Vaibhav Suryavanshi Duleep Trophy Bowling: દુલીપ ટ્રોફીમાં ઈસ્ટ ઝોન તરફથી રમતા વૈભવ સૂર્યવંશીએ પોતાની ખાસ બોલિંગથી પણ બધાનું ધ્યાન ખેંચ્યું છે. નોર્થ-ઈસ્ટ ઝોન સામેની મેચમાં વૈભવે માત્ર 3 ઓવર ફેંકીને 11 રન આપ્યા અને 2 મહત્વની વિકેટ ઝડપી હતી. મેચ બાદ તેણે પોતાની બોલિંગને લઈને એક રસપ્રદ અને મજેદાર કિસ્સો પણ શેર કર્યો.
મને બોલ આપવો જોખમી લાગતો હતો:Vaibhav Suryavanshi
વૈભવે(Vaibhav Suryavanshi) જણાવ્યું કે મેચ દરમિયાન ટીમને વિકેટ મળી રહી ન હતી. ત્યારે ઈશાન ભાઈએ(Ishaan brother) તેને 2-3 ઓવર બોલિંગ કરવાનો મોકો આપ્યો. વૈભવે મજાકિયા અંદાજમાં કહ્યું કે કદાચ તેમને લાગતું હશે કે તેને બોલ આપવો થોડું જોખમી બની શકે છે, પરંતુ તેમને એ ખબર નહોતી કે તે વિકેટ લેનાર બોલર પણ છે. ઈસ્ટ ઝોનના વાઇસ-કેપ્ટન વૈભવે પોતાની બોલિંગ દરમિયાન સતત એક જ યોગ્ય લાઇન અને લેન્થ પર બોલ નાખવાનો પ્રયાસ કર્યો હતો. તેણે કહ્યું કે બેટિંગમાં ખાસ સફળતા ન મળ્યા બાદ બોલિંગ દ્વારા ટીમ માટે યોગદાન આપવું તેને ખૂબ ગમ્યું.
‘5 વિકેટ લઉં તો પણ 3 ઓવર જ મળશે’
વૈભવે(Vaibhav Suryavanshi) હસતાં-હસતાં કહ્યું કે દરેક બેટરને ક્યારેક બોલિંગ (Bowling) કરવાની ઈચ્છા હોય છે. તેણે મજાકમાં એવું પણ કહ્યું કે જો તે પાંચ વિકેટ લઈ લે તો પણ કદાચ તેને માત્ર ત્રણ ઓવર જ બોલિંગ માટે આપવામાં આવશે. તેની આ વાતનો વીડિયો હવે ક્રિકેટ ચાહકોમાં ચર્ચાનો વિષય બન્યો છે. નોર્થ-ઈસ્ટ ઝોન સામે ઈસ્ટ ઝોને શાનદાર પ્રદર્શન કરતા એક ઇનિંગ્સ અને 210 રનથી મોટી જીત મેળવી હતી. આ જીત સાથે ટીમે સેમિફાઇનલમાં સ્થાન બનાવી લીધું છે. હવે ઈસ્ટ ઝોનનો મુકાબલો 30 ઓગસ્ટથી સાઉથ ઝોન સામે થશે.
રેડ-બોલ ક્રિકેટમાં પોતાને સાબિત કરવાની તક
T-20 ક્રિકેટમાં પોતાની ઓળખ બનાવી ચૂકેલા વૈભવ(Vaibhav Suryavanshi) માટે દુલીપ ટ્રોફી રેડ-બોલ ફોર્મેટમાં પોતાની ક્ષમતા સાબિત કરવાની મહત્વપૂર્ણ તક છે. રાજસ્થાન રોયલ્સના હાઈ પરફોર્મન્સ સેન્ટરમાં તેણે રેડ-બોલ ક્રિકેટ માટે ખાસ તૈયારી પણ કરી હતી. હવે સૌની નજર એ વાત પર રહેશે કે વૈભવ આગામી સેમિફાઇનલમાં બેટિંગ(Batting in the semi-finals) ઉપરાંત પોતાની બોલિંગથી પણ ફરી કોઈ મોટો કમાલ કરી શકે છે કે નહીં.
આ પણ વાંચો :કોલંબો ટેસ્ટ ડ્રો છતાં કેપ્ટન શુભમન ગિલને WTC ફાઇનલનો પૂરો ભરોસો; ભારતની રણનીતિ સ્પષ્ટ
આ પણ વાંચો :ટીમ ઇન્ડિયાને મોટો ઝટકો: ક્રિકેટ ઇલેવન સામેના પ્રેક્ટિસ મેચમાંથી બહાર થયા કેપ્ટન શુભમન ગિલ
આ પણ વાંચો :ગૌતમ ગંભીરના સમર્થનમાં હરભજન સિંહ, શુભમન ગિલની કેપ્ટનશિપ પર પણ મોટું નિવેદન
