આજે પાકિસ્તાનમાં લાહોરથી ઈસ્લામાબાદ સુધી ઉથલપાથલ છે. પૂર્વ વડાપ્રધાન ઈમરાન ખાનને ઈસ્લામાબાદમાં સુનાવણી છે, પરંતુ રસ્તામાં ઈમરાનના કાફલા સાથે અકસ્માત થયો હતો. ઈમરાનના કાફલાના ત્રણ વાહનો એકબીજા સાથે અથડાયા હતા. આ અકસ્માતમાં ઈમરાનનો આબાદ બચાવ થયો હતો. તેમની કારને કોઈ નુકસાન થયું નથી. આપને જણાવી દઈએ કે ઈમરાન તોશાખાના કેસમાં ટુંક સમયમાં જ હાજર થવાના હતા અને જો કોર્ટમાંથી કોઈ રાહત નહીં મળે તો ઈમરાન ખાનની આજે જ ધરપકડ થઈ શકે છે.
પાકિસ્તાનના પૂર્વ પીએમ ખાનના કાફલાના વાહનો એકબીજા સાથે અથડાયા હતા. અકસ્માતમાં ઈમરાન ખાન સંપૂર્ણપણે સુરક્ષિત છે. જ્યારે આ ઘટના બની ત્યારે ઈમરાન ખાન તોશાખાના કેસમાં હાજર થવા માટે લાહોરથી ઈસ્લામાબાદ જઈ રહ્યા હતા.
ગત વર્ષે ઈમરાન પર જીવલેણ હુમલો થયો હતો
જણાવી દઈએ કે ઈસ્લામાબાદ પ્રશાસને શુક્રવારે રાત્રે રાજધાનીમાં કલમ-144 લાગુ કરી હતી, જેના હેઠળ ખાનગી કંપનીઓ, સુરક્ષા ગાર્ડ અથવા અન્ય વ્યક્તિઓને હથિયાર લઈ જવા પર પ્રતિબંધ છે. ખાન પર ગયા વર્ષે નવેમ્બરમાં જીવલેણ હુમલો થયો હતો. ગયા ગુરુવારે થયેલી સુનાવણીમાં, કોર્ટે ઈમરાનની સામે જારી કરાયેલા બિનજામીનપાત્ર ધરપકડ વોરંટને સસ્પેન્ડ કરવાની માંગ કરતી અરજીને ફગાવી દીધી હતી. જો કે, ઈસ્લામાબાદ હાઈકોર્ટે શુક્રવારે ઈમરાન વિરુદ્ધ જારી કરાયેલ બિન-જામીનપાત્ર ધરપકડ વોરંટને સસ્પેન્ડ કરી દીધું હતું અને તેને શનિવારે તોશાખાના કેસની સુનાવણી કરતી જિલ્લા કોર્ટમાં હાજર રહેવાની તક આપી હતી.
A vehicle in the convoy of former Pakistan PM Imran Khan met with an accident as he heads to Islamabad in connection with the hearing into the Toshakhana case: Pak media pic.twitter.com/kdLxTWwIGQ
— ANI (@ANI) March 18, 2023
તોશાખાના શું છે? કેમ ફસાયા ઈમરાન?
1974માં સ્થપાયેલ તોશાખાના એ કેબિનેટ વિભાગના વહીવટી નિયંત્રણ હેઠળનો વિભાગ છે. તોશાખાનામાં પાકિસ્તાની શાસકો, સંસદસભ્યો, અમલદારો અને અન્ય દેશોની સરકારોના અધિકારીઓ, રાજ્યોના વડાઓ અને વિદેશી મહાનુભાવો દ્વારા મળેલી કિંમતી ભેટો છે. ખાન આ તોશાખાનામાંથી મોંઘી કાંડા ઘડિયાળ સહિતની ભેટો ખરીદવાને કારણે વિવાદમાં રહ્યા છે. આરોપ છે કે તેણે આ ઘડિયાળ તોશાખાનામાંથી રાહત ભાવે ખરીદી હતી અને પછી તેને વેચીને નફો કર્યો હતો. ખાનને પાકિસ્તાનના ચૂંટણી પંચે ગયા વર્ષે ઓક્ટોબરમાં વેચાણ સંબંધિત વિગતો શેર ન કરવા બદલ અયોગ્ય ઠેરવ્યા હતા.
આ પણ વાંચો:રાષ્ટ્રપતિ બિડેન આ ઉનાળામાં પીએમ મોદીને સ્ટેટ ડિનર માટે હોસ્ટ કરી શકે
આ પણ વાંચો:કોરોના વાયરસને લઇને WHOએ આપી આ ચેતવણી,જાણો
આ પણ વાંચો:રશિયાના રાષ્ટ્રપતિ પુતિનની ધરપકડ વોરંટ મામલે યુક્રેને વ્યક્ત કરી ખુશી, નિર્ણયને આવકાર્યો
આ પણ વાંચો:ફ્રાન્સે ભારતને પરમાણુ સબમરીન બનાવવાની ઓફર કરી, ચીન ફરી ઉશ્કેરાયું
