US બાદ હવે કેનેડા તેના વિઝા નિયમોમાં ફેરફાર કરવાની યોજના બનાવી રહ્યું છે. આની સીધી અસર ભારતીયો પર પડે તેવી શક્યતા છે. કેનેડાએ તેના બજેટમાં 2026 થી 2028 સુધીની નવી ઇમિગ્રેશન લેવલ્સ પ્લાન બહાર પાડ્યો છે. આ યોજના મુજબ, આવનારા બે વર્ષમાં 33,000 વર્ક પરમિટ ધારકો કાયમી નિવાસ (PR) મેળવી શકશે. આ ફેરફાર એવા સમયે જાહેર કરાયો છે જ્યારે કેનેડા વર્ક પરમિટ અને સ્ટડી વિઝા જેવા અસ્થાયી પ્રવાસીઓની સંખ્યા ઘટાડવા પર ભાર મૂકી રહ્યું છે.

ભારત પર તેની અસર
કેનેડામાં ભારતીય વિદ્યાર્થીઓ અને કામદારો સૌથી મોટી વિદેશી વસ્તી છે. 2025માં જે ભારતીય વિદ્યાર્થીઓના વિઝા રદ થયા હતા, તેમના માટે આ યોજનામાં મિશ્ર અસર જોવા મળી રહી છે.

શું છે નવી નીતિ
નવી નીતિ મુજબ, સ્ટુડન્ટ વિઝાની તકો ઘટશે, કારણ કે 2026માં માત્ર 1.55 લાખ વિદ્યાર્થીઓને જ મંજૂરી આપવામાં આવશે, જે 2025ની સરખામણીમાં લગભગ અડધા છે. એટલે કે, જો કોઈ ભણીને કેનેડામાં સ્થાયી થવાની રાહ જોઈ રહ્યું છે, તો હવે આ સફર મુશ્કેલ બનશે.

જે લોકો પહેલેથી કેનેડામાં કામ કરી રહ્યા છે, તેમને હવે પીઆર (PR)માં રૂપાંતરિત થવાનો સીધો રસ્તો મળી શકે છે. કેનેડા સરકાર હવે અસ્થાયી વિઝાની સંખ્યા ઘટાડીને કાયમી અને કુશળ પ્રવાસીઓ પર ધ્યાન કેન્દ્રિત કરવા માંગે છે.

આવનારા લોકો માટે પણ થોડી મુશ્કેલી વધી
નવા વર્ક પરમિટ પર આવનારા લોકો માટે પણ થોડી મુશ્કેલી વધી છે, કારણ કે કેનેડા સરકારે વર્ક પરમિટ આપવાના લક્ષ્યમાં પણ ઘટાડો કર્યો છે. જો કોઈ સીધું જ કાયમી નિવાસ (PR) મેળવીને આવે છે, તો તેમાં કોઈ ફેરફાર જોવા મળી રહ્યો નથી. સરકારે આ લક્ષ્યમાં કોઈ ફેરફાર કર્યો નથી.

કેનેડાએ તેના વિઝા નિયમો શા માટે કડક કર્યા?
વડાપ્રધાન માર્ક કાર્નીએ સ્પષ્ટ કર્યું કે હવે કેનેડા એવા પ્રવાસીઓ પર ધ્યાન કેન્દ્રિત કરશે જે સ્થાનિક અર્થતંત્રને મજબૂત કરી શકે, ગ્રામીણ અથવા દૂરના વિસ્તારોમાં કામ કરવા તૈયાર હોય અને લાંબા ગાળે કેનેડામાં રહેવાની ઇચ્છા ધરાવતા હોય.
આનું કારણ આપતા સરકારે કહ્યું કે અસ્થાયી પ્રવાસીઓની સંખ્યામાં અસાધારણ વધારો થવાથી હાઉસિંગ, હેલ્થકેર અને જોબ સેક્ટર પર ઘણું દબાણ વધી ગયું હતું.

યુએસ સત્તાવાળાઓ સાથે મળીને કામ કરશે.
નોંધનીય છે કે જસ્ટિન ટ્રુડોના કાર્યકાળ પછી ભારત અને કેનેડા વચ્ચેના સંબંધો બગડ્યા છે. આ દરમિયાન, કેનેડાએ વિઝા નિયમો કડક કર્યા છે, જેને ભારત વિરુદ્ધ પગલા તરીકે જોવામાં આવી રહ્યું છે. આ પ્રસ્તાવ કેનેડાના ઇમિગ્રેશન મંત્રી દ્વારા રજૂ કરવામાં આવી રહ્યો છે. પ્રસ્તાવ મુજબ, કેનેડાના ઇમિગ્રેશન, શરણાર્થીઓ અને નાગરિકતા વિભાગ, કેનેડા બોર્ડર સર્વિસીસ એજન્સી અને યુએસ સત્તાવાળાઓ સાથે મળીને કામ કરશે.

આ પણ વાંચો: ટ્રમ્પ ગુસ્સે થશે ત્યારે તેને રોકવું અશક્ય! જાહેરાતના વિવાદ બાદ, અમેરિકાએ કેનેડા પર ટેરિફમાં 10%નો વધારો કર્યો 

આ પણ વાંચો: કેનેડામાં ખાલિસ્તાન સમર્થકોએ ફરી એકવાર ભારત વિરુદ્ધ વિરોધ પ્રદર્શન કર્યું, અશાંતિનો ભય

આ પણ વાંચો: કેનેડાએ ચાલુ વર્ષે 80 ટકા ભારતીયના સ્ટુડન્ટ્સ વિઝા રિજેક્ટ કર્યા