અમેરિકા ભારતને કોરોનાથી કણસી રહેલા ભારતની માટે સતત વેક્સિનનો જથ્થો મોકલી રહ્યું છે. રવિવારે અમેરિકાથી એક વિમાન 1.25 લાખ રેમેડિસિવરના ઇન્જેક્શન સાથે પહોંચ્યું હતું. અત્યાર સુધીમાં ચાર ફ્લાઇટ્સ મેડિકલ સપ્લાઇ લઈને ભારતમાં આવી છે. વિદેશ મંત્રાલયના પ્રવક્તા અરિંદમ બગચીએ આ સહાય માટે અમેરિકાનો આભાર માન્યો છે. બે દિવસના ગાળામાં ભારત આવવાનું આ ત્રીજું વિમાન છે. આ આપણી ઓક્સિજન ક્ષમતામાં વધારો કરશે. અમે આ સહાય માટે અમેરિકાના આભારી છીએ.
આપને જણાવી દઈએ કે યુએસ રાષ્ટ્રપતિ જો બિડેન આ પહેલા પણ કહી ચૂક્યા છે કે અમેરિકા ભારતને કોરોના રોગચાળા સામે લડવામાં મદદ કરવા પ્રતિબદ્ધ છે. અમેરિકા ભારતને મદદ કરવા ઓક્સિજન સિલિન્ડર, એન 95 માસ્ક, ઝડપી ડાયગ્નોસ્ટિક પરીક્ષણો અને અન્ય તબીબી પુરવઠો મોકલી રહ્યું છે. અમેરિકાએ ભારતને એસ્ટ્રાઝેનેકા રસી આપવાની પણ ઓફર કરી છે. આ સાથે, કોરોનાને કારણે ભારતમાં કથળેલી પરિસ્થિતિને ધ્યાનમાં રાખીને યુ.એસ.એ વધુ ત્રણ વિમાનથી તબીબી પુરવઠો મોકલવાની જાહેરાત કરી છે.
ફ્રાન્સે કોરોનાસારવાર માટે જથ્થો મોકલ્યો હતો
શનિવારે રાત્રે, અમેરિકાથી એક વિમાન એક હજાર ઓક્સિજન સિલિન્ડર અને કન્સન્ટ્રેટર લાવ્યું. અગાઉ, બે વિમાન દ્વારા દવાઓ અને અન્ય ઉપકરણો ભારત આવી ચૂક્યા છે. બીજી તરફ, ફ્રાન્સે રવિવારે કોરોના સારવાર માટે ઉપયોગમાં લેવાતા ઘણાં ઉપકરણો અને સહાયક ઉપકરણો પણ મોકલ્યા છે. ફ્રાન્સથી ભારતને જે સામગ્રી મળી છે તેમાં આઠ ઓક્સિજન જનરેટર, 28 વેન્ટિલેટર, 200 ઇલેક્ટ્રિક પમ્પ અને ફિલ્ટર્સ વગેરે છે.
ઇજિપ્ત તબીબી પુરવઠો મોકલશે
ઇજિપ્તના આરોગ્ય પ્રધાન હલા ઝાયદે જાહેરાત કરી છે કે તેમનો દેશ કોરોના વાયરસ રોગચાળા સામેની લડતમાં ભારતને તબીબી પુરવઠો મોકલશે. એક નિવેદનમાં તેમણે કહ્યું હતું કે 300 ઓક્સિજન સિલિન્ડર, 20 વેન્ટિલેટર, 100 મેડિકલ બેડ અને અન્ય તબીબી પુરવઠો ભારતને પૂરા પાડવામાં આવશે. ઇજિપ્તના સૈન્યની મદદથી આ ચીજો ભારતને પૂરા પાડવામાં આવશે.
