છે. જણાવી દઇએ કે, અફઘાનિસ્તાનમાં તાલિબાનનાં કબ્જા બાદ અશાંતિનું વાતાવરણ છે. ત્યાંના લોકો તાલિબાન આતંકવાદીઓનાં કારણે ભયમાં છે. વળી, તાલિબાન આતંકીઓ લોકોમાં આતંક પેદા કરી રહ્યા છે.
આ પણ વાંચો – અફઘાનિસ્તાન સંકટ / અમેરિકનો 31 ઓગસ્ટને લઈને ખૂબ જ ગંભીર,તાલિબાનના અલ્ટીમેટમનો ભય
આ જ કારણ છે કે ભારત અને અમેરિકા સહિત તમામ દેશો ત્યાં રહેતા તેમના નાગરિકોની સુરક્ષાને લઈને ચિંતિત છે. તાજો કિસ્સો કંધાર એરપોર્ટનો છે, જ્યાં તાલિબાની અમેરિકન હેલિકોપ્ટર ઉડાવતા જોવા મળ્યા છે. આપને જણાવી દઈએ કે, અફઘાનિસ્તાનમાં કબ્જો કર્યા બાદ તાલિબાનોએ ત્યાંના સંસાધનો પર પણ કબ્જો કરી લીધો છે. આ સાથે તાલિબાન નેતૃત્વએ ત્યાં નવી સરકારની રચનાની પ્રક્રિયાને પણ ઝડપી બનાવી છે. અફઘાનિસ્તાનનાં ભૂતપૂર્વ ગૃહમંત્રી મસૂદ અંદારાબીએ તાલિબાનો દ્વારા કથિત રીતે માર્યા ગયેલા નાના બાળકોની ચોંકાવનારી તસવીરો પોસ્ટ કરી છે. અંદારાબીએ કહ્યું કે, તાલિબાન લોકોને ડરાવીને લોકો પર રાજ કરવાનો પ્રયાસ કરી રહ્યા છે, નાના બાળકો અને વૃદ્ધ નાગરિકોની હત્યા કરી રહ્યા છે. તેમણે કહ્યું કે, તાલિબાન આવી આતંકવાદી પદ્ધતિઓનો ઉપયોગ કરીને “રાષ્ટ્ર પર શાસન કરી શકશે નથી.” બાળકોનાં મૃતદેહો અને ઘાયલ બાળકોની તસવીરો પોસ્ટ કરીને, અંદારાબીએ ટ્વિટ કર્યું, તાલિબાન લોકોને આતંકિત કરવા, નાના બાળકો અને વૃદ્ધ નાગરિકોને મારી લોકો પર શાસન કરવાનો પ્રયાસ કરી રહ્યા છે. આવા કાયરતાભર્યા કૃત્યોથી દેશ પર તાલિબાનીઓ રાજ કરી શકશે નહી. તાલિબાન અંદરાબમાં લોકોનાં ઘરોની ગેરવાજબી તલાશીઓ કરી રહ્યા છે, કારણ વગર લોકોને પકડી રહ્યા છે અને નિર્દોષ નાગરિકોની હત્યા કરી રહ્યા છે પરિણામે લોકોને તેમના જીવન, ગૌરવ અને સંપત્તિ, સન્માનની રક્ષા માટે તેમની ક્રૂરતા સામે હથિયારો ઉપાડવા પડી રહ્યા છે. ” ફોટાઓ નાના બાળકોનાં બતાવે છે, જેમના વિશે અંદારાબી કહે છે કે તાલિબાન દ્વારા માર્યા ગયા છે.
આ પણ વાંચો – દુષ્કાળની દહેશત / વરસાદ ખેંચાતા વાવેતરને ભારે નુકસાનની શકયતા, મુખ્યમંત્રી કિસાન સહાય યોજનાની થશે કસોટી
અફઘાનિસ્તાનનાં ભૂતપૂર્વ ઉપરાષ્ટ્રપતિ અમરૂલ્લાહ સાલેહે એક ટ્વિટમાં જણાવ્યું હતું કે, “તાલિબ અંદરાબ ઘાટીમાં ખોરાક અને ઈંધણને રોકી રહ્યા છે. માનવીય પરિસ્થિતિ ભયાનક છે. હજારો મહિલાઓ અને બાળકો પર્વતો તરફ ભાગી ગયા છે. છેલ્લા બે દિવસોથી તાલિબ બાળકો અને વૃદ્ધ લોકોનું અપહરણ કરીને તેમને ઢાલ તરીકે ઉપયોગ કરે છે.” તાલિબાન દ્વારા અફઘાનિસ્તાન જપ્ત કરવાથી માનવાધિકારનાં ઉલ્લંઘનની અગાઉની પેટર્ન ફરી પરત ફરવા પર ગંભીર ભય ઉભો થયો છે, જેના કારણે ઘણા અફઘાન લોકોમાં નિરાશા છે.
