US-Iran War Impact: ઇસ્લામાબાદમાં શાંતિ વાટાઘાટો નિષ્ફળ જતાં અને હોર્મુઝની ખાડીમાં તણાવ વધતા વૈશ્વિક અર્થતંત્ર પર યુદ્ધના વાદળો ઘેરાયા છે. સંયુક્ત રાષ્ટ્રે એશિયાના બે સૌથી મોટા આર્થિક એન્જિન – ચીન અને ભારત માટે વિકાસ દરમાં ઘટાડાનું અનુમાન જાહેર કર્યું છે.
ચીન: ડ્રેગનનું અર્થતંત્ર 5% ની નીચે જવાની આશંકા
વિશ્વનો સૌથી મોટો તેલ આયાતકાર દેશ ચીન અત્યારે મુશ્કેલીમાં છે. UN ના રિપોર્ટ મુજબ:
વર્ષ 2025 માં ચીનનો ગ્રોથ રેટ 5% હતો.
આ વર્ષે તે ઘટીને 4.3% થી 4.6% ની વચ્ચે રહેવાની શક્યતા છે.
ઈરાન યુદ્ધ અને વેનેઝુએલા પરના પ્રતિબંધોને કારણે તેલ અને ગેસના પુરવઠામાં અવરોધ આવતા ચીનની સપ્લાય ચેઈન ખોરવાઈ છે.
India: કૃષિ અને ઉર્જા ક્ષેત્રે પડકારો વધશે
ભારત (India) માટે પણ UN એ સાવધ રહેવાની ચેતવણી આપી છે:
ગયા વર્ષે ભારતનું (India) અર્થતંત્ર 7% થી વધુની ઝડપે દોડતું હતું.
આ વર્ષે તે ઘટીને 6% ની આસપાસ સીમિત રહે તેવી આશંકા છે.
ભારત (India) એક ઉર્જા નિર્ભર દેશ છે. ક્રૂડ ઓઈલની સાથે ગેસોલિન અને ફર્ટિલાઈઝર (ખાતર) ના ભાવ વધતા કૃષિ ક્ષેત્ર પર તેની સીધી અસર પડશે, જે મોંઘવારીમાં વધારો કરી શકે છે.
શા માટે હોર્મુઝની ખાડી વૈશ્વિક અર્થતંત્રની ‘લાઈફલાઈન’ છે?
દુનિયાનો ત્રીજા ભાગનો તેલ વેપાર માત્ર હોર્મુઝની ખાડી (Strait of Hormuz) મારફતે થાય છે. જો આ રસ્તો બ્લોક થાય, તો ક્રૂડના ભાવ આસમાને પહોંચી શકે છે. UN ના અર્થશાસ્ત્રી હમઝા મલિકના મતે, જો એશિયા-પેસિફિક વિસ્તારનો વિકાસ ધીમો પડશે, તો આખું વિશ્વ આર્થિક મંદીની ચપેટમાં આવી શકે છે.
એશિયન ડેવલપમેન્ટ બેંક (ADB) નું અનુમાન:
ADB એ પણ 2026 માં આ પ્રદેશનો ગ્રોથ રેટ ઘટાડીને 5.1% કર્યો છે, જે અગાઉ 5.4% હતો. સ્પષ્ટ છે કે જો યુદ્ધ લાંબુ ચાલશે, તો એશિયાના મહાસત્તા બનવાના સપના પર આર્થિક ગ્રહણ લાગી શકે છે.
આ પણ વાંચો : ચીન કેમ કરી રહ્યું છે કીડીઓની તસ્કરી? એક રાણી કીડીની કિંમત ₹21,000, આખી દુનિયા પરેશાન
આ પણ વાંચો : ઓમાનના અખાતમાં અમેરિકાની મોટી કાર્યવાહી, ઈરાની જહાજ ‘ટુસ્કાન’ પર મધરાતે મરીન્સનો કબજો
આ પણ વાંચો : બાલેન શાહનો નવો નિયમ, ભારતથી 100 રૂપિયાનો સામાન લાવવા પર પણ લાગશે ટેક્સ
