Vadodara Crime News: વિદેશમાં નોકરી મેળવવાની ઇચ્છા ધરાવતા યુવકોને ટાર્ગેટ કરતી ઠગ ટોળકીનો વધુ એક કિસ્સો સામે આવ્યો છે. વડોદરાના વાઘોડિયા રોડ વિસ્તારમાં રહેતા યુવકને કેનેડાની રેસ્ટોરન્ટમાં નોકરી (Canada Job Fraud) અપાવવાની લાલચ આપી બે શખ્સોએ તેની પાસેથી અલગ-અલગ બહાને રૂપિયા પડાવ્યા હોવાનો આરોપ છે. એટલું જ નહીં, યુવકનો અસલ પાસપોર્ટ અને ઓરિજિનલ દસ્તાવેજો પણ લઈ લેવામાં આવ્યા હતા.

ફરિયાદ મુજબ, દિલ્હીના VFS સેન્ટર ખાતે રજૂ કરાયેલા દસ્તાવેજોમાં ખામી અને બનાવટીપણું સામે આવ્યા બાદ યુવકે પોતાના દસ્તાવેજો પરત માગ્યા હતા. ત્યારે પાસપોર્ટ (Passport Fraud) પરત આપવા માટે વધુ ₹2 લાખની માગણી કરવામાં આવી હોવાનો તેમજ જાનથી મારી નાખવાની ધમકી આપવાનો આક્ષેપ છે. સમગ્ર મામલે યુવકે આકાશ જાની અને પાર્થ મુલાણી વિરુદ્ધ પોલીસ ફરિયાદ નોંધાવી છે.

‘કેનેડામાં બહેન-બનેવીનું રેસ્ટોરન્ટ છે’ કહી વિશ્વાસ જીત્યો

ફરિયાદમાં જણાવ્યા પ્રમાણે, વાઘોડિયા રોડની ઓમ રેસિડેન્સીમાં રહેતા જીગ્નેશભાઈ નરેશભાઈ ભાટીયાને એક મિત્ર મારફતે આકાશ જાની અને પાર્થ મુલાણી સાથે ઓળખાણ થઈ હતી. બંને શખ્સોએ યુવકને જણાવ્યું હતું કે કેનેડા (Canada Job Fraud)માં તેમના બહેન-બનેવીનું રેસ્ટોરન્ટ છે અને ત્યાં તેને સારી નોકરી (Canada Job Fraud) અપાવી શકાય છે.

સમગ્ર પ્રક્રિયા માટે આશરે ₹2 લાખનો ખર્ચ થશે અને માત્ર પાંચ દિવસમાં વિઝા આવી જશે તેવી વાત કરીને યુવકનો વિશ્વાસ જીત્યો હતો. ત્યારબાદ શરૂઆતમાં ₹36 હજાર બેંક ખાતામાં ટ્રાન્સફર કરાવ્યા હતા. બાદમાં અમદાવાદ ખાતે મેડિકલ ટેસ્ટના નામે ₹15 હજાર ઉપરાંત ઇન્સ્યોરન્સ, એર ટિકિટ અને VFS ગ્લોબલ એપોઇન્ટમેન્ટ સહિતના અલગ-અલગ ખર્ચના બહાને વધુ રકમ લેવામાં આવી હોવાનો ફરિયાદમાં ઉલ્લેખ છે.

Canada Job Fraud: દિલ્હી VFS સેન્ટર પહોંચતા દસ્તાવેજોનો ભાંડો ફૂટ્યો

વિઝા પ્રક્રિયા માટે આરોપીઓ યુવકને દિલ્હી લઈ ગયા હતા. ત્યાં હોટલમાં રોકાણ અને VFS સેન્ટર સંબંધિત પ્રક્રિયાના નામે વધુ ₹20 હજાર ઓનલાઈન તેમજ રોકડમાં લેવામાં આવ્યા હોવાનો આરોપ છે. જોકે, દિલ્હી VFS સેન્ટર ખાતે દસ્તાવેજોની ચકાસણી દરમિયાન યુવકને મોટો ઝટકો લાગ્યો હતો. અધિકારીઓએ દસ્તાવેજો અધૂરા અને નકલી હોવાનું જણાવી અરજી ફગાવી દીધી હતી. આ સાથે જ સમગ્ર વિઝા પ્રક્રિયા અંગે શંકા ઊભી થઈ હતી.

અસલ પાસપોર્ટ અને દસ્તાવેજો લીધા, કુરિયરની ખોટી સ્લિપ આપી

દસ્તાવેજોમાં ગેરરીતિ સામે આવ્યા બાદ પણ આરોપીઓએ યુવકને પાસપોર્ટ પરત આપ્યો ન હતો. ફરિયાદ મુજબ, “અમે જાતે વિઝા કરાવી આપીશું” કહીને યુવક પાસેથી અસલ પાસપોર્ટ સહિતના ઓરિજિનલ દસ્તાવેજો લઈ લેવામાં આવ્યા હતા. ત્યારબાદ પાસપોર્ટ કેનેડા (Canada Job Fraud) મોકલવામાં આવ્યો હોવાનું જણાવી એક કુરિયર સ્લિપ પણ આપવામાં આવી હતી. જોકે, યુવકે આ અંગે તપાસ કરતાં કથિત પાર્સલ કેનેડા (Canada Job Fraud) પહોંચ્યું જ ન હોવાનું સામે આવ્યું હતું. ફરિયાદી મુજબ, કુરિયર પાર્સલ વડોદરાના સયાજીગંજ વિસ્તારમાં આવેલી બ્લૂ ડાર્ટની કચેરી સુધી પહોંચ્યું હતું અને ત્યાંથી આકાશ જાની તેને લઈ ગયો હોવાનું જાણવા મળ્યું હતું.

પાસપોર્ટ પરત માગતા વધુ ₹2 લાખની માગણી

પોતાની સાથે છેતરપિંડી (Canada Job Fraud) થઈ હોવાની આશંકા બાદ યુવકે આરોપીઓ પાસેથી રૂપિયા, પાસપોર્ટ અને અસલ દસ્તાવેજો પરત માગ્યા હતા. ત્યારે આકાશ જાની દ્વારા પાસપોર્ટ અને દસ્તાવેજો પરત આપવા માટે વધુ ₹2 લાખની માગણી કરવામાં આવી હોવાનો ફરિયાદમાં આરોપ છે. આટલું જ નહીં, ફરીથી પૈસા કે પાસપોર્ટ અંગે ફોન કરશે તો ગંભીર પરિણામ ભોગવવાની અને જાનથી મારી નાખવાની ધમકી આપવામાં આવી હોવાનો પણ આક્ષેપ કરવામાં આવ્યો છે.

બે શખ્સો સામે પોલીસ ફરિયાદ

સમગ્ર ઘટનાથી ગભરાયેલા જીગ્નેશભાઈએ આખરે પોલીસનો સંપર્ક કર્યો હતો. તેમણે આકાશ જાની અને પાર્થ મુલાણી વિરુદ્ધ લેખિત ફરિયાદ નોંધાવી છે અને પોતાની પાસેથી લેવામાં આવેલા રૂપિયા, અસલ પાસપોર્ટ તથા દસ્તાવેજો પરત અપાવવા તેમજ આરોપીઓ સામે કાયદેસરની કાર્યવાહી કરવાની માગ કરી છે.

હાલ સમગ્ર મામલે પોલીસ ફરિયાદના આધારે તપાસ હાથ ધરવામાં આવી છે. આરોપીઓએ ખરેખર વિઝા (Visa Fraud Gujarat) પ્રક્રિયાના નામે કેટલા લોકો સાથે આવી રીતે છેતરપિંડી કરી છે, નાણાકીય વ્યવહારો અને દસ્તાવેજોની હેરફેર કેવી રીતે થઈ હતી તથા પાસપોર્ટનો ઉપયોગ કયા હેતુથી કરવામાં આવ્યો હતો તે સહિતના મુદ્દે તપાસ બાદ વધુ વિગતો સામે આવી શકે છે.

આ પણ વાંચો:કેનેડામાં ઇમિગ્રન્ટ્સ માટે જોબ્સના નિયમોમાં મોટો ફેરફાર, આજથી કાયદો અમલમાં આવશે, ભારતીયોની મુશ્કેલીઓ વધશે

આ પણ વાંચો:US બાદ હવે કેનેડાના વિઝાનામાં ફેરફાર, ભારત પર પડી શકે છે તેની અસર

આ પણ વાંચો:કેનેડાએ ચાલુ વર્ષે 80 ટકા ભારતીયના સ્ટુડન્ટ્સ વિઝા રિજેક્ટ કર્યા